Read 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization 以斯拉記 8 Bible Online

以斯拉記 8 - 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization bible

以斯拉記 8

¹A-ta̍t-siat-se王坐位ê時，kap我tùi巴比倫上來ê人，in ê族長，kap in ê世系，記tī下面。

²屬Hui-nî-hap ê後裔有Kek-sūn，屬Í-tha-má ê後裔有但以理，屬大衛ê後裔有Hap-tu̍t。

³屬pa-lio̍k ê後裔，就是Sī-ka-nî ê後裔，有撒迦利亞；kap伊ê，照世系來算，有ta-po͘丁一百五十人。

⁴屬Pa-hap-mô͘-ap ê後裔有Se-la̍h-hi-ngá ê kiáⁿ Í-lī-iok-nái；kap伊ê，有ta-po͘丁兩百人。

⁵屬Sī-ka-nî ê後裔有Ngá-hap-sek ê kiáⁿ；kap伊ê，有ta-po͘丁三百人。

⁶屬A-teng ê後裔，有約拿單ê kiáⁿ Í-pia̍t；kap伊ê，有ta-po͘丁五十人。

⁷屬Í-lân ê後裔，有A-tha-lī-ngá ê kiáⁿ，Iâ-su-a；kap伊ê，有ta-po͘丁七十人。

⁸屬Sī-hoat-thê-ngá ê後裔，有Bí-ka-le̍k ê kiáⁿ Se-pa-tē-ngá；kap伊ê，有ta-po͘丁八十人。

⁹屬Iok-ap ê後裔，有Iâ-iat ê kiáⁿ Gô-pa-tí-a；kap伊ê，有ta-po͘丁兩百一十八人。

¹⁰屬Sī-lô-bi̍t ê後裔，有Iok-sè-húi ê kiáⁿ；kap伊ê，有ta-po͘丁一百六十人。

¹¹屬Pí-pài ê後裔，有Pí-pài ê kiáⁿ撒迦利亞；kap伊ê，有ta-po͘丁二十八人。

¹²屬Ap-kah ê後裔，有Hap-ka-thán ê kiáⁿ，Iok-hap-lân；kap伊ê，有ta-po͘丁一百一十人。

¹³屬A-to-nî-kâne後裔，就是路尾ê，in ê名是Í-lī-hoat-lia̍t、Iâ-lī，Sī-má-ngá；kap in ê，有ta-po͘丁六十人。

¹⁴屬Pí-kek-óa-i ê後裔，有O͘-thài，kap Sat-pò͘；kap in ê，有ta-po͘丁七十人。

¹⁵我招集chiah-ê人tī流入A-hap-óa ê河邊；阮tī-hia tòa tī布棚三日；我查看百姓kap祭司，看無利未人tī-hia。

¹⁶我差人召hiah-ê頭人，就是Í-lī-í-siā、A-lia̍t、Sī-má-ngá、Í-lī-ná-tan、Ngá-li̍p、Í-lī-ná-tan、Ná-tan，撒迦利亞、Bí-su-lân；koh召教員Iok-ngá-li̍p kap Í-lī-ná-tan。

¹⁷我差in去Ka-se-húi-ngá ê所在，見hit-ê頭人E̍k-to，koh kā in講，in tī Ka-se-húi-ngá ê所在tio̍h tùi E̍k-to kap伊ê兄弟Nî-thê-lêng講甚麼話，kah in為咱上帝ê殿帶差用ê人來。

¹⁸得tio̍h咱ê上帝施恩ê手幫贊阮，in tī以色列ê曾孫，利未ê孫，Boa̍t-lī ê後裔中，帶一個通達ê人來；koh有Sī-lī-pí kap伊hiah-ê kiáⁿ，kap伊ê兄弟，共十八人。

¹⁹Koh有Hap-sa-pí-ngá；kap伊ê，有Bí-la̍h-lī ê後裔，Iâ-su-a，kap伊ê兄弟，kap in ê kiáⁿ，共二十人。

²⁰Koh帶Nî-thê-lêng人來，就是前大衛kap chiah-ê首領所派做利未人ê差用ê，共兩百二十ê Nî-thê-lêng；in ê名lóng有登記。

²¹Hit時阮tī A-hap-óa ê河邊宣布禁食，thang hō͘阮tī咱ê上帝ê面前家己謙卑，求伊hō͘阮kap阮ê gín-ná，kap一切所有ê，lóng得tio̍h平坦ê路。

²²因為求王撥一隊步兵馬兵，幫贊阮tī路裡抵擋對敵，我掠做見笑；因為阮bat對王講，阮ê上帝ê手保護一切求伊ê人；獨獨伊ê能力kap受氣，攻擊一切棄sak伊ê人。

²³所以阮為tio̍h án-ni禁食，求阮ê上帝；伊就聽阮。

²⁴Tùi án-ni，我分派祭司ê頭人十二個，就是Sī-lī-pí、Hap-sa-pí-ngá，kap in ê兄弟十人。

²⁵我就將咱上帝殿ê禮物，就是金銀kap hiah-ê器具，是王kap伊ê謀士，伊ê首領，kap tī-hia ê以色列眾人所獻ê，lóng秤(phêng)來交付in。

²⁶我就秤來交tī in ê手，有銀六百[+五十]tha-liân-tek，銀器重一百tha-liân-tek；金一百tha-liân-tek；

²⁷金碗二十塊，重一千ta̍t-lī-khek；金nà-nà好ê銅器兩塊，寶貴親像金。

²⁸我對in講，Lín做聖歸耶和華，chiah-ê器具也是聖，hiah-ê金銀是甘心獻hō͘耶和華lín列祖ê上帝ê。

²⁹Lín tio̍h謹慎顧守，直到lín tī耶路撒冷耶和華殿ê房內，tī祭司ê頭人kap利未人，以及以色列hiah-ê族長ê面前秤伊。

³⁰Tùi án-ni，祭司利未人收金銀kap器具，照in ê輕重，beh帶到耶路撒冷咱上帝ê殿。

³¹正月十二日，阮離開A-hap-óa ê河邊，beh去耶路撒冷；咱ê上帝ê手保護阮，救阮脫離對敵，kap埋伏tī路裡ê人ê手。

³²阮到耶路撒冷，tiàm hia三日。

³³到第四日，tī咱上帝ê殿，秤hiah-ê金銀kap器具，交tī祭司O͘-lī-a ê kiáⁿ Bí-lī-boa̍t ê手；kap伊ê，有Hui-nî-hap ê kiáⁿ Í-lī-a-sat；koh kap in ê，有利未人Iâ-su-a ê kiáⁿ Iok-sat-poa̍t，kap Pin-lōe ê kiáⁿ Lô-a-tí。

³⁴一切照in ê數額，照in ê輕重交伊；當時也記in ê輕重。

³⁵受掠ê人tùi受掠ê中間tò來ê，獻燒祭hō͘以色列ê上帝，就是為以色列眾人獻牛káng十二隻，綿羊káng九十六隻，綿羊á 七十七隻；koh獻山羊káng十二隻做贖罪ê祭。Chiah-ê lóng是做燒祭獻hō͘耶和華ê。

³⁶In將王ê諭旨交hō͘王ê人臣，kap tī河外hiah-ê總督；in就幫贊百姓kap上帝ê殿。