Read bassa SHƐRỤKWỤKWỤ SHI HIIŊ 7 Bible Online

SHƐRỤKWỤKWỤ SHI HIIŊ 7 - bassa bible

SHƐRỤKWỤKWỤ SHI HIIŊ 7

¹Ga Isaka meci miaụŋ-me-eyi mi neshi: go Tola, no Pua, na Jashub keeni Shimron.

²Go Tola meci miaụŋ-me-eyi mi cihiŋ: go Uzi, nɛ Rɛfaya, nɛ Jɛriɛl, na Jamei, ne Ibisam keeni Shemuɛl. Aba shɛ shɛgwuma shu nhwaŋ sha amwamwa edenji Tola, aa shaananɛ du ejeshi na beni urishi. Ufwugwo wa aba na aa rɛcɛ na aka agwuma Devid shɛ atwa igbɛɛ-umpwa-nu-boo-ko-na-akpakwụ-atatụ (22,600).

³Go Uzi meci yɛu-ye-eyi ike, ɛɛ hiɛŋ ge Iziria, ge Iziria na miaụŋ mu bwa me eyi mi neshi: ga Maikɛl, no Obadia, no Joɛl keeni Ishaya hwɛɛ aba shɛ shɛgwuma shu nhwaŋ,

⁴E zeni eyikwo ofwugwo, ee meci du miaụŋ mu ufwugwo, iwɛbɛ po aa 'yajɛ etwenyi na shɛ ejeshi igbɛɛ-umpwa-ni-bɛ-tindɛtu (36,000).

⁵Gana na aa imanganjɛ ufwugwo we etwenyi na teni cɛŋ, a na shɛ ejeshi nụ ụlamụ Isaka shɛ etewnyi igbɛɛ-buhanda-ni-bɛ-tɛtu-na-akpakwụ-a-ta (87,000).

⁶Gɛ Bɛnjamin meci miaụŋ-me-eyi mu tatụ: gɛ Bɛla, nɛ Bɛkɛ keeni Jediayɛl.

⁷Gɛ Bɛla meci miaụŋ-me-eyi mu ta: gɛ Ɛzibon, no Uzi, no Uziɛl, nɛ Jɛrimot keeni Iri. A shɛ shɛgwuma shu nhwaŋ, aa shaananɛ ejeshi na beni urishi. Ụlamụ wa aba 'yajɛ etwenyi a na shɛ ejeshi igbɛɛ-umpwa-nu-boo-ko-nu-talacɛ-na-ba-eneshi (12,034).

⁸Gɛ Bɛkɛ meci miaụŋ-me-eyi mi cinjishi: gɛ Zɛmira, no Joash, nɛ Ɛliɛzɛ, ne Elioyinai, no Omiri, nɛ Jɛrɛmot, na Abija, na Anatot keeni Alɛmɛt,

⁹Ti'nyeci te etwenyi na shɛ ejeshi aba nu udenji wa aba namɛ igbɛ-umpwa-nu-ukpakwụ-uko (20,200).

¹⁰Ga Jadiayɛl meci yɛu-ye-eyi ike, ibɛ shɛ ge Bilhan, ama ge Bilhan meci miaụŋ-me-eyi mi cenje: ge Jeush, nɛ Bɛnjamin, ne Ehud, ne Kenaana, nɛ Zɛtan, na Tashish keeni Ahishaha.

¹¹Hwɛɛ aba shɛ shɛgwuma shu nhwaŋ, aa shaananɛ du ejeshi na beni urishi. Ụlamụ wa aba 'yajɛ etwenyi a na shɛ ejeshi igbɛɛ-itindɛtu-na-akpakwụ-ecihiŋ (17,200).

¹²Atwa Shupim na atwa Hupim a shɛ du miaụŋ-me-eyi mi I, go Hushim shɛ yɛu-ye-eyi Ahɛ.

¹³Ga Naftali meci miaụŋ-me-eyi mi neshi: ga Jaziɛl, no Guni, nɛ Jɛzɛ keeni Shalum, ge Bilha,[16] ubwa shɛ ukaka wa aba.

¹⁴Miaụŋ-me-eyi mu Manasɛ na: ga Asiriɛl na biyikwo bwa bu magɛgashɛ na shɛ Bu'aram metenji bu. Biyikwo ata, ubwa du meci Maki ata meci Giliad.

¹⁵Ga Maki zenenji Hupim no Shupim eyikwo. Ɛ hiɛŋ izeci bụngwụfwụ bwa ge Meaka, ɛɛ hiɛŋ izeci yɛu-ye-eyi iyebi gɛ Zɛlofɛhad, miaụŋ-mo-o kiri gɛ Zɛlofɛhad meci.

¹⁶Ge Meaka biyikwo Maki meci yɛu-ye-eyi ike, boo po iŋ izeci ti gɛ Pɛrɛsh, boo po buhongwu bwa ti gɛ Shɛrɛsh. Ɛ hiɛŋ nzeci mu miaụŋ mu bwa me eyi mi yebi, go Ulam na Rakɛm,

¹⁷Go Ulam meci yɛu-ye-eyi ike nɛ ɛɛ hiɛŋ ge Bidan. Atwa ga hwɛɛ aba a shɛ ụlamụ Giliad yɛu-ye-eyi Maki bụjalụ Manasɛ.

