Read Banggai ZAKHARIA 2 Bible Online

ZAKHARIA 2 - Banggai bible

ZAKHARIA 2

¹Batokitaan lalomo potuunduno yaku kitayo meeng komian mala-malane mo mataani alos baukuran.

²“Yase doiyaa?” kupasadai, “Yaku sadaiyo doiyana?” Maka natimbilii yaku, “Yaku ature ko Yerusalem, yaku yase toiyo bulaando kona; kobulus tukon konakebelan dokota doo.”

³Lapa doiya yaku kitayo domalaekatoo molapamo basilingan doiyakudoo, yana laakon maju, tukon meeng komalaekat bailon lubatiiyo yana.

⁴Malaekatoo tumbeno bantile doi malaekat koluanodoo, “Tausokai mosobit doi pamuda doo, tukon bontiikene doi yana baikon ko Yerusalem naikon moono tukon banggapi, iyayon piniala tobikon doiya aki nateali bineton potikunggon.

⁵TEMENENO lapamo berjanji baikon Yana susuungo naikon teali beton aung moboilingiyo kota doo tuuk molindungiyo tukon Yana naikon dungol indaa sasaibino kokuasa lalomo tukon Natanggaalan.”

⁶TEMENENO bantile doi Naumat, “Yaku lapamo poalasene komuyu doi sasaibino kopenjuru. Bai diabudodoo he mian-mian mosinakukon, dampasokai luwedoi Babel tukon abalimo doi Yerusalem.

⁸Indee komolobosiyo komuyu lobosiyo konoanggu lalom.” Maka TEMENENO Mobabasal Konakuasa sumboliyaku pelenggene teteba nia doi bangsa-bangsa molapamo rampeke Kona umat,

⁹“TEMENENO susuungo naikon lawane komuyu! Tukon komuyu naikon bekas muata-ata susuungo komorampokon. Kalu langge doo teali, komuyu naikon toyo baikon ko TEMENENO Mobabasal Konakuasa lapamo sumboliyo yaku.”

¹⁰TEMENENO bantile, “Mananikai tukon tedes he komodungoliyo ko Yerusalem! Yaku naikon dungol doi tanga-tangamu!”

¹¹Doi tempodoo badaang kobangsa naikon molubat doi TEMENENO tuuk teali Naumat. Yana naikon dungol doi tanga-tangamu, tukon komuyu naikon toiyo baikon ko TEMENENO lapamo kirime yaku doikoo.

¹²Idan koidan Yehuda naikon teali TEMENENO, koona doi Nabuta momoliyous, tukon Yerusalem naikon teali kota Yana mo seseange tuuno.

¹³Sasaibino komuyu podungolo doi TEMENENO salaano. Sabab Yana ampakono doi tampat Nadungolan doi surgaa.