Read bassa NEHEMAYA 7 Bible Online

NEHEMAYA 7 - bassa bible

NEHEMAYA 7

¹Na aba na te e hwuwi uba tuma hwɛɛ, Ngee zweni akpa no shidubo, nazhɛ ee teri a'iywa shidubo, na azụnjɛ keeni Alivai.

²Ngee peni yɛu-bino mi ga Hanani keeni Hanania na shɛ uhiu ihwɛ ya agwuma ụhwada, maa a untangana Jɛrusalɛm. Iwɛnɛ po ga Hanania ga, bɛ shɛ bụtụ bɛ tɛcara, baa sụma kaa Agwatana inyɛsɛ uhwuri atwa ofwugwo.

³Ngee mbishi aŋ, Ngɛɛ hiɛŋ, Ta kapɛshɛnga ma shidubo shu Jɛrusalɛm o, semi aka na tu uwaŋna wo vwo. Ga shɛ kaa du aka na ta a'iywa te shikekeni apata nazhɛ ee kepenji shidubo, maa hi shiyeni ụ'wụ'wụ wo odubo tukapa ne eshe aba. Tala ma atwa na jɛjɛ nu Jɛrusalɛm maa a shɛ a'yacɛ, maa a gɛgacanjɛ atwa oko no ofwo ajɛjɛ ugondu wa aba, maa a gɛgacanjɛ atwa oko ne eririri nhwaŋ ma aba.

⁴Jɛrusalɛm kaa shɛ ụshɛpwụ na gembi tebiye, ama atwa na namɛ kaa nu bwa twa sụ ofwugwo, shimwono kaa shi te meeneni shi o.

⁵Gana Agwatana shiyeni iŋ na amɛ mi maa go Mo sotulonu atwa ụjɛrụma, na atwa shihwolu keeni atwa tukwakwa, iwɛ maa a rɛcɛ amwamwa aba ta. Ngoo to ti'nyeci ta amwamwa atwa na jiye la hiiŋ ugbe. Iyi nɛ ee 'nyeci na amɛ ibɛ Ngoo to ugbe na:

⁶Atwa ga aba shɛ atwa ukpeleshi cɛnjɛ tu Babulon a na banɛ na ti'ima jiye. Aba shɛ atwa na gɛ Nɛbukadnɛza agwuma Babulon 'imɛ la bee suji, a na jiye nu Jɛrusalɛm keeni nu Juda. Bụtụ bụtụ sanɛ nụ ụshɛpwụ ubwa.

⁷Atwa na shɛ ehwurembe aba na: gɛ Zɛrubabɛl, nɛ Jɛshua, ne Nehemaya, na Azaria, ne Reamia, na Nahamani, no Modɛkai, ne Bilshan, ne Mispɛrɛt, ne Bigvai, ne Nehum keeni Beana. Nzeci ma atwa Isrɛl na:

⁸Nu umwamwa Parosh, a shɛ atwa ugbaa-ni-dipi-tɛtu-nu-woshi-na-ba-eyebi (2,172).

⁹Atwa Shɛfatia a shɛ atwa kpakwụ-ni-dipi-tɛtu-nu-woshi-na-ba-eyebi (372).

¹⁰Atwa Ara a shɛ atwa akpakwụ-atatụ-nu-dupu-na ba-eyebi (652).

¹¹Atwa Pahat-moab (a na shɛ umwamwa Jɛshua keeni Joab) a shɛ atwa ugbaa-na-akpakwụ-eneshi-ne-eshe-umpwa-na-ba-atụndatụ (2,818).

¹²Atwa Ilam a shɛ atwa akpakwụ-ecihiŋ-nu-dupu-na-ba-eneshi (1,254).

¹³Atwa Zatu a shɛ atwa akpakwụ-eneshi-na-buhanda-na-ba-a-ta (845).

¹⁴Atwa Zakai a shɛ atwa akpakwụ-atatụ-ni-dipi-tɛtu-ne-eshe-umpwa (760).

¹⁵Atwa Binui a shɛ atwa akpakwụ-atatụ-na-buhanda-na-ba-atụndatụ (648).

¹⁶Atwa Bebai a shɛ atwa akpakwụ-atatụ-nu-woshi-na-ba-atụndatụ (628).

¹⁷Atwa Azgad a shɛ atwa ugbaa-nu-kpakwụ-ni-dipi-yebi-nu-woshi-na-ba-eyebi (2,322).

