Read 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization 路加福音 6 Bible Online

路加福音 6 - 巴克禮台語聖經漢羅 1933 - Barclay Taiwanese Bible, 1933 - Mixed Sino-Romanization bible

路加福音 6

¹有一個安歇日耶穌tùi麥園經過，伊ê學生摘麥穗，用手揉伊來食。

²有法利賽幾nā人講，安歇日所m̄應該行ê，lín啥事行伊？

³耶穌應講，大衛kap跟tè ê人Iau ê時所行ê，lín bē讀tio̍h mah？

⁴伊入上帝ê厝，the̍h排列ê餅來食，koh hō͘伊跟tè ê人；chit號餅，若m̄是祭司，就lóng m̄應該食。

⁵Koh kā in講，人子也是安歇日ê主。

⁶Koh一個安歇日，耶穌入會堂教示；tī hia有一人伊ê chiàⁿ手枯焦。

⁷經學士kap法利賽人當看伊tī安歇日beh醫病á無；意思是ài chhē縫thang告伊。

⁸耶穌知in ê意思，就kā hit-ê手枯焦ê人講，起來，khiā tī中央；伊就起來khiā。

⁹耶穌就對in講，我問lín，tī安歇日行好事行pháiⁿ事，救性命害性命，tá-lo̍h一項khah合宜ah？

¹⁰就四界看眾人，kā hit人講，伸你ê手。伊伸出去；手就好好。

¹¹Hiah-ê人滿心受氣；saⁿ-kap議論tio̍h怎樣來辦耶穌。

¹²當hit時耶穌出去山裡祈禱，thong暝祈求上帝。

¹³到天光就叫伊ê學生來；對in中間揀十二人，稱in做使徒；

¹⁴有西門，耶穌koh號伊ê名做彼得，kap伊ê兄弟安得烈，koh有雅各kap約翰，腓力kap巴多羅買；

¹⁵馬太kap多馬，亞勒腓ê Kiáⁿ雅各kap稱做西羅底ê西門，

¹⁶雅各ê Kiáⁿ猶大，kap賣先生ê加略人猶大。

¹⁷耶穌kap in落來khiā tī平ê所在，有伊chōe-chōe ê學生kap Kui大陣ê百姓，tùi猶太全地kap耶路撒冷以及Chhui-lo5Se-tùn沿海墘ê地來beh聽伊，也beh得tio̍h醫好in ê病；

¹⁸koh有hō͘邪神所刁難ê也得tio̍h醫好。

¹⁹眾人lóng ài摸伊，因為有權能對伊出，來醫好in大家。

²⁰耶穌kia̍h目看伊ê學生，講，Lín sòng-hiong ê人有福氣ah，因為上帝ê國是lín ê。

²¹Lín現在teh iau ê人有福氣ah；因為lín beh得tio̍h飽。Lín現在啼哭ê人有福氣ah，因為lín teh-beh笑。

²²人為tio̍h人子來怨恨lín，拒絕lín，lóe罵lín，掠lín ê名做pháiⁿ來棄sak伊，lín就有福氣ah。

²³當hit日lín tio̍h歡喜tiô跳；因為tī天裡lín ê報賞是大，是in ê祖款待先知也是án-ni。

²⁴若是lín好額人有災禍ah！因為lín已經受tio̍h lín ê安慰。

²⁵Lín現在飽ê人有災禍ah！因為lín teh-beh iau。Lín現在笑ê人有災禍ah！因為lín beh哀傷啼哭。

²⁶Lín Hō͘眾人o-ló ê有災禍ah！因為in ê祖款待假ê先知也是án-ni。

²⁷但是我kā lín teh聽ê人講，對敵lín ê tio̍h疼in；怨恨lín ê，tio̍h好款待in；

²⁸lóe罵lín ê，tio̍h kā in祝福；凌辱lín ê，tio̍h替in祈禱。

²⁹人siàn你chit-pêng ê嘴phóe，就tio̍h oa̍t hit-pêng ǹg伊人the̍h lín ê外衫，連內衫也莫得擋伊

³⁰凡若求你ê tio̍h hō͘伊；the̍h你ê物ê，莫得koh kā伊討。

³¹Líⁿ ài人怎樣款待lín，也tio̍h án-ni款待人。

³²Lín若疼hiah-ê疼lín ê，有甚麼恩惠？因為pháiⁿ人也是疼hiah-ê疼in ê人。

³³Lín若好款待hiah-ê好款待lín ê，有甚麼恩惠？因為pháiⁿ人也是án-ni行。

³⁴Lín若借hiah-ê有thàngng望伊還ê，有甚麼恩惠？因為pháiⁿ人也借pháiⁿ人，ài in照數額來還。

³⁵但是lín tio̍h疼lín ê對敵好款待in；借人也無絕望；lín ê報賞就大，koh lín beh做至高ê ê Kiáⁿ兒；因為伊好款待蒙恩kap pháiⁿ ê人。

³⁶所以lín tio̍h有憐憫，親像lín ê父ê憐憫一樣。

³⁷莫得批評人，就無tú-tio̍h批評；莫得責罪人，就無tú-tio̍h責罪；lín放人soah，就beh放lín soah；

³⁸hō͘人，就beh hō͘ lín；beh用足額ê斗，ji̍h，搖，hō͘伊cha̍t到pôaⁿ出來，拚tī lín ê衫á-phè。因為lín用甚麼量來量，也beh án-ni倒量hō͘ lín。

³⁹Koh用譬喻kā in講，Chhiⁿ-mî ê能kā chhiⁿ-mî ê chhōa路mah？兩ê Kiám bōe lóng跋落陷坑mah？

⁴⁰學生bōe會pôaⁿ過先生；總是見若成做齊備ê beh親像伊ê先生。

⁴¹Koh你怎樣看見兄弟目睭內ê草á幼，也無想你目睭內ê楹á柴ah？

⁴²á是beh thài會kā你ê兄弟講，兄弟ah，你目睭內ê草á幼hō͘我kā你the̍h去，也本身無看見你目睭內ê楹á柴ah？假好ê人ah，事先the̍h去你目睭內ê楹á柴，chiah會明明看見thang the̍h去兄弟目睭內ê草á幼。

⁴³因為無有好樹結pháiⁿ果子；也無有pháiⁿ樹結好果子。

⁴⁴因為ta̍k叢樹對伊家己ê果子來bat伊；刺phè內無人挽無花果，草刺內無人摘葡萄。

⁴⁵好人對伊ê心所積聚ê好來發出好；pháiⁿ人對伊所積聚ê pháiⁿ來發出pháiⁿ；因為tùi心所充滿ê，嘴就講出。

⁴⁶Lín啥事稱呼我，主ah，主ah，也無行我所講ê ah？

⁴⁷見若就近我，聽我chiah-ê話來行伊ê人，我beh報lín知hit-ê人親像甚麼。

⁴⁸伊是親像人起厝，掘hō͘伊深，hē地基tī石磐頂；大水一下到，溪流沖tio̍h厝，bōe會搖動伊，因為伊起得好。

⁴⁹若是聽了無行ê人，是親像人起厝tī土頂，無hē地基；溪流沖tio̍h伊，就倒；hit間厝ê倒壞是傷重。