¹⁸Bụngwụfwụ Giliad ga Hamolɛkɛt meci miaụŋ-me-eyi mu tatụ: ge Ishod, na Abiɛzɛ keeni Mala.

¹⁹Ge Shemida meci miaụŋ-me-eyi mi neshi: ga Ahian, nɛ Shɛkɛm, ne Lihi keeni Aniam.

²⁰Ajalalo Ifrem na: Go Shutɛla, nɛ Bɛrɛd yɛu ibwɛ, na Tahat yɛu ibwɛ, ne Ilada yɛu ibwɛ, na Tahat yɛu ibwɛ,

²¹na Zabad yɛu ibwɛ, no Shutɛla yɛu ibwɛ. Ge Ifrem ta 'yagananɛ miaụŋ-me-eyi mi nya mi yebi: ge Ezɛ ne Iliad a na aa kwụnɛ la aka na ta a jala maa e zunji iyimabiga ya atwa Gat, a na ee meci na cɛnjɛ ta ata.

²²Bishi ba aba ge Ifrem njɛ ụcɛnjɛ wa aba te ilegeji, ibɛ po miaụŋ-mo-bino mu bwa mi zhajɛ maa ingatanjɛ bụ.

²³Bee weteneni ne biyikwo bwa, bee le ofubo, bee meci yɛu-ye-eyi. Oo po iŋ izeci ti gɛ Bɛria,[17] iwɛ iyi iwɛ nɛ teneni aŋ nu umwamwa wa aba.

²⁴Yɛu ibwɛ yo o ge Shera, ubwa jwe ashɛpwụ ata a'wụtụ ɛɛ hiɛŋ, Bɛt-horon a na namɛ ni ishɛmɛ keeni una ugodo keeni Uzɛn-shera.

²⁵Ge Rifa i shɛ yɛu ibwɛ, ne Rishɛf yɛu ibwɛ, nɛ Tɛla yɛu ibwɛ, na Tahan yɛu ibwɛ,

²⁶na Ladan yɛu ibwɛ, na Amihud yɛu ibwɛ, nɛ Ɛlishama yɛu ibwɛ,

²⁷no Nun yɛu ibwɛ, no Joshua yɛu ibwɛ.

²⁸Cɛnjɛ tu na ee leshiji aa jɛjɛ, tɛ shɛ Bɛtɛl keeni ashɛpwụ na rungwutwonu uŋ, tutu uwaŋna-banụ Nearan keeni tutu uwaŋna-twonuo Gɛzɛ, keeni ashɛpwụ na rungwutwonu uŋ, ti Shɛkɛm keeni Aya keeni ashɛpwụ na rungwutwonu aŋ.

²⁹Ụlamụ Manasɛ, aba untanganɛ ashɛpwụ a'wụtụ a'wụtụ Bɛt-shean, nu Tanak, ni Migido, nu Do keeni ashɛpwụ na rungwutwonu aŋ. No olugwo ga ibɛ ajalalo Josɛf yɛu Isrɛl gɛgajɛ.

³⁰Miaụŋ mu Ashɛ na: ge Imina, ne Ishiva, ne Ishivi, keeni Bɛria keeni yɛu ibwɛ yo o ike ge Sera.

³¹Gɛ Bɛria meci miaụŋ-me-eyi mi yebi: gɛ Hibɛ, na Malkiɛl. Ga Malkiɛl, ubwa jwe ụshɛpwụ ata ɛɛ hiɛŋ, Bizait.

³²Gɛ Hibɛ meci miaụŋ-me-eyi mu tatụ: ga Jaflɛt, no Shomɛ, keeni Hotam. Bu meci du yɛu-yo-o ike, nɛ ɛɛ hiɛŋ izeci ibɛ go Shua.

³³Ga Jaflɛt meci du miaụŋ-me-eyi mu tatụ: ga Pasak, ne Bimihal keeni Ashivat.

³⁴Buhongwu bwa go Shomɛ, meci du miaụŋ-me-eyi mu tatụ: go Roga, ne Jehuba keeni Aram.

³⁵Yɛu-bino bwa gɛ Hɛlɛm,[18] meci miaụŋ-me-eyi mi neshi: go Zofa, ne Imina, nɛ Shɛlɛsh keeni Amal.

³⁶Atwa umwamwa Zofa na: go Sua, na Hanɛfɛ, no Shual, nɛ Bɛri, ne Imira,

³⁷nɛ Bɛzɛ, no Hod, na Shama, ne Shilisha, ne Itiran keeni Bira.

³⁸Miaụŋ-me-eyi mi Jɛtɛ na: gɛ Jɛfune, ne Pispa keeni Ara,

³⁹Miaụŋ mu Ula na: ga Ara, na Haniɛl keeni Rizia.

⁴⁰Atwa ga hwɛɛ, aba shɛ atwa umwamwa Ashɛ. A shɛ atwa na beni urishi nu ujasa, a na kaa shɛ ehwurembe a na beni swooŋ. Umwamwa Ashɛ 'yajɛ etwenyi a na shɛ ejeshi igbɛɛ-umpwa-ni-bɛ-tɛtu (26,000).