Read Banggai YOSUA 15 Bible Online

YOSUA 15 - Banggai bible

YOSUA 15

¹Kopuli-puli moluwedoi Yehuda nabenseno mantalima buta obos konabatas-batas buno naiyamo: Doi tambikon kolalom, dolipudoo topopong luas polong doi lalom bunduno tuuno kopadang gurun Zin lipuno doi napokalalatanan ko Edom;

²tambuun luwedoi lalom bunduno ko Tobun Mate,

³banggadudul doi lalom loloiyo kobunggul ea-eaakono doi Akrabim polong doi Zin. Koikoidan loloiyo ko Kades-Barnea tambikon lalom, banggadudul loloiyo ko Hezron, tolibo doi Adar, doibundu bapatek doi Karka salaano.

⁴Luwe idoo banggadudul koidan doi Azmon, maka manisikiyo kopaisubatango pauno doi napokalalatanan ko Mesir, doibundu konapupusan doi Tobun Tanga. Bunomodoiya kogaris napokalalatanan tambikon lalom kodaerah motuuk doi Yehuda nabenseno. Tukon garis napokalalatananoo, buno pokakana koidan kogaris napokalalatanan tambikon lalom posaapon kolipu Israel.

⁵Doi tolopot sembeleng, kona kalalatan doiyamo Tobun Mate, banggadudul doi lembet polong doi Yordan Paisunobatango babano. Doi lembet sembeleng, konakalalatan tambuun doi Yordanoo Paisunobatango babano,

⁶tolibodoi Bet-Hogla, maka banggadudul doi napokalalatanan ko Yordan Pepelako. Luwe idoo konapokalalatanan dolembetoo tolibo banggadudul doi lembet polong doi Batu Bohan (Bohan doiyamo Ruben napau),

⁷doibundu banggadudul doi Kasusahan Pepelako polong doi Debir, maka bapatek koidan doi lembet doi Gilgal salaano doi lipu moposasalaan tukon kobunggul ea-eaakono doi Adumim tambikon lalom doi pepelakodoo. Luwe idoo banggadudul koidan doi En-Semes paisunomatano, maka banggadudul doi En-Rogel,

⁸doibundu tolibo loloiyo ko Hinom Pepelako doi tambikon lalom kobungkuko, idoomo konatangabosan ko Yerusalem, Yebus miano nakota. Luwe idoo dogaris napokalalatananoo tujuiyo dobunggul bungkonodoo doi tambikon talise ko Hinom Pepelako, doi lembet bunduno doi Refaim Pepelako,

⁹doibundu banggadudul doi Me-Neftoah paisunomatano, polong doi kota-kota mopoloolanikon ko Efron Bunggulo. Luwe idoo kogaris napokalalatanan dodaerahdoo bapatek doi Baala salaano (doiyamo Kiryat-Yearim),

¹⁰tukon boilingiyo tambikon talise ko Baala doi tambikon ko Edom Bunggulo, maka nabanggadudul doi tambikon lembet ko Yearim Bunggulo (doiyamo Kesalon Bunggulo) tukon obulus doi Bet-Semes, doibundu banggadudul doi Timna.

¹¹Luwedoi Timna, dogaris napokalalatananoo koikoidan tujuiyo doi tambikon lembet ko Ekron Bunggulo, maka nabapatek doi Sikron salaano, lumbaiyo ko Baala Bunggulo, banggadudul doi Yabneel, tukon konapupusan doi Tobun Tanga,

¹²mo bunopokakana garis napokalalatanan tambikon talise ko Yehuda nabenseno nawilayah. Doi wilayah doo lalomo dungol komian mo luwedoi Yehuda nabenseno puli-pulino.

¹³ Pokokonoi tukon ko TEMENENO naparentah doi Yosua, kosoobos Yehuda nadaerah bineekono doi Kaleb Yefune napau moluwedoi Yehuda nabenseno. Doi yana bineekono ko Hebron; doiyamo Arba nakota, Enak tamano.

¹⁴Enak nakatulunan doiyamo Sesai miano, Ahiman tukon Talmai. Kaleb sikayo yanila sasaibino luwedoi Hebron.

¹⁵Luwe idoo yana ampakon lobosiyo komian modungol doi Debir. (Dokotadoo loolukon totoy bunopokakana ko Kiryat-Sefer.)

¹⁶Kaleb nabantilano, “Indee komiano komo moola lambase ko Kiryat-Sefer, yana moola poala tukon dakupau boineno, Akhsa.”

