Read bassa UMOZHIGO 36 Bible Online

UMOZHIGO 36 - bassa bible

UMOZHIGO 36

¹Atwa ga aba shɛ ajalalo Isụ (ubwa gatata shɛ ge Idụm).

²Miaụŋ-mo-o mi Kenan muba ge Isụ zeni, ga Ada yɛu Ilon, na shɛ Bihit, no Oholibama yɛu Ana na shɛ bujalụ Zibeon Bihiv,

³keeni Basɛmat yɛu Ishmɛl, bụngwụfwu Nebaiot.

⁴Ga Ada metenji Isụ Elifaz, ga Basɛmat meci Reuɛl.

⁵Go Oholibama meci Jeush, na Jalam keeni Kora. Mu na ata muba mɛ shɛ miaụŋ-me-eyi mu na ee metenji Isụ na cɛnjɛ ti Kenan.

⁶Nazhɛ ge Isụ suji eyikwo ubwa na miaụŋ mu bwa me eyi, na miaụŋ mu bwa mo o, ta atwa ihwɛ ibwɛ kpaaŋ, ti iyimabiga ibwɛ kpaaŋ ti i'wɛŋnɛ ibwɛ ye elele nɛ baa mwatatanjɛ na cɛnjɛ ti Kenan, baa sanɛ taa dụlụ bee genji buhongwu bwa ge Jekob.

⁷Iwɛnɛ po i'wɛŋnɛ nɛ aa 'yajɛ hwuri ugombo maa a nama urubwo uko, cɛnjɛ tu na aa jɛjɛ ti eri shi ta la aŋ ya ti iyi ya aba mabiga o.

⁸Ibɛ po ge Isụ na ɛɛ hiɛŋ du ge Idụm jɛjɛ na cɛnjɛ ti Ishɛmɛ Sei.

⁹Atwa ga aba shɛ ajalalo Isụ na shɛ ugwunukwoshi wa atwa na ɛɛ hiɛŋ, Atwa Idụm.

¹⁰Nzeci mi miaụŋ-me-eyi mi Isụ na: gɛ Elifaz yɛu-ye-eyi nɛ ga Ada biyikwo bwa meci, ne Reuɛl yɛu-ye-eyi nɛ ga Basɛmat biyikwo bwa meci.

¹¹Miaụŋ-me-eyi mi Elifaz na: ge Teman, no Oma, ne Zifo, na Gatam keeni Kinaz.

¹²(Ge Timna na shɛ biyikwo Elifaz bu magɛgashɛ metenji bu Amɛlɛk). Ajalalo Ada biyikwo Isụ ta.

¹³Miaụŋ-me-eyi mi Reuɛl na: ga Nahat, ne Zira, na Shama keeni Miza. Ajalalo Basɛmat biyikwo Isụ ta.

¹⁴Miaụŋ mu na biyikwo Isụ go Oholibama na shɛ yɛu Ana bujalụ Zibeon metenji bu na: ge Jeush, na Jalam keeni Kora.

¹⁵Ajalalo Isụ a na shɛ agwuma na: miaụŋ-me-eyi mi Elifaz yɛu Isụ ihiiŋ, agwuma ge Teman, no Oma, ne Zifo ne Kinaz,

¹⁶no Kora, na Gatam, na Amɛlɛk, atwa ata aba shɛ shɛgwuma shɛ na shɛ banɛ no olugwo Elifaz, na namɛ na cɛnjɛ ti Idụm, aba shɛ ajalalo Ada na shɛ biyikwo Isụ.

¹⁷Miaụŋ-me-eyi mi Reuɛl yɛu-ye-eyi Isụ, mu na mɛ shɛ shɛgwuma na: agwuma ga Nahat, ne Zira, na Shama, ne Miza, atwa ata aba shɛ shegwuma shɛ na shɛ banɛ no olugwo Reuɛl na namɛ na cɛnjɛ ti Idụm, aba shɛ ajalalo Basɛmat biyikwo Isụ.

¹⁸Miaụŋ-me-eyi mu Oholibama, biyikwo Isụ, mu na mɛ shɛ shɛgwuma na: agwuma go Juish, na Jalam, no Kora, atwa ata aba shɛ shɛgwuma shɛ na shɛ banɛ no olugwo biyikwo Isụ go Oholibama na shɛ yɛu Ana.

¹⁹Atwa ata kpaaŋ aba banɛ no olugwo Isụ na shɛ ge Idụm, shɛgwuma sha aba shɛ ta.

