Read Banggai ZAKHARIA 7 Bible Online

ZAKHARIA 7 - Banggai bible

ZAKHARIA 7

¹Tanggal 4 bituwon Kislew, doiyamo bituwon kosiono, taun kosanggapo lalomo Tomundo Darius namaparentaan, TEMENENO meteteba koidan doi yaku.

²Modungoliyo ko Betel lapamo bitekene Sarezel tukon Regem-Melekh tukon yanila naanak buah doi TEMENENO Mobabasal Konakuasa Na Bonua tuuk momakabi nabalakaat.

³Yanila kai sinumbolii masadai doi imam-imam tukon doi sasaibino konabi, bunonaiya, “Danoon mopalaluu kami momandaunggene ko TEMENENO Na Bonua namanasan tukon bapuasa doi sasamba kobituwon kolimano bunokomo lapamo kami lakukene doi taun-taun lalomo?”

⁴Naiyamokai ko TEMENENO nateteba molubat doi yaku.

⁵Nabantilano, “Pelenggenekai doi sasaibino modungoliyo natano nia tukon doi sasaibino ko imam, baikon puasa tukon mandaungan yanila molakukene doi bituwon kolimano tukon kopituno konakalumbit pitu kolonomo kotaun tukon naiyo bolikonokai pongodoti Yaku.

⁶Koidan salataa yanila kaan tukon monginum, yanila unggoliyo kona biaiyan susungo.”

⁷Doiyamo ko TEMENENO nabanantil mololoi nabi-nabi doi tempo lolukoo doi tempo ko Yerusalem daanoon modinungoli tukon komodungoliyo sanaang. Doi tempodoo komian aki tongo dungol doi kampung-kampung potikunggon kokota bai tukon doi lalom taikon tukon bunggul-bunggul tuuno taalikon doi talise.

⁸TEMENENO Mobabasal Konakuasa bekene nateteba nia doiyaku,

⁹“Doi taun-taun molapa Yaku beekenemo Dakuparentah-parentah nia doi Kuumat, ‘Komuyu kai siopolas adil, tukon poseang-poseang tukon noa monondok doi tulamuyu.

¹⁰Inaikai molaing-lainggene saibino ko bauntal, pau-pau moakiyono kotamano-tinano, mian-mian lulubatan motataapo doi komuyu tanga-tangano, kai inde tolong kona kaadaan doi susa lalomo. Tukon inai koidan mobaniat molokis doi tulamuyu.’

¹¹Bai Kuumat mopalalentel tukon akikai namondongoli, yanila mokosokiyo kotolingainoila sulano aki namolongol.

¹²Yanila kotikase konoano tobikon yanila teali motikas konoanoila. Yaku nggimal tuuno sabab yanila aki natulutiyo Kootunggul-otunggul molapamo Kubekene doi yanila tukon nabi-nabi napalaturan mololukono.

¹³Yaku aki Kutimbiliyo konapo sambeang, sabab yanila kai aki namondongolii salataa Yaku basilingan.

¹⁴Bunokai sokoi, Yaku lapamo sapuwo yanila tobikon yanila tapakisaa dungol doi tano-tano mososodoan. Tano mo molumbang nia tealimo kis akiyono komodungoliyo tukon akiyo komotubo.”