Read Banggai TANO-TANO 4 Bible Online

TANO-TANO 4 - Banggai bible

TANO-TANO 4

¹Salataa Ehud mate, kobangsa Israel baladosamo koidan doi TEMENENO.

²Maka TEMENENO batadikene yanila Yabin nakalayo, tomundo Kanaan mo dungol doi kota Hazor. Konatalenga polobosian doiyamo Sisela mo dungol doi Haroset-Hagoyim.

³Yabin daano kosio kosakato kona kereta polobosian luwedoi besi. Lua kolono kotaun kona kalumbit kona kuasaiyano ko Israel miano tukon kulokis. Doibundu yanila uang makabi tulung doi TEMENENO.

⁴Doi tempodoo komo katuaiyo ko Israel doiyamo meeng konabi boine kosambuno Debora, lapidot naboloki.

⁵Debora biasa osulang doi kurma suukano doi Rama napokalatanan tukon Betel, doi Efraim na lipuno bunggulo. Tukon idoomo ko Israel miano nalubatan sulano namakabi otinau doi yana.

⁶Daano kooloyo meeng yana sumboliiyo komian mouange Balak, Abinoam napau, luwedoi kota Kedes doi Naftali nalipu. Maka yana bantile doi Barak, “Naiya TEMENENO napalentah, Israel na Mian Bisa, doi komuyu: ‘Pototongikenemo kosongulo koloon komian mala-malaneno luwedoi Naftali tukon Zebulon nabenseno, tukon babayomo yanila doi Tabor bunggulo.

⁷Sio naikon kukubaiyo Sisera, Yabin natalenga polobosi, nalubotiio komuyu doi Kisyon Paisunobatango tukon nasuludadu tukon nakereta-kereta polobosian sulano nalobosio komuyu. Bai yaku naikon beekene doi komuyu komanaangan doi polobosianoo lalomo.’ ”

⁸Barak bantile doi Debora, “Kalu ikoo malaing, yaku yase taus. Bai kalu aki, yaku koidan aki kuiyase taus.”

⁹Debora timbiliyo, “Monondok, yaku naikon malaing! Bai neneeke, bolikon ikoo naikon komo malaat pongodotii. Lolodoi meeng koboinekai ko TEMENENO naikon lungguiyo Sisera.” Maka Debora luwemo polaing-laing Balak doi Kedes.

¹⁰Tukon Barak sumboliyo Zebulon benseno tukon Naftali doi Kedes. Komo lainge Barak tukon doi Debora tempodoo songulo koloon komian.

¹¹Doi tempodoo Heber, meeng ko Keni miano, lapamo bangalaas luwedoi nabangsa. (Bangsa Keni doiyamo Hobab natulunan, Musa nadaok.) Heber tauso mokekendenge kosandung-sandung lolani kotelpentin kayung-kayungo doi Zaanaim, aki namodoon luwedoi Kedes.

¹²Soisobit salataa Sisera lengele baikon Barak motauso doi Tabor Bunggulo,

¹³yana pototongikene kosio kosakato kona kereta polobosian mo luwedoi besidoo, polaing-laing tukon sasaibino konapasukan maka babayo yanila luwedoi Haroset-Hagoyim taus doi Kisyon Paisunobatango.

¹⁴Maka Debora bantile doi Barak, “Ayo maju! TEMENENOkai komo loolainge ikoo. Oloyo nia yana beena manaangan doikoo luwedoi Sisela.” Maka Balak obulus luwedoi Tabol Bunggulo polaing-laing tukon songulo koloon kona mian,

¹⁵boobus koidan yanila lobosiomo Sisera. Tukon ko TEMENENO nggalanggabutemo sasaibino Sisera napasukan tukon nakereta polobosian, tobikon Sisera obulus doi nakereta, maka dampasene kobutongo tukon ampakon ai-ai.

¹⁶Barak lelenggene kokereta-kereta polobosian tukon musuh napasukanoo polong doi Haroset-Hagoyim maka sasaibino Sisera napasukanoo yana akateyo; akiyo komeeng komian mo sinodii tubo.

¹⁷Salataa buno doiya Sisera dambaso doi Yael nasandung, Heber naboloki do Keni mianodoo. Sabab, Tomundo Yabin luwedoi Hazor posobat tukon Heber nabolokidoo.

¹⁸Salataa Sisera lubat, Yael lobotio yana tukon bantile, “Maimo tuan, usokokai doi kusandung lalomo; inai momatakut.” Maka Sisera usok doi sandungoo lalomo maka Yael tombukiyo yana tukon toik lalanse sulano natosookon.

¹⁹Sisera bantile doi Yael, “Tulungiyaku beenggu paisu soisik sulano kumonginum; yaku molou.” Maka Yael bukayo konataku mokinubai luwedoi iyayon kulito, tampat mangabosan susu, maka nabeena monginum doi Sisera, doibundu yana tombukiyomo koidan tukon toik lalanse.

²⁰Maka Sisera bantile doi Yael, “Tauso kokondong doi sandungoo tataapono salaano. Kalu daano komian mo lubat tukon masadai doikoo oilakai daano komian dimbaa, bantile akiyo.”

²¹Sisera daano mopakadak tuuno tobikon yana pipiit maka moolo tukon tomboosokon. Yael mangala meeng komalatelu tukon meeng kopapasok sandung, maka tukon aki nabiyok-biyok yana koolaniyo Sisera. Doibundu yana busanggene dopapasokoo doi pidalino lalomo polong tadul doi buta. Bunomo doiya Yael naakateano Sisera.

²²Salataa Balak lubat moumboliiyo Sisera Yael lobotio Barak tukon bantile doi yana, “Maimo maka kutudoikonggon domianoo ikoo moumboliiyo.” Barak usok polaing Yael, maka kitayo Sisera matemo, tengetelengan doi buta tukon sandung papasoko tobusanggon doi pidalino lalomo.

²³Doi oloyodoo TEMENENO beenamo manaangan doi Israel miano luwedoi Yabin tomundo Kanaan.

²⁴Dotomundodoo pololokon malumbit pololokon Israel miano lailainggene polong doi bundu yana silaka.