Read Banggai YOSUA 19 Bible Online

YOSUA 19 - Banggai bible

YOSUA 19

¹Bangobosan koluano doiyamo buta motuuk doi Simeon nabenseno puli-pulino. Konapo buta natolongan usok polong doi lalom natotolongan kobuta Yehuda nabenseno koona.

² Yanila bineekon kosongulo tolu kokota nia tukon desa doi napoloolanikonan: Bersyeba, Syeba, Molada, Hazar-Sual, Bala, Ezem, Eltolad, Betuel, Horma, Ziklag, Bet-Hamarkabot, Hazar-Susa, Bet-Lebaot tukon Saruhen.

⁴

⁵

⁶

⁷Koidan sangkap kokota bailon nia tukon desa doi napoloolanikonan: Ain, Rimon, Eter, tukon Asan.

⁸Tongusokon koidan sasaibino kodesa doi napotikunggonan dokota-kotadoo polong pootimbang ko Baalat-Beer (doiyamo ko Rama) doi buta tambikon lalom sembeleng. Doiyamo kobuta mo bineekon doi puli-puli mo luwedoi Simeon nabenseno motuuk teali yanila koona.

⁹Sabab kobuta motuuk doi Yehuda nabenseno todudul loas, maka kosoobos doi butadoo bineekono doi Simeon nabenseno.

¹⁰Bangobosan kotoluno doiyamo buta motuuk doi Zebulon nabenseno puli-pulino. Konatolongan kobuta mobineekon doi yanila polong doi Sarid.

¹¹Luwedoi Sarid, kobuta bataso natolongan tambikon doi talise sembeleng badombalaakon doi Marala, maka nasinggile ko Dabeset tukon paisunobatango pauno doi tolopot ko Yokneam.

¹²Kobuta bataso natolongan doi tolopot sembeleng tambuun luwedoi Sarid badombalaakon konapokalalatanan ko Khislot-Tabor, banggadudul doi Dobrat, maka natolibo doi Yafia.

¹³Luwe indaa butadoo bataso natolongan banggadudul doi tolopot doi Gat-Hefer tukon Et-Kazin, maka nabasupeton doi Nea salaano badombalaakon doi Rimon.

¹⁴Doi lembet sembeleng, butadoo natolongan basupeton doi Hanaton salaano tukon kona pupusan doi Yiftah-El Pepelako.

¹⁵Zebulon nabensenodoo nalipu lalomo tongusokon koidan: Ko Katat, Nahalal, Simron, Yidala, tukon Betlehem. Donapo lipudoo tongusokon kosongulo lua kokota tukon desa-desa doi napoloolanikonan.

¹⁶Kokota-kota tukon desa-desanodoo tangabos doi lipudoo lalomo mo bineekono doi Zebulon nabenseno puli-pulino sulano nateali napobuta.

¹⁷Bangobosan kosanggapo doiyamo buta mo tuuk doi Isakhar nabenseno puli-pulino.

¹⁸Konapolipu lalomo tongusokon: ko Yizreel, Khesulot, Sunem,

¹⁹Hafaraim, Sion, Anaharat,

²⁰Rabit, Kisyon, Ebes,

²¹Remet, En-Ganim, En-Hada tukon Bet-Pazes.

²²Konapoobuta natolongan singgile ko Tabor, Sahazima, Bet-Semes, maka kona pupusan doi Yordan Paisunobatango. Donapolipudoo tongusokon kosongulo noom kokota tukon desa-desa doi napoloolanikonan.

²³Kokota-kota tukon desa-desanodoo tangabos doi lipudoo lalomo mo bineekon doi Isakhar nabenseno puli-pulino sulano nateali napobuta.

²⁴Bangobosan kolimano doiyamo kobuta motuuk doi Asyer nabenseno puli-pulino.

²⁵Konapolipu tongusokon: ko Helkat, Hali, Beten, Akhsaf,

²⁶Alamelekh, Amad tukon Misal. Konapoobuta natolongan doi talise sembeleng singgile ko Karmel Bunggulo tukon Libnat Paisunobatango.

