Read bassa SHƐRỤKWỤKWỤ SHI HIIŊ 4 Bible Online

SHƐRỤKWỤKWỤ SHI HIIŊ 4 - bassa bible

SHƐRỤKWỤKWỤ SHI HIIŊ 4

¹Ajalalo Juda na: gɛ Pɛrɛz, nɛ Hɛzron, na Kami, no Hu keeni Shobal.

²Go Shobal meci Reyaya, ge Reyaya meci ata Jahat, na Ahumai keeni Lahad, atwa ga aba shɛ ogwunukwoshi edenji na namɛ nu Zora.

³Miaụŋ-me-eyi[8] mi Itam na: gɛ Jɛzrɛl, ne Ishma keeni Idibash. Ɛ hiɛŋ bụngwụfwụ ba aba ga Hazɛlɛlponi.

⁴Gɛ Pɛniɛl meci Gedo keeni Ɛzɛ ata jwe ụshɛpwụ ata ɛɛ hiɛŋ Husha. Atwa ga aba shɛ umwamwa Hu yɛu-ye-eyi Ɛfrata na shɛ bụtụ na jwe ụshɛpwụ ata Bɛtlɛhɛm.

⁵Ga Ashu ata jwe ụshɛpwụ ata ɛɛ hiɛŋ Tekoa, bi 'yajɛ eyikwo eyebi: gɛ Hɛla na Neara.

⁶Bu meci miaụŋ-me-eyi mi neshi ne biyikwo ata bwa ge Neara: aba shɛ ga Ahuzam, nɛ Hɛfɛ, nɛ Tɛmeni keeni Heahashtari.

⁷Ga Ashu du meci miaụŋ-me-eyi mu tatụ ne biyikwo bwa bi yebi gɛ Hɛla: gɛ Zɛrɛt, ne Izha, keeni Ɛtinan.

⁸Go Koz meci Anub keeni Zobɛba keeni amwamwa na banɛ nu udenji Ahahɛl na shɛ yɛu-ye-eyi Harum.

⁹Bụtụ bu ko namba ɛɛ hiɛŋ ga Jabɛz[9] na beni urishi uhwuri atwa vwɛ nu umwamwa wa aba, bino bwa, ubwa po bu tu ga Jabɛz iwɛnɛ baa njɛ ụbaụta duwa na tumata tu bwa.

¹⁰Ama ga Jabɛz ata lụpɛ Agwatana Isrɛl, bɛɛ hiɛŋ, Oo Agwatana, M peni uwebiye, keeni cɛnjɛ tu na ti gembi. Nama ne mi maa na ma jɛlanɛ maa kede iyi elele nɛ eri ya nda maa ma hwuga-ụngwụ i n jiteni o. Agwatana kaa peni bu ga iyi nɛ baa lụpɛ bụ.

¹¹Ge Kelub, yɛu-bino Shuha meci yɛu-ye-eyi ike, ɛɛ hiɛŋ gɛ Mɛhi. Gɛ Mɛhi meci Ɛshton,

¹²gɛ Ɛshton meci miaụŋ-me-eyi mu tatụ: gɛ Bɛt-rafa, na Pasia keeni Tɛhina. Gɛ Tɛhina ga, ubwa jwe ụshɛpwụ ata ụ'wụtụ, ɛɛ hiɛŋ Nahash. Umwamwa wa atwa ga jɛjɛ ni Reka.

¹³Ge Kinaz meci miaụŋ-me-eyi mi yebi: go Otiniɛl nɛ Sɛraya, go Otiniɛl du meci miaụŋ-me-eyi mi yebi: ga Hatat no Mionotai.[10]

¹⁴Go Mionotai meci Ofra. Gɛ Sɛraya meci Joab, go Joab ga ubwa jwe ulomu ata ɛɛ hiɛŋ Ge-harashim,[11] iwɛnɛ ta atwa na namɛ apata a shɛ egwoni injɛɛ njɛɛ iyi i'ɛlɛ i tuswoswoswo.