²⁰Ana ga aba shɛ miaụŋ-me-eyi mi Sei Buhori ata, na jɛjɛ na cɛnjɛ ta ata na: go Lotan, no Shobal, ne Zibeon, na Ana.

²¹Ne Dishon, nɛ Ɛzɛ keeni Dishan, aba shɛ shɛgwuma sha Ahori, a na shɛ miaụŋ-me-eyi mi Sei, na cɛnjɛ ti Idụm.

²²Miaụŋ-me-eyi mu Lotan na: go Hori keeni Heman, go Lotan 'yajɛ bụngwụfwụ na ɛɛ hiɛŋ izeci ibwɛ ti ge Timna.

²³Miaụŋ-me-eyi mu Shobal na: ga Alvan, na Manahat, ne Ibal, ne Shifo keeni Onam.

²⁴Miaụŋ-me-eyi mi Zibeon na: ga Aiya keeni Ana, ga Ana ga ubwa to umɛzhinjɛ uko vwengenji ugbe nụ ụshɛka, aka na ti bee suji nzhinyacɛ mi Zibeon bishi bwa na tiyaga.

²⁵Miaụŋ-me-eyi mu Ana na: ge Dishon, bi meci du yɛu nɛ ɛɛ hiɛŋ go Oholibama.

²⁶Miaụŋ-me-eyi mi Dishon na: gɛ Hɛmdan, nɛ Ɛshban, ne Itran keeni Kiran.

²⁷Miaụŋ-me-eyi mi Ɛzɛ na: ge Bilha, ne Zeavan keeni Akan.

²⁸Miaụŋ-me-eyi mi Dishan na: go Uz keeni Aran.

²⁹Atwa na shɛ shɛgwuma sha Ahori na: agwuma go Lotan, no Shobal, ne Zibeon, na Ana,

³⁰ne Dishon, nɛ Ɛzɛ keeni Dishan, shɛgwuma sha Ahori ta, gana na te edenji aba namɛ na cɛnjɛ ti Sei.

³¹Atwa ga aba yɛ la tugwama na cɛnjɛ ti Idụm, tobwolo agwuma elele ta yɛ shɛ la tugwama ta atwa Isrɛl o.

³²Ge Bɛla yɛu-ye-eyi Bio, yɛ tugwama ti Idụm, ɛ hiɛŋ izeci ụshɛpwụ ubwa Dinhaba.

³³Ti gɛ Bɛla 'wi, go Jobab yɛu Zira bụtụ bu Bozra, yɛ tugwama tu bwa.

³⁴Ti go Jobab 'wi, go Husham bụtụ ba cɛnjɛ ti Teman, yɛ tugwama tu bwa.

³⁵Ti go Husham 'wi, ga Hadad yɛu Bedad, na lasụ Amidian, na cɛnjɛ tu Moab, yɛ tugwama tu bwa, ɛ hiɛŋ izeci ụshɛpwụ ubwa Avit.

³⁶Ti ga Hadad 'wi, ga Samla bụtụ bu Masrɛka, yɛ tugwama tu bwa.

³⁷Ti ga Samla 'wi, ga Shaul bụtụ bu Rɛhobot, na namɛ nu ụpalanụ Urefu Yufretis, yɛ tugwama tu bwa.

³⁸Ti ga Shaul 'wi, ge Beal-henan, yɛu Akbo yɛ tugwama tu bwa.

³⁹Ti ge Beal-hanan yɛu Akbo 'wi, ga Hada yɛ tugwama tu bwa, ɛ hiɛŋ izeci ụshɛpwụ ubwa Pau, ɛɛ hiɛŋ izeci biyikwo bwa gɛ Mɛhɛtabɛl, yɛu-yo-o Matrɛd na shɛ bụjalụ Mɛzahab.

⁴⁰Shɛgwuma shɛ na shɛ banɛ no olugwo Isụ na, gana na ta amwamwa aba namɛ keeni ofwo na aa namanjɛ. A suyana ashɛpwụ aba nu nzeci ma aba: agwuma ge Timna, na Alva, ne Jitɛt,

⁴¹no Oholibama, ne Ela, ne Pinon,

⁴²ne Kinaz, ne Timan, ne Mibza,

⁴³na Magdiɛl keeni Ram. Shɛgwuma shi Idụm shɛ ta (ubwa shɛ ge Isụ bishi ba A'idụm), nu gana na to ofwo bɛjɛjɛ ba aba namanjɛ na cɛnjɛ tu na aa 'yagajɛ.