Read Banggai ZAKHARIA 13 Bible Online

ZAKHARIA 13 - Banggai bible

ZAKHARIA 13

¹TEMENENO Mobabasal Konakuasa bantile, “Doi oloyo doo naikon palapuas kopaisu matano tuuk katolonosiiyo Daud nakaturunan tukon modungoliyo ko Yerusalem luwedoi lalim tukon sosubakon pilogot molapamo yanila lakukene.

²Doi oloyo doo Kuapuse pilogot-pilogot sambuno luwedoi doi buta nia, tobikon akiyo komeeng komian modaano moingotikene. Saibino komian momangakukene kobutongo nabi naikon Kusikayo tukon yanila inusoki roh molokis.

³Tukon kalukai daano komian mobantile baikon yana pelengge ko teteba, tamano tinano susuungo naikon bantikene doi yana baikon yana sio nainukum mate, sabab kona binantil doiyamo kala. Kalu yana tataap mangaku butongo salaku nabi koidan, yana naikon tamano tukon tinano suunge pomatekon.

⁴Doi oloyo doo saibino konabi naikon lasayo mamaa tuuk tindokiiyo buno nabi. Yanila aki naikon namapake pakean nabi tuuk bakokoli tukon babanggaakene kona pokita.

⁵Kobaliko, yanila naikon bantil, ‘Yaku bolikon nabi. Yaku tolongo meeng mobalimang doi asi pomatekon.’

⁶Tukon kalu mian momasadai doi yana, ‘Pakol oila modaano doi koo doo?’, yana naikon timbiliyo, ‘Yaku kanakon pakol doo doi tulanggu na bonua.’ ”

⁷ TEMENENO Mobabasal Konakuasa bantil, “Bangkito he sabel, tukon lobosio mokai padagai mobalimang tuuk Yaku! Akateomo yana, maka domba-domba naikon poalas-alaso. Yaku naikon molobosi Kuumat,

⁸tukon posaapon kotano lua pertolu luwedoi podungolino naikon mate.

⁹Tolongo tolu koobos naikon salamat. Tukon yanila doo naikon Kukoliyousio buno suasa aung mokindedeke. Yanila naikon Kuujio buno mian mo ujio komosoni. Maka yanila naikon sambeang doi Yaku, tukon Yaku naikon timbiliyo yanila. Yaku naikon bantile doi yanila baikon yanila daanoon Kuumat, tukon yanila kai naikon mangaku baikon Yakumokai yanila na TEMENENO Mian Bisa.”