¹⁵Ga Kalɛb yɛu Jɛfune meci miaụŋ-me-eyi mu tatụ: ge Iru, nɛ Ɛla keeni Neam, gɛ Ɛla tuba meci Kɛnaz.

¹⁶Gɛ Jɛhalɛlɛl meci miaụŋ-me-eyi mi neshi: ge Zif, ne Zifa, ne Tiria keeni Asarɛl.

¹⁷Ge Ezra meci miaụŋ-me-eyi mi neshi: ge Jitɛ, nɛ Mɛrɛd, ne Ifɛ keeni Jalon. Gɛ Mɛrɛd zeni Bitaya yɛu Faro agwuma Ijipti, ee meci yɛu-yo-o ike, ibɛ shɛ ge Miriam keeni miaụŋ-me-eyi mi yebi: ata Shamai ne Ishiba. Ge Ishiba ga, ubwa jwe ụshɛpwụ ata ụ'wụtụ, ɛɛ hiɛŋ, Ishtɛmoa.

¹⁸Gɛ Mɛrɛd ga zeni du biyikwo bu ko bụ ụlamụ Juda, bee meci miaụŋ-me-eyi mu tatụ nu bwa: aba shɛ gɛ Jɛrɛd na jwe ụshɛpwụ uko ụ'wụtụ, ɛɛ hiɛŋ, Gedo; ne Hibɛ na jwe du ụshɛpwụ ata ụ'wụtụ, ɛɛ hiɛŋ, Soko; keeni Jakutiɛl na jwe du ụshɛpwụ uko ụ'wụtụ, ɛɛ hiɛŋ, Zanoa.

¹⁹Go Hodia zeni bụngwụfwụ Naham. Umwamwa wa aba, ubwa jwe udenji Gam ata namɛ nụ ụshɛpwụ uko ụ'wụtụ, ɛɛ hiɛŋ, Keila keeni udenji Meakat a na namɛ nụ ụshɛpwụ ata ụ'wụtụ, ɛɛ hiɛŋ, Ishtɛmoa.

²⁰Ge Shimon meci miaụŋ-me-eyi mi neshi: ga Amnon, ne Rina, nɛ Bɛn-hanan keeni Tilon. Ge Ishi meci miaụŋ-me-eyi mi yebi: go Zohɛt, nɛ Bɛn-zohɛt.

²¹Gɛ Shɛla shɛ du yɛu-ye-eyi Juda. Gɛ Ɛ, na jwe ụshɛpwụ ata ụ'wụtụ, ɛɛ hiɛŋ, Lɛka, bɛ shɛ udenji ubwa, ne Leada na jwe ụshɛpwụ ata ụ'wụtụ, ɛɛ hiɛŋ, Marɛsha. Aba shɛ udenji wa anɛ-tugwono ti Ilinɛn, aba namɛ nụ ụshɛpwụ ata ụ'wụtụ, ɛɛ hiɛŋ, Bɛt-ashbia;

²²no Jokim keeni atwa na namɛ nụ ụshɛpwụ ata ụ'wụtụ; ɛɛ hiɛŋ, Koziba; keeni ata Joash, ne Seraf a na yɛ la tugwama nu Moab keeni Jashubi-lɛhɛm.[12] (Ti'nyeci tɛ ga tɛ shɛ ti'nyeci tụ ngwụshɛ)

²³A shɛ la omo-nkwasha a na a ndana agwuma ugondu. A namɛ na ashɛpwụ ata, ɛɛ hiɛŋ, Netaim keeni Gɛdɛra.

²⁴Ge Simion meci miaụŋ-me-eyi mu ta: gɛ Nɛmuɛl, ne Jemin, na Jarib, nɛ Zɛra keeni Shaul.

²⁵Ga Shaul meci Shalum, ge Mibsam i shɛ yɛu ibwɛ, ge Mishma i shɛ yɛu ibwɛ

²⁶Ajalalo Mishma na: ga Hamuɛl i shɛ yɛu ibwɛ, ga Zaku i shɛ yɛu ibwɛ, ge Shimei i shɛ yɛu ibwɛ.

