Read bassa NEHEMAYA 12 Bible Online

NEHEMAYA 12 - bassa bible

NEHEMAYA 12

¹Atwa ga aba shɛ onongbo keeni Alivai a na banɛ na ti'ima jiye nɛ Zɛrubabɛl yɛu Shɛaltiɛl[23] keeni Jɛshua, aba shɛ, gɛ Sɛraya, nɛ Jɛrɛmia, ne Ezra,

²na Amaria, na Maluk, na Hatush,

³nɛ Shɛkania, ne Rehum, nɛ Mɛrɛmot,

⁴ne Ido, ne Ginɛton,[24] na Abija,

⁵ne Mijamin, ne Meadia, ne Bilga,

⁶nɛ Shɛmaya, no Joiyarib, nɛ Jɛdaya,

⁷na Salu, na Amok, ne Hilkia keeni Jɛdaya. Atwa ga aba shɛ ehwurembe na ashashɛ onongbo keeni miaụŋ-mo-bino ma aba na aka Jɛshua.

⁸Alivai shɛ: gɛ Jɛshua, ne Binui, na Kadmiɛl, nɛ Shɛrɛbia, no Juda keeni Matania, na shɛ buhwur-bu-umbe na azunga ugwoje tụpana keeni miaụŋ-mo-bino mu bwa.

⁹Ga Bakbukia, keeni Uno, miaụŋ-mo-bino ma aba mu modongwu aŋ nu ugondu wa aba wa azunga.

¹⁰Gɛ Jɛshua meci Joiyakim, go Joiyakim meci Ɛliashib, gɛ Ɛliashib meci Joiyada,

¹¹go Joiyada meci Jonatan, go Jonatan meci Jadua.

¹²Atwa ga aba shɛ la ehiu onongbo na aka Joiyakim Nu umwamwa Sɛraiya, i shɛ gɛ Mɛraya, una Jɛrɛmia, i shɛ, ga Hanania,

¹³una Ezra, i shɛ, ga Mɛshulam, una Amaria, i shɛ, gɛ Jɛhohanan,

¹⁴una Maluki, i shɛ, go Jonatan, una Shɛbania, i shɛ, go Josɛf,

¹⁵una Harim, i shɛ, ga Adna, una Mɛraiyot, i shɛ, gɛ Hɛlkai,

¹⁶una Ido, i shɛ, gɛ Zɛkaria, una Ginɛton, i shɛ, gɛ Mɛshulam,

¹⁷una Abija, i shɛ, ge Zikri, una Miniamin, keeni una Moadia, i shɛ, ge Piltai,

¹⁸una Bilga, i shɛ, ga Shamua, una Shemaya, i shɛ, ge Jɛhonatan,

¹⁹una Joiyarib, i shɛ, ga Matanai, una Jɛdaya, i shɛ, go Uzai,

²⁰una Salu, i shɛ, ga Kalai, una Amok, i shɛ, ge Ibɛ,

²¹una Hilkia, i shɛ, ga Hashabia, una Jɛdaya, i shɛ, gɛ Nɛtanɛl.

²²A intanɛ t'inyeci ta shɛgwuma shu nhwaŋ ma Alivai keeni onongbo, na aka na atwa ga shɛ la ehiu onongbo: Aba shɛ gɛ Ɛliashib, no Joiyada, no Johanan keeni Jadua. Ti'nyeci tu nzeci mu ga tu hwuwowu ti'nyata na aka na ti ga Darius shɛ agwuma Pɛsia.

²³E 'nyeci nzeci mu miaụŋ ma Alivai a na shɛ shɛgwuma shu nhwaŋ me eshi aba nu utakada shɛrụkwụkwụ tutu i ci aka Johanan na shɛ yɛu Ɛliashib.

