Read bassa SHƐRỤKWỤKWỤ SHI HIIŊ 9 Bible Online

SHƐRỤKWỤKWỤ SHI HIIŊ 9 - bassa bible

SHƐRỤKWỤKWỤ SHI HIIŊ 9

¹A rɛtanjɛ nzeci ma atwa Isrɛl hwɛɛ gana na ta amwamwa aba namanjɛ, ee 'nyeci iŋ nu utakada shɛgwuma shi Isrɛl. A 'imɛ atwa Juda na tijama, ee suji aŋ nu Babulon iwɛ uzawa tɛcara ta aba.

²Atwa na jiye hiiŋ a na gɛgananɛ na cɛnjɛ ta ata ta aba shɛ atwa Isrɛl, no onongbo, na Alivai keeni anjɛ-ugondu umwono wa Agwatana.

³Anya atwa na bananjɛ nụ ụlamụ Juda, nu una Bɛnjamin, nu una Ifrem, keeni una Manasɛ, zhe aa jɛjɛ nu Jɛrusalɛm.

⁴Atwa umwamwa Juda a na jɛjɛ nu Jɛrusalɛm na: go Utai na shɛ yɛu Amihud bụjalụ Omri, na shɛ bujalalo Imri, na shɛ binyabɛshɛ Bani, na shɛ umwamwa Pɛrɛz yɛu Juda.

⁵Atwa Shilon shɛ ga: Asaya na shɛ yɛu ibwɛ ihiiŋ keeni miaụŋ mu bwa me eyi.

⁶Ge Jiɛl na ge Zera yɛu Juda meci, ubwa shɛ uhiu umwamwa wa aba. Ufwugwo wa atwa na banɛ nụ ụlamụ Juda a na aa rɛcɛ a shɛ atwa akpakwụ-atatụ-nu-dupu-na-buhanda (690).

⁷Umwamwa Bɛnjamin na: ga Salu yɛu Mɛshulam, gɛ Mɛshulam shɛ yɛu Hodavia, go Hodavia shɛ yɛu Hasenua.

⁸Ge Ibneiya yɛu-ye-eyi Jɛroham, ne Ila yɛu-ye-eyi Uzi bụjalụ Mikri. Gɛ Mɛshulam shɛ yɛu Shɛfatia, na shɛ yɛu Reɛl.

⁹Ufwugwo wa atwa na banɛ nụ ụlamụ Bɛnjamin hwɛɛ a shɛ atwa akpakwụ-eneshi-ni-dipi-tɛtu-na-ba-ecihiŋ (956). Etwenyi ga aa rɛtanjɛ nzeci ma aba hwɛɛ a shɛ shɛgwuma shu nhwaŋ me eshi aba.

¹⁰Onongbo na namɛ nu Jɛrusalɛm na: gɛ Jɛdaya, ne Jehoiyarib, na Jakin,

¹¹na Azaria yɛu Hilkia, ge Hilkia shɛ yɛu Mɛshulam, gɛ Mɛshulam shɛ yɛu Zadok, ga Zadok shɛ yɛu Ahitub. (Ga Ahitub ga, ubwa shɛ uhiu wo onongbo nu umwono wa Agwatana,)

¹²na Adaya yɛu Jeroham na ogwunukwoshi ubwa shɛ ata Pashu na Malkija, ne measai yɛu Adiɛl, na ogwunukwoshi ubwa shɛ ata Jazera, nɛ Mɛshulam, nɛ Mɛshilɛmit keeni Imɛ.

¹³Onongbo na shɛ shɛgwuma shu nhwaŋ me eshi aba a shɛ atwa akpakwụ-atụndatụ-ni-dipi-tɛtu-na-atwa-umpwa (1,760). A shɛ egwoni nu ugondu wa aba na aa nda nu umwono wa Agwatana.

¹⁴Atwa Livai na: Ge Shemaiya yɛu Hashub, na ogwunukwoshi ubwa shɛ ata Azrikam keeni Hashabia, na shɛ udenji umwamwa Merari,

¹⁵na Bakbaka, nɛ Hɛrɛsh keeni Galal, na Matania yɛu Mika, na ogwunukwoshi ubwa shɛ ata: Zakri keeni Asaf,

¹⁶no Obadia yɛu Shemaiya, na ogwunukwoshi ubwa shɛ ata: Gilal keeni Jedutan, nɛ Bɛrɛkia yɛu Asa bụjalụ Ɛlkana, na jɛjɛ no tugwungwu tụ ụshɛpwụ Netofa.

¹⁷A'iywa umwono wa Agwatana na: ga Shalum, na Akub, na Talmon, keeni Ahiman. Ga Shalum, ubwa shɛ uhiu wa aba.

¹⁸Te kwune na aka ata, aa jɛjɛ nu uwaŋna-banụ wo odubo agwuma, aba la a 'yaka odubo ugba ụlamụ wa Alivai.

¹⁹Ga Shalum yɛu Kore bụjalụ Ebiasaf, na atwa vwɛ ubwa a na shɛ udenji umwamwa Kora, aba untanganɛ igbɛtɛtɛ yo odubo udulo na AGWANGWAMA namɛ gana na to ogwunukwoshi aba a nda la, aka na ta a ngbaraka ugba ata wa AGWANGWAMA.

²⁰Ge Finihaz yɛu Ɛleaza shɛwa la uhiu wa a'iywa odubo na aka oko, AGWANGWAMA kaa namɛ la nu bwa.

