Read 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization 耶利米哀歌 1 Bible Online

耶利米哀歌 1 - 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization bible

耶利米哀歌 1

¹Ai ah！chit-ê城從前百姓滿滿，taⁿ怎樣孤單teh坐！_x0009_從前tī列國中做大ê，taⁿ竟然親像寡婦；_x0009_從前tī chiah-ê省中尊伊做王后ê，Taⁿ成做進貢ê)

²伊暝間大啼哭，目屎流到滿面；_x0009_Tī一切親愛ê人ê中間無一個安慰伊；_x0009_伊ê朋友lóng用詭詐款待伊，_x0009_In成做伊ê對敵。

³猶大因為tú-tio̍h苦難，koh因為受tio̍h chōe-chōe勞苦，就遷徙到外邦；_x0009_伊tiàm tī異邦中無thang chhē-tio̍h安歇；_x0009_追jip伊ê tī狹狹ê所在lóng jip-tio̍h伊。

⁴錫安ê路徑悲傷，因為無人赴伊ê節期；_x0009_伊ê城門lóng冷靜，伊ê祭司吐氣；_x0009_伊ê在室女艱難，伊本身也憂苦。

⁵伊ê對敵做頭，伊ê仇讎興通；_x0009_因為耶和華為tio̍h伊chōe-chōe悖逆，hō͘伊受苦；_x0009_伊ê gín-ná hō͘對敵掠去。

⁶錫安ê cha-bó͘-kiáⁿ，伊ê súi一盡無去；_x0009_伊ê貴族親像chhē無草場ê鹿。_x0009_In無氣力，受趕tī追jip ê人ê面前。

⁷耶路撒冷tī患難khún-tio̍k ê時，_x0009_就追想早時一切歡喜ê事；_x0009_伊ê百姓陷落tī對敵ê手，無人救護伊ê時，_x0009_對敵看見就恥笑伊ê冷靜。

⁸耶路撒冷大大犯罪；所以成做無清氣ê物；_x0009_平素尊敬伊ê，taⁿ看見伊赤身露體，就lóng看輕伊；_x0009_伊家己也吐氣，倒退。

⁹伊ê污穢tī伊ê衫á裾；伊無想tio̍h伊ê結局；_x0009_所以tú-tio̍h非常ê狼狽；無人安慰伊。_x0009_耶和華ah，求你看我ê苦難；因為對敵家己誇大。

¹⁰對敵伸手，搶伊一切ê寶物；_x0009_伊看見外邦人入伊ê聖所，_x0009_就是你bat吩咐m̄-thang入你ê會中ê)

¹¹伊ê百姓lóng吐氣，四界chhē食物；_x0009_In用好物換米糧，ài救性命；_x0009_耶和華ah，求你看顧；因為我是真卑賤。

¹²凡若tùi chia過ê人ah，chit-ê事kiám kap你無干涉mah？_x0009_請看我所tú-tio̍h ê憂悶，有甚麼憂悶thang比並，_x0009_就是耶和華tī伊大受氣ê日所行tī我ê)

¹³伊tùi頂面降落火，入我ê骨來khah贏伊；_x0009_伊張羅網，纏絆我ê腳，hō͘我oa̍t倒tńg；_x0009_伊hō͘我thong日冷靜，暈去。

¹⁴我罪過ê擔，是伊ê手所縛ê；_x0009_絞kui條，hē tī我ê頷頸；hō͘我ê氣力無去；_x0009_主交我tī對敵ê手，我所抵擋bōe-tiâu-ê)

¹⁵我城中ê勇士，主m̄-ti̍h伊；_x0009_主招集大ê會來攻擊我，制壓我ê少年人；_x0009_主踏猶大ê在室女，親像tī酒窟中。

¹⁶我因為chiah-ê tāi-chì啼哭，我ê目睭目屎chhē-chhē倒；_x0009_因為扶持我ê性命來安慰我ê，離開我真遠。_x0009_我ê kiáⁿ兒無依óa，因為對敵khah贏。

¹⁷錫安伸手，無人安慰伊；_x0009_論到雅各，耶和華已經出命令，hō͘四圍ê人做伊ê對敵；_x0009_耶路撒冷tī in中間，親像無清氣ê物。

¹⁸耶和華是公義，因為我有悖逆伊ê命令；_x0009_眾百姓ah，請聽，看我ê痛苦；_x0009_我chiah-ê在室女kap少年人lóng hō͘人掠去。

¹⁹我叫親愛ê人，總是in欺騙我；_x0009_我ê祭司，我ê長老，teh chhē救命ê米糧；_x0009_hit時就斷氣tī城內。

²⁰耶和華ah，我tī患難中請你來鑑察；_x0009_我ê心腸攪絞，我ê心tī我ê內面亂chau-chau；因為我大大悖逆。_x0009_Tī外面刀劍hō͘人死kiáⁿ；tī厝內親像有死失。

²¹In聽見我吐氣，亦無人安慰我；_x0009_我ê對敵lóng聽見我所tú-tio̍h ê患難，因為你做chit-ê事，in lóng歡喜；_x0009_你beh hō͘報告ê日到，in就親像我。

²²願in pháiⁿ ê所行，lóng排tī你ê面前；_x0009_你為tio̍h我一切ê罪過，怎樣款待我，求你照án-ni款待in；_x0009_因為我ê吐氣真chōe，我ê心亦暈去。