Read 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization 歷代志上 7 Bible Online

歷代志上 7 - 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization bible

歷代志上 7

¹Í-sat-ka ê kiáⁿ：Tô-la̍h、Phó͘-óa、Ngá-su̍t、Sin-lûn，共四人。

²Tô-la̍h ê kiáⁿ是O͘-se、Lī-hoat-ngá、Iâ-le̍k、Ngá-mái、Ek-tek-sàu、Sī-bó͘-lī，lóng是in老父Tô-la̍h ê族長，tī in ê世代做大氣力ê勇士；當大衛ê時，in ê人額共有兩萬兩千六百人。

³O͘-se ê kiáⁿ；I-su-la̍h-hi；I-su-la̍h-hi ê kiáⁿ：Bí-ka-le̍k、Gô-pa-tí-a、約珥、I-sī-ngá，共五人；lóng是出名人。

⁴In所chhōa ê，tī in ê世系，照in列祖ê家，有軍兵thang交戰ê，共三萬六千人；因為in ê bó͘ kap kiáⁿ真chōe。

⁵In ê兄弟，tī Í-sat-ka hiah-ê家，lóng是大勇士，照in ê世系算伊，共八萬七千人。

⁶便雅憫ê kiáⁿ：Pí-la̍h、Pí-kiat、Iâ-tia̍p，共三人。

⁷Pí-la̍h ê kiáⁿ：Í-su-pún、O͘-se、O͘-siat、Iâ-lī-mô͘、Í-lī，共五人；是老父ê族長，koh是大勇士；照in ê世系算伊，共兩萬兩千三十四人。

⁸Pí-kiat ê kiáⁿ：Se-bí-la̍h、Iok-a-si、Í-lī-í-siā、Í-lī-iok-nái、Àm-lī、Iâ-lī-mô͘、A-pí-ngá、A-ná-tu̍t、A-la̍h-bia̍t。這lóng是Pí-kiat ê kiáⁿ。

⁹也是in老父ê族長，koh是大氣力ê勇士；照in ê族譜，in ê世系來算伊，有兩萬連兩百人。

¹⁰Iâ-tia̍p ê kiáⁿ；Pí-le̍k-hán，Pí-le̍k-hán ê kiáⁿ是Iâ-o͘-si、便雅憫、Í-hut，Ki-ná-ná、Sè-thán、Tha-si、A-si-sa-hap。

¹¹這lóng是Iâ-tia̍p ê kiáⁿ，照in老父ê族長，做大氣力ê勇士；in ê數額是一萬七千兩百人；lóng能上陣交戰。

¹²iáu有Í-jíⁿ ê kiáⁿ，Su-phín、Hō͘-phín，kap A-hek ê kiáⁿ，Hō͘-sin。

¹³Ná-hut-tha-lī ê kiáⁿ：Ngá-siat、Ko͘-nî、Iâ-sek、Sa-liông；這是Phek-la̍h ê kiáⁿ孫。

¹⁴Má-ná-se ê kiáⁿ；A-su-lia̍t，是伊ê bó͘所生ê；伊ê細姨A-lân人生Ki-lia̍t ê老父Má-kiat。

¹⁵Má-kiat所娶ê bó͘是Hō͘-phín Su-phín ê小妹，名Má-ka。Má-ná-se ê第二kiáⁿ，名Se-lô-hui-hap；Se-lô-hui-hap有kúi-nā ê cha-bó͘-kiáⁿ。

¹⁶Má-kiat ê bó͘ Má-ka生一個kiáⁿ，號名Pí-lī-si；伊ê小弟名Sī-lī-si；伊ê kiáⁿ是O͘-lân kap Lī-kim。

¹⁷O͘-lân ê kiáⁿ是Pí-tàn；chiah-ê lóng是Ki-lia̍t ê kiáⁿ孫。Ki-lia̍t是Má-kiat ê kiáⁿ，Má-kiat是Má-ná-se ê kiáⁿ。