²¹Gɛ Zɛkaria yɛu Mɛshɛlemia shɛ la du bi'iywa bo odubo udulo tu'ulwatagwụ.

²²Etwenyi na ee teri hwɛɛ maa a shɛ a'iywa shidubo, a shɛ atwa kpakwụ-na-atwa-umpwa-na-ba-eyebi (212). A rɛcɛ aŋ gana na ta a namɛ na ashɛpwụ na aa gɛgajɛ. Agwuma Devid na Samuɛl bigesere ata, aba utegeni la ogwunukwoshi aba ugondu ata.

²³Ta aba ata, tu umwamwa wa aba na 'wa aŋ, aba a 'yaka ya shidubo shi Umwono ata wa AGWANGWAMA.

²⁴A'iywa ata shidubo a namɛ azalụ eneshi: uwaŋna-banụ, nu uwaŋna-twonuo, nu tuzuba keeni tuta.

²⁵Atwa na o mbiyono a'iywa ata a shɛ atwa aba ụmatụ wa ashɛpwụ aba. A palaga ugondu ata u'iywa tɛnda, ijitɛ icenje cenje.

²⁶Ehiu a'iywa ata hwɛɛ aba ebeneshi, a shɛ Alivai, aba 'waŋnɛ tijama te elele iwɛ umwono wa Agwatana. Aba du ee utegeni uduciya we elele na ee suje nu Umwono ata.

²⁷Aba jɛjɛ to gwumwongonu Umwono ata wa Agwatana tutu rungwutwonu uŋ, maa a na kapashanga shidubo shu umwono ata uvwungwa uvwungwa.

²⁸Alivai na vwɛ aba untanganɛ iwɛ i'wɛŋnɛ nɛ aa ta ụrụpɛ. O hikokono iŋ aka na tɛ ɛ vwɛ iŋ maa a njɛ uhwara ni bɛ, ee hwuwi hwayɛ ɛ zhɛ o hikokono iŋ sasana tɛ ɛ zhɛ o gwuricingo iŋ.

²⁹Atwa vwɛ aba oko, aba untanganɛ iwɛ i'wɛŋnɛ inyɛ i tijilo, keeni inɛmɛ, te meni ma afwafwa, ta manɛbɛ, ti iturɛre keeni iyi nɛ 'yagajɛ ụhiụŋ ụlatụ.

³⁰Ama miaụŋ-me-eyi mo onongbo mu ko, aba o hiŋtotongo ijɛ ɛtɛ 'yajɛ ụhiụŋ ụlatụ.

³¹Bulivai na ɛɛ hiɛŋ, ga Matitia yɛu Shalum ihiiŋ, na shɛ udenji umwamwa Kora, ubwa untanganɛ ugondu wa agbagbada ụrụpɛ tɛnda.

³²Atwa umwamwa Kohat oko, aba untanganɛ ugondu wa akara tijilo[22] tɛnda iwɛ umwono wa Agwatana nụ Ụjita-ụhinjanụ we elele.

³³Amwamwa Alivai oko, aba shɛ atwa na untanganɛ ugondu i'wɛŋnɛ ya azunga keeni i'nyemi 'nyemi iwɛ umwono wa Agwatana. Ehiu amwamwa ata zweni na shɛmɛ shu umwono ata wa Agwatana, a zasa ya nu ugondu we elele tɛnda o, iwɛnɛ ta a suyana aŋ aka elele, tụ ụjita tu uwaŋna.

³⁴Etwenyi ga aa rɛtanjɛ, aba shɛ ehiu amwamwa Alivai, gana na to ogwunukwoshi aba mama 'wanụ. Aba shɛ ehwurembe a na jɛjɛ nu Jɛrusalɛm.

³⁵Ge Jeiyɛl, ubwa jwe ụshɛpwɛ ata ụ'wụtụ, ɛɛ hiɛŋ, Gibion, baa jɛjɛ nu bwa. Ɛ hiɛŋ izeci biyikwo bwa ge Meaka.

³⁶Ɛ hiɛŋ yɛu ibwɛ ye eyi ihiiŋ ga Abdon, ɛɛ hiɛŋ miaụŋ mu bwa mu vwɛ: go Zu, ne Kish, ne Bial, nɛ Nɛ, na Nadab,

³⁷ne Geda, na Ahio, nɛ Zɛkaria keeni Miklot.

³⁸Ge Miklot, ubwa shɛ bishi Shimiam. Umwamwa ubwa ụ vwɛ jɛjɛ nu Jɛrusalɛm, to gwumwonu amwamwa anya aba a na vwɛ.

³⁹Gɛ Nɛ meci Kish, ge Kish meci Soul, go Soul meci Jonatan, na Malkishua, na Abinadab keeni Eshbeal.

⁴⁰Go Jonatan meci Mɛribeal, ge Meribeal meci Mika.

⁴¹Miaụŋ-me-eyi mi Mika na: ge Piton, nɛ Mɛlɛk, na Taria keeni Ahaz,[23]

⁴²Ga Ahaz meci Jada, ga Jada meci Alɛmɛt, na Azimavɛt keeni Zimri. Ge Zimri meci Moza,

⁴³go Moza meci Binia, ge Refaya i shɛ yɛu ibwɛ, gɛ Ɛliasa i shɛ yɛu ibwɛ, ga Azɛl i shɛ yɛu ibwɛ.

⁴⁴Ga Azɛl meci miaụŋ-me-eyi mi cihiŋ, nzeci ma aba na: ga Azrikam, no Bokeru, ne Ishmɛl, ne Shearia, no Obadia keeni Hanan.