Read Banggai YOSUA 21 Bible Online

YOSUA 21 - Banggai bible

YOSUA 21

¹ Daano kooloyo meeng sasaibino kobonua tumbuno langka-langkaino doi Lewi nabenseno lalomo ampakon doi Silo doi tano Kanaan, tukon mangadap doi Imam Eleazar, Yosua Nun napau, tukon doi sasaibino kobonua langka-langkaino doi sasaibino kobangsa Israel bense-benseno. Yanila bantile, “Lolo doi Musa; ko TEMENENO lapamo palentakene sulano doi kami, ko Lewi miano, nabinee kota tuuk komai dungolan tukon buta mobadaang doi napoloolanikonan dokota-kotadoo tuuk domai iyayon piniala.”

³Maka ko Israel miano loingiyomo ko TEMENENO napalenta. Luwedoi napobuta susuungo, yanila beekene doi Lewi miano kokota-kota motantu tukon buta-buta maka padango.

⁴Komo tumbe-tumbe talimayo kona kota-kota doiyamo puli-puli mo luwedoi Kehat miano Lewi nabenseno lalomo. Imam Harun nakatulunan puli-pulino bineekon kosongulo tolu kokota moluwedoi Yehuda nabenseno nalipu, Simeon tukon Benyamin.

⁵Kopuli-puli bailonggon moluwedoi Kehat miano binee songulo kokota luwedoi Efraim nabenseno nalipu, Dan tukon Manasye malaat taalikon doi talise ko Yordan Paisunobatango.

⁶Ko Gersom miano malaat songulo tolu kokota luwedoi Isakhar nabenseno nalipu, Asyer, Naftali tukon Manasye nabenseno malaat taalikon doi tolopot ko Yordan Paisunobatango.

⁷Puli-puli moluwedoi Merari miano malaat songulo lua kokota moluwedoi Ruben nabenseno nalipu, Gad tukon Zebulon.

⁸Bunomokai doiya ko Israel miano naobos-obosano kokota-kota motabantil tukon buta-butano maka padango luwe undian doi Lewi miano, buno ko TEMENENO napinalentakon lolo doi Musa.

⁹Luwedoi Kehat miano Lewi nabenseno lalomo, Imam-imam Harun nakatulunankai komo tumbe-tumbe talimayo konakota-kota; yanila binee songulo tolu kokota tukon buta-buta maka padango. Luwedoi Yehuda nabenseno tukon Simeon, yanila mantalima siyo kokota, doiyamo: Libna, Yatir, Estemoa, Holon, Debir, Aim, Yuta, Bet-Semes tukon Arba, mo sinombuikon luwedoi Enak tamano sambuno. Dokotadoo diabudonia kosambuno Hebron, daanokai meeng kokota somboan doi Yehuda nalipu bunggulo. Koasi-asi tukon desa-desa naikota nia lapamo bineekon doi Kaleb Yefune napau tuuk teali nabuta. Luwedoi Benyamin nabenseno yanila mantalima sangkap, kokota doiyamo: Gibeon, Geba, Anatot tukon Almon.

²⁰Kopuli-puli bailonggon moluwedoi Kehat miano binee songulo kokota tukon buta-buta maka padango. Luwedoi Efraim nabenseno yanila mantalima sangkap kokota, doiyamo: Bet-Horon, Kibzaim, Gezer tukon Sikhem, meeng kokota somboan doi Efraim nalipu bunggulo Luwedoi Dan nabenseno yanila mantalima sangkap kokota, doiyamo: Elteke, Gibeon, Ayalon, tukon Gad-Rimon doi Manasye nabenseno mo taalikon doi talise yanila mantalima lua kokota, doiyamo: Taanakh tukon Gad-Rimon.

²⁷Daano komian bailon doi Lewi nabenseno lalomo doiyamo Gerson miano. Kopuli-puli doi Gersonoo miano binee songulo tolu kokota tukon buta-buta maka padango. Luwedoi Manasye nabenseno mo taalikon doi tolopot yanila mantalima lua kokota, doiyamo: Beestera tukon Golan, meeng kokota somboan doi Basan lipuno. Luwedoi Isakhar nabenseno yanila mantalima sangkap kokota, doiyamo: Kisyon, Dobrat, Yarmut tukon En-Ganim. Luwedoi Asyer nabenseno yanila mantalima sangkap kokota, doiyamo: Misal, Abdon, Helkat tukon Rehab. Luwedoi Naftali nabenseno yanila mantalima tolu kokota, doiyamo: Hamat-Dor, Kaltan tukon Kedes, meeng kokota somboan doi Galilea.

³⁴Kopuli labino doi Lewi nabenseno lalomo, doiyamo Merari miano binee songulo lua kokota tukon buta-buta maka padango. Luwedoi Zebulon nabenseno yanila mantalima sangkap kokota, doiyamo: Yokneam, Karta, Dimna tukon Nahalal. Luwedoi Ruben nabenseno yanila mantalima sangkap kokota, doiyamo: Bezer, Yohas, Kedemot tukon Mefaat. Luwedoi Gad nabenseno yanila mantalima sangkap kokota, doiyamo: Mahanaim, Hesybon, Yaezer tukon Ramot, meeng kokota somboan doi Gilead.

⁴¹Jadi luwedoi buta-buta sasaibino kobangsa Israel koona daano kosanggapo kolono alu kokota tukon buta-buta modaano kopadango doi napoloolanikonan komo bineekon doi Lewi miano.

⁴³Bunodoiyakai ko TEMENENO nabeekanano doi Israel miano sasaibino kobuta molapamo dandikene tukon totopi doi napoo mbumbu natulunan. Sambuno dungoliyo dotanodoo, ko Israel miano tataapo indaa.

⁴⁴Maka pokokonoy tukon oila ko TEMENENO mo dandikene doi napombumbu natulunan, dolipudoo amano sabab ko TEMENENO dagaiyomo. Yanila namusuh-musuh akiyo komeengkai komo moola lawane yanila, sabab ko TEMENENO beena kamanangan doi Israel miano luwedoi sasaibino konapoo musuh.

⁴⁵TEMENENO tapaatiyo sasamba Konadandi doi Israel miano; akiyo komengkai komo aki Natapaatiyo.