²⁷Ge Shimei meci miaụŋ-me-eyi umpwa-na-muba-mi-cihiŋ keeni miaụŋ-mo-o mi cihiŋ, ama miaụŋ-mo-bino mu bwa mi meci shi miaụŋ mi gembi ufwugwo. Ibɛ po umwamwa Simion keeni shi ufwugwo gana na umwamwa Juda wa kaana.

²⁸Ashɛpwụ aba a'wụtụ aa namanjɛ na: Bɛshiba, nu Molada, nu Haza-Shul,

²⁹ni Bilha, ni Izɛm, nu Tolad,

³⁰ni Bɛtuɛl, nu Homa, ni Ziklag,

³¹ni Bɛt, nu Makabot, nu Haza-suzim, ni Bɛt-biri, keeni Shearaim. A namɛ na ashɛpwụ ga uuwa i ci aka na Agwuma Devid yɛ tugwama.

³²A namanjɛ sasana na ashɛpwụ a'wụtụ anya a ta: aba shɛ ni Itam, nu Ain, ni Rimon, nu Tokɛn keeni Ashan,

³³keeni ashɛpwụ na gwụmwatangwụ a na hogogonu aŋ, tutu ụshɛpwụ ata ụ'wụtụ, ɛɛ hiɛŋ, Bealat. Iyi nɛ ee 'nyetenji iwɛ amwamwa aba keeni ofwo aba na aa namɛ na.

³⁴Etwenyi ga, aba shɛ ehiu amwamwa aba: Gɛ Mɛshobab, na Jamlɛk, no Josha yɛu Amazia,

³⁵no Joɛl, ne Jehu (na shɛ bụjalụ Seraya, bujalalo Asiɛl), yɛu Joshibia,

³⁶nɛ Ɛlioyenai, na Jakoba, nɛ Jɛshohaya, na Asaya, na Adiɛl, nɛ Jɛsimiɛl, nɛ Bɛnaya,

³⁷ne Ziza bụjalụ Alon yɛu Shifai nu umwamwa Jɛdaya, ne Shimri keeni Shemaya.

³⁸Atwa ga aa rɛtanjɛ nzeci ma aba, aba shɛ ehiu na amwamwa aba keeni nhwaŋ me eshi aba. Iwɛnɛ ta amwamwa aba a kaana ufwugwo tebiye,

³⁹ibɛ po oo mburusonu ee hwuri geri bu uwaŋna-twonuo Gedo. Ibɛ shɛ geri bu uwaŋna-banụ bu ulomu maa e dwelekekeni agwụdụ aba ofwo tiyaga.

⁴⁰E gwushiji cɛnjɛ ti biye, tu na ti gembi, tu na kaa ambɛ tuba zhɛmɛ tebiye. Tɛ shɛ cɛnjɛ ta amɛ-olom. Atwa na namɛ la na tuba shɛ ụlamụ Ham.

⁴¹Na aka Hɛzɛkia Agwuma Juda, ibɛ atwa ga aa rɛtanjɛ nzeci ma aba epe zhe Gera, aa njɛ shidulo shi tugwuno sha atwa na namɛ la apata ufwu. A kwụnɛ du edenji ata ɛɛ hiɛŋ, Meun a na namɛ la apata hwɛɛ. Ibɛ po aa namɛ ya apata, iwɛnɛ ta apata 'yajɛ ambɛ tebiye maa iyimabiga ya aba na ya.

⁴²Miaụŋ mi Ishi na: ge Pilatia, na Niaria, ne Rifaya keeni Uziɛl, aba untanganɛ atwa akpakwụ-eyebi-ni-dipi-yebi (500) a na banɛ nu udenji ga Simion, ee hwuri geri bu uwaŋna-banụ Idụm.

⁴³Aba hwaŋzhɛnjɛ udenji wa Amalɛk na ge benengeni la swacɛ apata tụkwụna. Ata namba apata tutu taa hwayɛ.