Read Banggai YOSUA 16 Bible Online

YOSUA 16 - Banggai bible

YOSUA 16

¹Kobuta natolongan bataso mo tinudo tuuk doi Yusuf nakatulunan, tambuun doi Yordan Paisunobatango loolani ko Yerikho, tambikon tolopot kopaisu-paisu matano doi Yerikho polong doi padang lalomo. Luwedoi Yerikho, butadoo bataso tolibo polong doi Betel doi lipu nabunggokonan.

²Luwedoi Betel, butadoo bataso bandombalaakon Lus, loloiyo ko Atarot, doiyamo ko Arki miano nalipu dungolan.

³Luwe idoo butadoo bataso badombalaakon tambikon doi talise ko Yaflet miano nalipu, polong doi Bet-Horon-Hilir, banggadudul doi Gezer, maka pupus doi Tobun Tanga.

⁴Doiyamo kolipu mo bineekon doi Manasye nabenseno tukon Efraim, Yusuf nakatulunan, tuuk tealimo napobuta.

⁵Koikoidan naiya daanokai konatolo-tolongan kobuta mo bineekon doi puli-puli Efraim nabenseno lalomo. Taalikon doi tolopot, konapoo buta bataso natolongan tambuun luwedoi Atarot-Adar polong doi Bet-Horon-Hulu,

⁶maka banggadudul dombalaa Tobun Tanga. Mikmitat tangabos doi tambikon lembet. Doi tambikon kotolopoto, butadoo bataso bapatek doi Taanat-Silo salaano, maka luwedoi tambikon tolopot bandombalaakon Yanoah.

⁷Luwe Idoo butadoo bataso bulus doi Atarot tukon Naharat, maka nabanggadudul manisikiyo ko Yerikho tukon konapupusan doi Yordan Paisunobatango.

⁸Taalikon doi Talise, kobuta bataso napokalalatanan ko Efraimoo tambuun luwedoi Tapuah polong doi Kana Paisunobatango pauno, maka konapupusan doi Tobun Tanga. Doiyamo kobuta mo bineekon doi puli-puli moluwedoi Efraim nabenseno, sulano nateali koonila,

⁹tongusokon komoimoiya kokota poi-poisik tukon desa-desa mo tangabos doi Manasye nalipu lalomo.

¹⁰ Bai Efraim nabenseno aki nasiikayo ko Kanaan miano doi Gezer lipuno. Doiyamo kosababpo polong budodoiya ko Kanaan miano daano modungol doi Gezer posinggat-singgat tukon Efraim miano, bai yanila pinakisaa mobalimang salaku ata motuuk doi Efraim miano.