Read Banggai 3 YOHANES 1 Bible Online

3 YOHANES 1 - Banggai bible

3 YOHANES 1

¹ Utus Gayus mo sineang! Yaku, katua jemaat, mo bisa-bisa seange ikoo,

²sambeang boliisi Utus nasehat-sehat tukon sasaibino mono-monondok tukon ikoo buno pokakana komu jiwa daano mono-monondok.

³Yaku sanaang tuuno sambuno moimoiya koutus Salani miano lubat tukon popitoikene doi yaku bulaando komu satiaan doi Mian Bisa mo bisa, sabab memang Utus sidutu tubo tulutiyo ko Mian Bisa naotunggul.

⁴Akiyo komo moola tealikene yaku sanaang tuuno, luwedoi molongol baikon daku labuk-labuk tubo tulutiyo ko Mian Bisa naotunggul.

⁵Utusonggu! Utus bunomo doiya komu satiaan doi limang lalomo Utus mo lapamo kubaiyo doi tula-tulanggita Salani miano; mau koidan doi Salani Utus mo akiyoon natingoniiyo, bai Utus leleaniyomo.

⁶Yanila lapamo popitoikene doi jemaat dombai lipu tentang domu kasihdoo. Tulungiyo yanila sulano namoola yanila banggadudulkene kona poampakonan tukon kalu buno doiya sanaang ko Mian Bisa noano,

⁷sabab doi ampakonan lalomo tuuk moleleaniyo ko Kristus, yanila aki namantarima oila kobatuanoo doi mian-mian mo aki natoiyo ko Mian Bisa.

⁸Tobikon doiya, kita Salani miano sio nda tulungiyo kotula-tulanggita Salani miano mo buno doiya, sulano nda moola malaing yanila doi usahadoo lalomo moampakonggene kootunggul moluwedoi Mian Bisa.

⁹Yaku lapamo motulis surat mo palus doi jemaat, bai Diotrefes mo yase teali katua doi jemaat, aki nayase loingiyo yaku.

¹⁰Siokai kulubato, maka kubeaasene sasaibino kolangge yana mo lakukenemo, doiyamo tentang langge-langge molokis tukon kala-kalaan yana mo bantile tentang doi kami! Bai sasaibino doiya akiyoon nasukup komo tuuk doi yana. Singgatoodoo tula-tulanggita Salani miano nalubatan, yana aki nayase tarimayo yanila. Bai tolongo yana pantane komian mo tarimayo donda utus-utusoo, tukon yana tolongo sumboliiyo dopai mian-mianoo nadampas doi jemaat!

¹¹Utus yaku mo seange, inai pomoloingikon oila komo lokis. Poloingiyo komo monondok. Mian mo mokubai monondokan daano kai Mian Bisa namian. Tukon mian mokubaiyo lokis akiyoon natingoniiyo ko Mian Bisa.

¹²Sasaibino komian nggaale Demetrius. Mau koidan ko Mian Bisa nggaale yana. Kami koidan nggaale yana tukon Utus bai toiyo baikon oila komai pinolonggon moola nainangga.

¹³Badaang tuuno komo palaluu yaku bantile doikoo, bai yaku lasayo lobian monondok kalu aki natolongo surat.

¹⁴Yaku moinikene akimo namalumbit koidan kita pososuungo, tukon kita tuluusene konda salita.

¹⁵Boliisi ko Temeneno nabalakaatiyo Utus. Kotula-tulamu doi kulipu nia makapatu pongodotii doikoo. Pelenggene daku pongodotii doi sasaibino kotula-tulanggita meeng tukon meeng.