Read Banggai TANO-TANO 17 Bible Online

TANO-TANO 17 - Banggai bible

TANO-TANO 17

¹Daano komeeng komala-malane kosambuno Mikha. Yana dungol doi lipu mo bunggokon doi Efraim nawilayah.

²Daano kooloyo meeng yana bontiikene kotinano, “Tina, salataa nalapusan soloon sakat komu doy suasa, yaku lengele tina basumbakene komo ndikuke. Tina, naiya, komu doy! Yakumo kai komo ndikuke.” Tinano timbiliyo, “Boliisi ikoo pau TEMENENO nabalakaatikon!”

³Mikha abalinggene dodoydoo doi tinano; maka tinano bantile, “Sulano ikoo daku pau, mutosobii luwedoi katula mo lapamo yaku bantiledoo, yaku sosubakene nasuasa nia doi TEMENENO sulano napinake teali lambea kayung molinapis suasa. Jadi dodoydoo yaku abalikene doikoo.”

⁴Maka salataa Mikha abalinggene dodoydoo doi tinano, dotinanodoo mangala lua ko sakato kopatolo luwedoi doidoo tukon beekene doi meeng kotukang suasa. Maka yana sumboliiyo dotukangoo namokubai meeng kolambea kayung molinapis tukon dosusadoo. Doibundu dolambeadoo inabos doi Mikha nabonua.

⁵Mikha susuungo daanomo komeeng kona tampat sosubaan. Yana mokubai bubula kolambea pilogot tukon meeng kolambal imam napakean maka oduduke komeeng konapau malaneno moteali imam.

⁶ Doi tempodoo ko Israel miano akiyono kona tomundo; sasamba komian lakukene oila kona inaanggon bisa.

⁷Doi tempodoo koidan daano komeeng kotabo moluwedoi Lewi nabenseno. Lolukoo yana dungol doi Betlehem doi Yahuda nalipu.

⁸Bai dia budodoo yana tinggalemo dokotadoo tukon daanoon moampakon moumbolii lipu dungolan bailon. Doi naampakonan lalomodoo yana polong doi Mikha nabonua doi Efraim nalipu bunggulo.

⁹Mikha masadai doi yana, “Utus indee komiano?” Domianoo timbiliyo, “Yaku Lewi miano luwedoi Betlehem doi Yehuda. Yaku daanoon momoumbal lipu dungolan.”

¹⁰Mikha bantile, “Dungolokai tukon yaku dimbaa, sulano ikoo muteali mai imam tukon mai pongotinau. Maka kubeenggon songulo kodoy suasa sasamba kotaun, tukon koidan pakean tukon kinaan.”

¹¹Do Lewidoo paumalaneno iyasemo, maka Mikha oduduke yana teali naimam. Yana dungol doi Mikha nabonua tukon tealikene buno napau sinuung susuungo.

¹³Maka Mikha bantile, “Nah, diabudodoo yaku anggayo baikon ko TEMENENO naikon kubaiyo monondok doi yaku sabab daanomo komeeng ko Lewi miano moteali kuimam.”