²⁴Atwa na shɛ ehwurembe na ashashɛ Alivai a shɛ: ga Hashabia, na Shɛrɛbia keeni Jɛshua yɛu Kadmiɛl, medenji miaụŋ-mo-bino ma aba a na mama ngbarakanụ ne eshici, oo momo loshogonu ta a shɛtana nu ugwoje tɛnda, gana na ta agwuma Devid bụtụ ata ba Agwatana peni aŋ la unu ibɛ.

²⁵Ga Matania, na Bakbukia, no Obadia, nɛ Mɛshulam, na Talmon keeni Akub, aba shɛ a'iywa shidubo shu uba, a na a ngbaraka atwa na shɛ angbaracɛ shimwono shi i'wɛŋnɛ shɛ na shɛ namɛ no odubo uba.

²⁶Atwa ga namba la apata na aka Joiyakim yɛu Jɛshua bụjalụ Jozadak, keeni na aka Nehemaya na shɛ ugwomina keeni aka Ezra na shɛ bunongbo na kaa shaananɛ bi'nyeci.

²⁷Aka na maa e shileni Agwatana uba Jɛrusalɛm, nazhɛ ee jelekeci Alivai no ofwo elele na aa namanjɛ iwɛ maa e suje aŋ maa a untangana tijilo ta ata nu unyasa, nu ugwoje tụpana keeni azunga tuzunga, no shikoko ti'nyama keeni shiduma keeni egweje.

²⁸Ibɛ po ee suje amwamwa Alivai a na shɛ azụnjɛ maa a bananjɛ no olugwo olugwo na aa ga namanjɛ tutu rungwutwonu Jɛrusalɛm, keeni maa a bananjɛ na ashɛpwụ na rungwutwonu Nɛtofa,

²⁹a banɛ du ni Bɛt-gilgal, aa banɛ ne shihilo shi Giba keeni Azmavɛt, aa zhajɛ. Iwɛnɛ po azụnjɛ meme meni ashɛpwụ aba tutu rungwutwonu Jɛrusalɛm.

³⁰Onongbo keeni Alivai mama njɛ shɛshɛshɛ; aa njɛ du atwamwa shɛshɛshɛ, to shidubo shu uba keeni uba du.

³¹Ngoo sotulonu ehwurembe Juda ni ihiŋhiŋ uba, Ngee tileni aŋ maa a shɛ atwa na 'yajɛ ụhwada wo orubwo a'wụtụ eyebi, maa o no rungo ụshɛpwụ ata nu ugwoje tụpana. Urubwo uhiiŋ sanɛ geri bu u'ala ubiye ni ihiŋhiŋ uba geri bo Odubo Ubizo.

³²Atwa na 'wa aŋ a shɛ, go Hoshia keeni ashashɛ ehiu Juda,

³³onongbo na 'wa aŋ nu urungo ata, a na o hwulo akakacɛ, a shɛ: ga Azaraya, ne Ezra, nɛ Mɛshulam,

³⁴no Juda, na Bɛnjamin, nɛ Shɛmaya, nɛ Jɛrɛmia,

³⁵medenji du Zɛkaria yɛu Jonatan bụjalụ Shɛmaya. (Eshi ubwa a na oo togotogwu nu bwa, a shɛ ga Matania, na Maikaya, na Zaku, na Asaf).

³⁶Atwa na shɛ umwamwa ubwa, a na 'wa bụ a shɛ, gɛ Shɛmaya, na Azarɛl, ne Milalai, ne Gilalai, ne Meayi, nɛ Nɛtanɛl, no Juda, na Hanani. Ge Ezra na shɛ bi'nyeci, ubwa 'yagajɛ urubwo wa atwa elele na 'waŋnɛ i'wɛŋnɛ ya azunga agwuma Devid, bụtụ ata ba Agwatana.

³⁷Ee duri no Odubo Umɛzhinjɛ ee munji ogbudu ata aa zha nu Ụshɛpwụ Devid. Ee keshici umwamwa umwono Devid, ee gwure nu uba no ofwo Odubo Meni geri bu uwaŋna-banụ.