¹⁷Otniel, luwedoi Kaleb utuso napau kosambuno Kenas, komo lambase dokotadoo, maka Kaleb beekenemo konapau, Akhsa, teali Otniel naboloki.

¹⁸Doi napooloyo osowaanan, Otniel dosaake Akhsa sulano namangkabi soobos kobuta luwedoi tamano. Maka obuluso Akhsa luwedoi nakeledai, maka Kaleb mansadaikene doi yana oila kona iniyas.

¹⁹Akhsa timbiliyo, “Yaku yase mangala moi-moiya kopaisu matano sabab kobuta tama mobeekene doiyakudoo tangabos doi buta momotuul.” Maka Kaleb beekenemo doi yana kopaisu matano motambikon doi babo tukon paisu matano motambikon doi bilit.

²⁰Koikoidan naiya daanokai buta mo bineekon doi Yehuda nabenseno puli-pulino sulano nateali koonila nalangge.

²¹Kokota-kota mo dodoon tuuno doi lalom sembeleng, moteali Yehuda koona doiyamo komo tangabos doi napokalalatanan ko Edom, sasaibino daano koluakolono siyo kokota, tongusokon kodesa-desa napoloolanikonan. Dokota-kotadoo doiyamo: Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hazor-Hadata, Keriat-Hezron (doiyamo ko Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain tukon Rimon.

³³Kota-kota, tongusokon kodesa-desa doi napoloolanikonan, motangabos doi bungko-bungko uuno, sasaibino daano kosongulo sangkap kokota, doiyamo: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera tukon Gederotaim.

³⁷Koidan daano kosongulo noom kokota bailon tukon desa-desa doi napoloolanikonan: Zenan, Hadasa, Migdal-Gad, Dilean, Mizpa, Yokteel, Lakhis, Bozkat, Eglon, Khabon, Lahmas, Khitlis, Bet-Dagon, Naama tukon Makeda.

⁴²Koidan daano kosiyo kokota bailon nia tukon desa-desa doi napoloolanikonan: Libna, Eter, Asan, Yiftah, Asna, Nezib, Kehila, Akhzib tukon Maresa.

⁴⁵Koidan Ekron tukon kokota-kota mopoipoisik tukon kona desa-desa,

⁴⁶tukon sasaibino kokota-kota polong desa-desa doi napoloolanikonan ko Asdod, luwedoi Ekron polong doi Tobun Tanga.

⁴⁷Bunomo koidan ko Asdod tukon Gaza tukon kokota-kota mopoipoisik tukon kona desa-desa mopobandakon polong loolaniyo ko paisuno batango pauno doi napokalalatanan ko Mesir tukon Tobun Tangah tapeno.

⁴⁸Doi daerah nabunggulan daano kosongulo meeng kokota tukon desa-desa doi napoloolanikonan: Samir, Yatir, Sokho, Dana, Kiryat-Sana (doiyamo ko Debir), Anab, Estemoa, Anim, Gosyen, Holon, tukon Gilo.

⁵²Koidan daano kosiyo kokota bailon nia, tongusokon kodesa-desa doi napoloolanikonan: Arab, Duma, Esan, Yanum, Bet-Tapuah, Afeka, Humta, Kiryat-Arba (doiyamo ko Hebron) tukon Zior.

⁵⁵Koidan daano kosongulo kokota bailon nia tukon desa-desa doi napoloolanikonan: Maon, Karmel, Zif, Yuta, Yizreel, Yokdeam, Zanoah, Kain, Gibea tukon Timna.

⁵⁸Tukon noom kokota bailon nia koidan, tukon desa-desa doi napoloolanikonan: Halhul, Bet-Zur, Gedor, Maarat, Bet-Anot tukon Eltekon.

⁶⁰Koidan daano kolua kokota bailon nia tukon desa-desa doi napoloolanikonan: Kota Kiryat-Baal (doiyamo ko Kiryat-Yearim) tukon Kota Raba.

⁶¹Doi daerah padang lalomo, daano konoom kokota bailon nia tukon desa-desa doi napoloolanikonan: Bet-Araba, Midin, Sekhakha, Nibsan, Kota Garam tukon En-Gedi.

⁶³ Kota Yerusalem tongusokon koidan Yehuda koona, bai ko Yehuda miano aki namoola siikayo ko Yebus miano mo dungol idoo. Polong budodoiya ko Yebus miano daano mopodungoli ko Yehuda miano doi kotadoo.