²⁷Luwedoi napobuta bataso natolonganoo bapatekon doi tolopot doi Bet-Dagon maka nasinggile konapokalalatanan ko Zebulon tukon Yiftah-El Pepelako badombalaakon doi lembet doi Bet-Emek tukon Nehiel. Maka butadoo bataso natolongan banggadudul koidan badombalaakon doi lembet doi Kabul,

²⁸Ebron, Rehob, Hamon tukon Kana polong pootimbang ko Sidon.

²⁹Luwe idoo butadoo bataso natolongan bapatekon doi Rama, banggadudul doi kota Tirus, doiyamo meeng kokota mopinagal betoon; boobus koidan butadoo bataso natolongan bapatekon koidan Hosa maka konapupusan doi Tobun Tanga. Doi batas-batasoo lalomo tongusokon ko Mahalab, Akhzib,

³⁰Uma, Afek, tukon Rehob. Sasaibino konapo lipu tongusokon kolua kolono lua kokota tukon desa-desa doi napoloolanikonan.

³¹Kota-kota tukon kodesa-desanodoo tangabos doi lalomo kodaerah mo bineekono doi Asyer nabenseno puli-pulino sulano nateali napobuta.

³²Bangobosan konoomo doiyamo buta motuuk doi Naftali nabenseno puli-pulino.

³³Konapobuta natolongan tambuun luwedoi Helef, polong doi ek batango doi Zaanaim, banggadudul doi Adami-Nekeb, maka doi Yabneel, polong doi Lakum, doibundu konapupusan doi Yordan Paisunobatango.

³⁴Luwe idoo kobuta bataso natolongan bapatekon doi talise doi Aznot-Tabor, tukon luwe indaa doi Hukok. Doi lalom sembeleng, nalipu nia pokalalatanggon tukon Zebulon nalipu, doi talise sembeleng tukon Asyer, doi tolopot sembeleng tukon Yordan Paisunobatango.

³⁵Kokota-kota mo pinagal betoon doiyamo: Zidim, Zer, Hamat, Rakat, Kineret,

³⁶Adama, Rama, Hazor,

³⁷Kedes, Edrei, En-Hazor,

³⁸Yiron, Migdal-El, Horem, Bet-Anat, tukon Bet-Semes. Sasaibino konapo lipu tongusokon kosongulo siyo kokota tukon desa-desa doi napoloolanikonan.

³⁹Kokota-kota tukon kodesa-desanodoo tangabos doi lalom kolipu mo bineekono doi Naftali nabenseno puli-pulino sulano nateali napobuta.

⁴⁰Bangobosan kopituno doiyamo buta motuuk doi Dan nabenseno puli-pulino.

⁴¹Konalipunia tongusokon ko Zera, Esytaor, Il-Semes,

⁴²Saalabin, Ayalon, Yitla

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Beneberak, Gad-Rimon,

⁴⁶Me-Yarkon, Rakon tukon koidan lipu napoloolanikonan ko Yope.

⁴⁷ Dan nabenseno miano lapamo lapus kosoobos luwedoi nalipu, jadi yanila ampakon doi Lesem tukon lobosio dokotadoo. Yanila lambasemo, akateyomo kotumbuno, tukon dungoliyomo dokotadoo. Maka yanila dungolo idoo tukon boliiyo kosambuno dokota Lesemoo teali kota Dan, loingiyo konapotauwa sambuno.

⁴⁸Kota-kota tukon desa-desanodoo tangabos doi lalom kolipu mo bineekono doi Dan nabenseno puli-pulino sulano nateali yanila koona.

⁴⁹Sambuno ko Israel miano lapamo moebes-ebese kobuta doi tanodoo, yanila beekene doi Yosua Nun napau kosoobos kobuta sulano nateali koona nabuta.

⁵⁰Pokakana komo lapamo TEMENENO palentakene, yanila beekenemo doi yana kokota yana mokabiyomo, doiyamo: Timnat-Serah doi Efraim bunggulo. Yosua bangune koidan dokotadoo, maka dungol idoo.

⁵¹Bunomodoiyakai Imam Eleazar, Yosua Nun napau tukon sasaibino kobonua tumbuno langgaino doi bangsa Israel nabense-benseno naobos-obosano kobuta doi tanodoo tukon mangaison undi tuuk momangkabi potudoikon moluwedoi TEMENENO. Yanila lakukanggene doiya doi Silo doi TEMENENO Na Sandung tataapono salaano. Lapamokailapa dobangobosanoo buta.