Read bassa UMOZHIGO 5 Bible Online

UMOZHIGO 5 - bassa bible

UMOZHIGO 5

¹Utakada wa alamụ Adam na. Aka na ta Agwatana karɛ bụtụ, baa njɛ bụ nụ ụsụbwa ubwa.

²Butubwenyi ne biyikwo aba baa karɛ, bee peni aŋ uwebiye boo po aŋ izeci maa butugwumwa, na aka na tu baa karɛ aŋ.

³Ga Adam zhɛrɛ shiywa dipi-yebi-nu-talacɛ (130) ta a njɛ bụ, nazhɛ bee meci yɛu-ye-eyi nɛ sụbɛ bụ, boo po iŋ izeci ti gɛ Sɛt.

⁴Ga Adam zhɛrɛ shiywa akpakwụ-eneshi (800), na aba na ti bee meci Sɛt, nazhɛ bee meci miaụŋ-me-eyi, na mu na mo o mi nya.

⁵Shiywa sha Adam hwɛɛ shɛ namɛ akpakwụ-eneshi-ni-dipi-yebi-nu-talacɛ (930) nazhɛ bee 'wi.

⁶Gɛ Sɛt zhɛrɛ shiywa dipi-yebi-na-shɛba-shɛ-ta (105) te e meci bu, nazhɛ bee meci Inosh.

⁷Gɛ Sɛt zhɛrɛ shiywa akpakwụ-eneshi-na-shɛba-shi-cenje (807), na aba na ti bee meci Inosh, bee meci miaụŋ-me-eyi na mu na mo o mi nya.

⁸Shiywa shi Sɛt hwɛɛ shɛ namɛ akpakwụ-eneshi-ni-dipi-yebi-ne-eshe-umpwa-na-shɛba-shi-yebi (912), nazhɛ bee 'wi.

⁹Ge Inosh zhɛrɛ shiywa dupu-na-buhanda (90) te e meci bu, nazhɛ bee meci Kenan.

¹⁰Ge Inosh zhɛrɛ shiywa akpakwụ-eneshi-ne-eshe-umpwa-na-shɛba-shɛ-ta (815) na aba na ti bee meci Kenan, bee meci miaụŋ-me-eyi na mu na mo o mi nya.

¹¹Shiywa shi Inosh hwɛɛ shɛ namɛ akpakwụ-eneshi-ni-dipi-yebi-na-shɛba-shɛ-ta (905), nazhɛ bee 'wi.

¹²Ge Kenan zhɛrɛ shiywa dupu-nu-woshi (70) te e meci bu, nazhɛ bee meci Mahalalɛl.

¹³Ge Kenan zhɛrɛ shiywa akpakwaụ-eneshi-na-buhanda (840) na aba na ti bee meci Mahalalɛl, bee meci miaụŋ-me-eyi, na mu na mo o mi nya.

¹⁴Shiywa shi Kenan hwɛɛ shɛ namɛ akpakwụ-eneshi-ni-dipi-yebi-ne-eshe-umpwa (910) nazhɛ bee 'wi.

¹⁵Ga Mahalalɛl zhɛrɛ shiywa dupu-ne-eshe-umpwa-na-shɛba-shɛ-ta (65), te e meci bu, nazhɛ bee meci Jarɛd.

¹⁶Ga Mahalalɛl zhɛrɛ shiywa akpakwụ-eneshi-nu-talacɛ (830), na aba na ti bee meci Jarɛd, bee meci miaụŋ-me-eyi na mu na mo o mi nya.

¹⁷Shiywa shi Mahalalɛl hwɛɛ shɛ namɛ akpakwụ-eneshi-nu-dupu-na-buhanda-na-shɛba-shɛ-ta (895), nazhɛ bee 'wi.

¹⁸Ga Jarɛd zhɛrɛ shiywa dipi-tɛtu-ne-eshe-umpwa-na-shɛba-shi-yebi (162), te e meci bu, nazhɛ bee meci Inok.

¹⁹Ga Jarɛd zhɛrɛ shiywa akpakwụ-eneshi (800), na aba na ti bee meci Inok, bee meci miaụŋ-me-eyi na mu na mo o mi nya.

²⁰Shiywa shi Jarɛd hwɛɛ shɛ namɛ akpakwụ-eneshi-ni-dipi-tɛtu-ne-eshe-umpwa-na-shɛba-shi-yebi (962), nazhɛ bee 'wi.

²¹Ge Inok zhɛrɛ shiywa dupu-ne-eshe-umpwa-na-shɛba-shɛ-ta (65), te e meci bu, nazhɛ bee meci Mɛtusɛla.

²²Ge Inok zhɛrɛ shiywa kpakwụ-ni-dipi-yebi (300), na aba na ti bee meci Mɛtusɛla, bee zhe tahaŋnụ na Agwatana, nazhɛ bee meci miaụŋ-me-eyi na mu na mo o mi nya.

²³Shiywa shi Inok hwɛɛ shɛ namɛ kpakwụ-ni-dipi-tɛtu ne-eshe-umpwa-na-shɛba-shɛ-ta (365).

²⁴Ge Inok zhe tahaŋnụ na Agwatana nazhɛ baa zasaba ya, iwɛnɛ ta Agwatana shepi bu.

²⁵Gɛ Mɛtusɛla zhɛrɛ shiywa dipi-tɛtu-nu-talacɛ-na-shɛba-shi-cenje (187), te e meci bu, nazhɛ bee meci Lamɛk.

²⁶Gɛ Mɛtusɛla zhɛrɛ shiywa akpakwụ-atatụ-ni-dipi-tɛtu-nu-talacɛ-na-shɛba-shi-yebi (782), na aba na ti bee meci Lamɛk, bee meci miaụŋ-me-eyi na mu na mo o mi nya.

²⁷Shiywa shi Mɛtusɛla hwɛɛ shɛ namɛ akpakwụ-eneshi-ni-dipi-tɛtu-ne-eshe-umpwa-na-shɛba-shi-cinjishi (969), nazhɛ bee 'wi.

²⁸Ga Lamɛk zhɛrɛ shiywa dipi-tɛtu-nu-talacɛ-na-shɛba-shi-yebi (182), te e meci bu, nazhɛ bee meci yɛu ike ye eyi.

²⁹Boo po iŋ izeci ti ga Noa,[7]

³⁰Ga Lamɛk zhɛrɛ shiywa akpakwụ-eyebi-ni-dipi-tɛtu-na-buhanda-na-shɛba-shɛ-ta (595) na aba na ti bee meci Noa, bee meci miaụŋ-me-eyi, na mu na mo o mi nya.

³¹Shiywa shi Lamɛk hwɛɛ shɛ namɛ akpakwụ-atatụ-ni-dipi-tɛtu-nu-woshi-na-shɛba-shi-cenje, (777) nazhɛ bee 'wi.

³²Ga Noa zhɛrɛ shiywa akpakwụ-eyebi-ni-dipi-yebi (500) te e meci bu, nazhɛ bee meci Shɛm, na Ham keeni Jafɛt.