Read Banggai KUAIKON 34 Bible Online

KUAIKON 34 - Banggai bible

KUAIKON 34

¹Maka Musa tinggale ko Moab pepelako tukon liba doi Nebo Bunggulo, doi Pisga bunggono doi taalikon tolopot ko Yerikho. Idoo TEMENENO tudoikene doi yana sasaibino dolipudoo, doiyamo: Gilead lipuno taalikon doi lembet potimbang kokota Dan;

²posaapon Naftali nalipu; Efraim tukon Manasye nalipu; Yehuda nalipu doi talise potimbang ko Tobun Tanga;

³taalikon doi lalom Yehuda tukon pepelakono mo tobuka luas luwedoi Zoar doi Yerikho, kota mo moono tukon kurma batango.

⁴ Maka TEMENENO bantil doi Musa, “Doiyamo kotano Yaku mo dondiikene doi Abraham; Ishak tukon Yakub tuuk mosinalakanggon doi napoo tulunan. Yaku okitaikene doi komuyu, Musa, bai aki Kupataikonggon mutaus dombalaa.”

⁵Maka Musa TEMENENO naata matemo doi tano Moab, pokakana ko TEMENENO nabinontiikon doi yana moakiyoon namate.

⁶Ko TEMENENO kibule yana doi meeng kopeak doi Moab doi kota Bet-Peor sembeleng, bai polong oloyo nia akiyo komeeng komian motoiyo tukon tontong inaando kokibulo.

⁷Musa mate kona umur sakat lua kolono kotaun. Konabukuanan aki nabolii tukon daano mo taraang konapokita.

⁸Doi Moab seanono ko bangsa Israel kokiiliyo Musa tukon boboiyo kooluno toik moute tolu kolono kooloyo konakalumbit.

⁹Ko TEMENENO lobioniiyo Yosua Nun napau tukon pandoian sabab yana lapamo Musa tudeo teali posobolino. Ko bangsa Israel taat doi Yosua tukon ampakonggene koparentah-parentah TEMENENO mo beekene doi yanila doi Musa.

¹⁰ Doi Israel akiyono konabi mo buno Musa mobasilingan posasalaan tukon TEMENENO duduso.

¹¹Akiyono komo lakukene ko TEMENENO nakakuasaan tukon langge mohinelanggon-hinelanggon buno Musa nakinubai tuuk doi tano Mesir, natomundo tukon sasaibino kona pagawe pokokonoi tukon TEMENENO naparentah.

¹²Akiyono komo lakukene kokokubai-kokubai mohebat tukon hinelanggon buno Musa nalinakukon doi sasaibino kobangsa Israel salaano.