¹⁸Ki-lia̍t ê姊妹，Hap-mô͘-lī-kiat，生I-si-hô、A-pí-í-siā、Má-la̍h。

¹⁹Sī-bí-tāi ê kiáⁿ是A-hiān、示劍、Lī-khek-hi、A-nî-an。

²⁰Í-hoat-liân ê kiáⁿ是Su-thê-la̍h；Su-thê-la̍h ê kiáⁿ是Pí-lia̍t，Pí-lia̍t ê kiáⁿ是Tha-hap，Tha-hap ê kiáⁿ是Í-la̍h-tāi，Í-la̍h-tāi ê kiáⁿ是Tha-hap；

²¹Tha-hap ê kiáⁿ是Sat-poa̍t，Sat-poa̍t ê kiáⁿ是Su-thê-la̍h；Í-hoat-liân koh生Í-siā、Í-lia̍t，in hō͘本地ê Ka-te̍k人thâi死，因為in落去beh搶in ê cheng-siⁿ。

²²In老父Í-hoat-liân為in悲哀chōe-chōe日，伊ê兄弟lóng來安慰伊。

²³Í-hoat-liân kap伊ê bó͘同房，伊ê bó͘就懷孕生kiáⁿ；老父kā伊號名叫Pí-lī-a，因為伊ê家tú-tio̍h艱苦。

²⁴伊ê cha-bó͘-kiáⁿ名叫Sià-i-la̍h，就是起頂下ê Pek-hô-lûn kap O͘-soān-sià-í-la̍h ê。

²⁵伊ê kiáⁿ是Lī-hoat，kap Lī-sit。Lī-sit ê kiáⁿ是Tha-la̍h，Tha-la̍h ê kiáⁿ是Tha-hán。

²⁶Tha-hán ê kiáⁿ是La̍h-tàn，La̍h-tàn ê kiáⁿ是A-bí-hut，A-bí-hut ê kiáⁿ是Í-lī-sa-má；

²⁷Í-lī-sa-má ê kiáⁿ是Lùn，Lùn ê kiáⁿ是約書亞。

²⁸In ê業kap khiā起ê所在是Pek-te̍k-lī，kap伊ê鄉社，東勢Ná-lân，西勢Ki-sek kap伊ê鄉社，koh有示劍kap伊ê鄉社，Ka-sat kap伊ê鄉社。

²⁹Koh有óa近Má-ná-se人ê境界，Pek-siān kap伊ê鄉社，Tha-la̍p kap伊ê鄉社，Bí-kiat-to kap伊ê鄉社，To-jíⁿ kap伊ê鄉社；以色列ê kiáⁿ約瑟ê kiáⁿ孫khiā起chiah-ê所在。

³⁰A-siat ê kiáⁿ是Im-ná、E̍k-si-óa、E̍k-si-úi、Pí-lī-a，koh有in ê姊妹Se-la̍h。

³¹Pí-lī-a ê kiáⁿ是Hi-piat、Má-kiat，Má-kiat是Pí-sat-ui ê老父。

³²Hi-piat生Ngá-hut-le̍k、Sok-be̍k、Hô-thán，kap in ê姊妹Su-ngá。

³³Ngá-hut-le̍k ê kiáⁿ是Pa-sat、Pin-hap、A-si-hoat；chiah-ê lóng是Ngá-hut-le̍k ê kiáⁿ。

³⁴Sok-be̍k ê kiáⁿ是A-hi、Lô-ka、Iâ-hō͘-pa、A-lân。

³⁵Sok-be̍k ê兄弟Hí-nî ê kiáⁿ是Só-hoat、Im-ná、Sī-lī-su、A-boat。

³⁶Só-hoat ê kiáⁿ是Su-a、Hap-nî-hut、Su-a-le̍k、Pí-lī、Im-la̍h；

³⁷Pí-sek、Hô-tek、San-má、Si-sa、Ek-lân、Pí-la̍h。

³⁸Ek-thiap ê kiáⁿ是Iâ-hu-nî、Pí-su-pa、A-la̍h。

³⁹O͘-la̍h ê kiáⁿ是A-la̍h、Hàn-nî-gia̍p、Lī-siá。

⁴⁰這lóng是A-siat ê kiáⁿ孫，lóng是in老父hit族ê頭人，是特別大氣力ê勇士，也是首領中ê出tioh-ê。照in ê世系來算，能出陣交戰ê，in ê數額是兩萬六千人。