³⁸Urubwo unya wa atwa na a pana ugwoje, hwuri geri bu u'ala ugwulwo, aa 'wa ihiŋhiŋ uba, Ngaa 'wa aŋ medenji tudwonu ta ashashɛ atwa ata. Ee ti she eti keshici Ashɛkpa ata 'yajɛ u'ibwa na aa shana ulwa tuta tutu ofwo ata Uba heri.

³⁹Eti beni apata etu hwuri eti keshici Odubo Ifrem, no Odubo Jɛshana, no Odubo Bijana, na Ashɛkpa Hananɛl, keeni Ashɛkpa dipi-yebi, eti ci Odubo Agwụdụ. Atu kwunanjɛ turungo tu tu to dongonu Odubo Angbaracɛ.

⁴⁰Gabata edingbe ata a na a pana ugwoje na amɛ Umwono wa Agwatana shikeni, tu Gamba medenji ashashɛ atwa shihwolu a na namɛ ne mi,

⁴¹udungbe mu togotogwu no onongbo na o hwulo akakacɛ, aba shɛ: gɛ Ɛliakim, ne Measaiya, ne Miniamin, na Maikaya, nɛ Ɛlioyenai, nɛ Zɛkaria, na Hanania.

⁴²Atwa na 'wa aŋ a shɛ: ge Measaiya, nɛ Shɛmaya, nɛ Ɛliaza, no Uzai, nɛ Jɛhohanan, na Malkija, ne Ilam keeni Izɛ. Gɛ Jɛzrahia; ubwa ba 'yagaga azụnjɛ, rụhwụŋ ra azunga ubwa kaa ri zeci ree hwuri ma rụ rụ atwa vwɛ hwɛɛ.

⁴³O to arụpɛ a'wụtụ a'wụtụ jita ata, ee bweji unyasa iwɛnɛ ta Agwatana eni aŋ unyasa ụ'wụtụ 'wụtụ tubwada jita ata. Eyikwo, na miaụŋ bweji du unyasa. Gabata aa hwụjɛ rundu ru unyasa wa aba tubwada ru na rɛ shɛnjɛ nu Jɛrusalɛm taa dụlụ.

⁴⁴Na aka ata ee teri etwenyi na zhɛ na ngbaraka shimwono shɛ na ɛɛ zhɛ no zwono i'wɛŋnɛ, iwɛ apalajɛma u tụ'walụ ti hiiŋ keeni iyi-a'umpwa, iwɛ ugondu Umwono wa Agwatana uywa uywa. Atwa ata aba 'yajɛ ya tijama gana na maa a na lɛshijɛ apalajɛma ne shihilo shɛ na shi gwumwongonu na ashɛpwụ iwɛ onongbo keeni iwɛ Alivai, inɛɛ nɛ Undwa shiri iwɛ ibɛ. Iwɛnɛ po atwa elele na namɛ nu Juda 'yajɛ unyasa nu ugondu wo onongbo keeni Alivai.

⁴⁵A untanganɛ ugondu wa Agwatana aba keeni ugondu wa atwa tɛnda shɛshɛshɛ, gana na du ta azụnjɛ keeni a'iywa shidubo a njɛ ugondu wa aba, nu gana na ta agwuma Devid keeni yɛu ibwɛ go Sụlụmụn peni aŋ la unu ibɛ.

⁴⁶Te kwuni cala cala na aka agwuma Devid keeni bi'nyeci ba shɛzunga ga Asaf, i 'yajɛ la atwa na o hwulo umbe na azunga ashɛtwa Agwatana keeni a na a'walụ

⁴⁷Na aka Zɛrubabɛl keeni aka Nɛhɛmaya, atwa Isrɛl elele a palajɛ la iyi nɛ shɛ urobwo wa azụnjɛ keeni inɛ ya a'iywa shidubo shu umwono wa Agwatana iyi-heri. O tulono la du urobwo wa Alivai swooŋ, Alivai tuba o tulono urobwo miaụŋ mu Aron swooŋ.