Read Banggai ZAKHARIA 3 Bible Online

ZAKHARIA 3 - Banggai bible

ZAKHARIA 3

¹ Batokitaan bailonggon lalomo TEMENENO okitakene doiyaku Imam Babasal Yosua daanon mokokondong doi TEMENENO Namalaekat salaano. Doi Yosua taikon kokondongokai ko Setan molapamo siap motuduwo.

² TEMENENO Namalaekat bantil doi Setan, “Boliisi ko TEMENENO moseseange ko Yerusalem naukume ikoo. Namiania pokakana kokayung patolo mo binubut luwedoi aung mokait.”

³Yosua kokondong idoo mapake pakean momadikit tuuno.

⁴Maka bantilkai domalaekatoo doi potomboni-potomboni doi surgaa, “Sakukenemo dopakeanoo momadikit domianoo mopakeo.” Tukon doi Yosua yana bantile, “Mulalim sinakukono, ikoo naikon kubeena pakean moboolu.”

⁵Yana kai parentayo kona potomboni-potomboni tuuk mopaase kotuala mobilisii doi Yosua oluno. Yanila tulutiyo tukon lapa doiya yanila pakeikene kopakean moboolu doi yana tukon TEMENENO Namalaekat komo dagaiyo.

⁶Lapa doiya domalaekatoo pelenggene ko TEMENENO nabantilan doi Yosua,

⁷“Kalu ikoo taatiyo Daku ukum-ukum tukon lakukene kolimang-limang Yaku beekene doi komuyu, maka tuuk banggadudul ikoo moola teali katua doi Ku Bonua lalomo tukon uluse kona kulusi doi nabonua kintalo. Yaku naikon ndongoliyo komu sambeang-sambeang, buno Yaku mondongoli sambeang saibino komalaekat modaano kolania-Ku.

⁸ Ndongoliyo kai he Imam Babasal Yosua, koidan komuyu imam-imam moteali tula-tulano, komuyu saibino daano kotanda luwedoi tempo mosinasalaan monondok. Doi tempo doo Yaku naikon bitekene Dakupeleleani mosinumbuikon ‘Sang Tunas’.

⁹Kubinggakene doi Yosua salaano komeeng kobatu bapanapat pitu tukon Yaku binotike tukon tulisan tulisan. Meeng kooloyo lalomo naikon Kusakukene kolalim luwedoi tano nia.

¹⁰ Kalu kai doi oloyodoo lubat, sasaibino komian undange konapoboolanikonan sulano nalubat tukon narasakanggene kodame tukon monondokan doipoasi anggur tanga-tangano tukon poara batang-batango.”