¹⁸Atwa Adonikam a shɛ atwa akpakwụ-atatụ-nu-dupu-ne-eshe-umpwa-na-ba-ecenje (667).

¹⁹Atwa Bigvai a shɛ atwa ugbaa-nu-dupu-ne-eshe-umpwa-na-ba-ecenje (2,067).

²⁰Atwa Adin a shɛ atwa akpakwụ-atatụ-nu-dupu-na-ba-a-ta (655).

²¹Atwa Atɛ a na shɛ umwamwa Hɛzɛkia a shɛ atwa dupu-na-buhanda-na-ba-atụndatụ (98).

²²Atwa Hashum a shɛ atwa kpakwụ-ni-dipi-yebi-nu-woshi-na-ba-atụndatụ (328).

²³Atwa Bizai a shɛ atwa kpakwụ-ni-dipi-yebi-nu-woshi-na-ba-eneshi (324).

²⁴Atwa Harif a shɛ atwa dipi-yebi-ne-eshe-umpwa-na-ba-eyebi (112).

²⁵Atwa Gibion a shɛ atwa dupu-na-buhanda-na-ba-a-ta (95).

²⁶Atwa Bɛtlɛhɛm keeni Nɛtofa a shɛ atwa dipi-tɛtu-nu-talacɛ-na-ba-atụndatụ (188).

²⁷Atwa Anatot a shɛ atwa dipi-yebi-nu-woshi-na-ba-atụndatụ (128).

²⁸Atwa Bɛt-azmavɛt a shɛ atwa buhanda-na-ba-eyebi (42).

²⁹Atwa Kiriat-jiarim, na atwa Cɛfaira keeni atwa Biɛrot a shɛ atwa akpakwụ-atatụ-ni-dipi-yebi-na-buhanda-na-ba-atatụ (743).

³⁰Atwa Rama keeni atwa Giba a shɛ atwa akpakwụ-atatụ-nu-woshi-nu-boo-ko (621).

³¹Atwa Mikmash a shɛ atwa dipi-yebi-nu-woshi-na-ba-eyebi (122).

³²Atwa Bɛtɛl keeni atwa Ai a shɛ atwa dipi-yebi-nu-woshi-na-ba-atatụ (123).

³³Atwa Nebo unya a shɛ atwa dupu-na-ba-eyebi (52).

³⁴Atwa Ilam unya a shɛ atwa akpakwụ-ecihiŋ-nu-dupu-na-ba-eneshi (1,254).

³⁵Atwa Harim a shɛ atwa kpakwụ-ni-dipi-yebi-nu-woshi (320).

³⁶Atwa Jɛriko a shɛ atwa kpakwụ-ni-dipi-yebi-na-buhanda-na-ba-a-ta (345).

³⁷Atwa Lod, na atwa Hadid keeni atwa Ono a shɛ atwa akpakwụ-atatụ-ni-dipi-yebi-nu-woshi-nu-boo-ko (721).

³⁸Atwa Sɛnea a shɛ atwa ugbaa-na-akpakwụ-ecinjishi-ni-dipi-yebi-nu-talacɛ (3,930).

³⁹Onongbo a na shɛ miaụŋ mi Jɛdaya tedure nu umwamwa Jɛshua a shɛ atwa akpakwụ-eneshi-ni-dipi-tɛtu-nu-woshi-na-ba-atatụ (973).

⁴⁰Atwa Imɛ a shɛ atwa akpakwụ-a-ta-nu-dupu-na-ba-eyebi (1,052).

⁴¹Atwa Pashu a shɛ atwa akpakwụ-ecihiŋ-na-buhanda-na-ba-ecenje (1,247).

⁴²Atwa Harim a shɛ atwa akpakwụ-a-ta-ne-eshe-umpwa-na-ba-ecenje (1,017).

⁴³Alivai a na shɛ miaụŋ mi Jɛshua (tedure na Kadmiɛl) a na shɛ umwamwa Hodiva a shɛ atwa dupu-nu-woshi-na-ba-eneshi (74).

⁴⁴Azụnjɛ a na shɛ miaụŋ mu Asaf a shɛ atwa dipi-yebi-na-buhanda-na-ba-atụndatụ (148).

⁴⁵A'iywa odubo uba, a na shɛ miaụŋ mu Shalum, na Atɛ, na Talmon, na Akub, na Hatita, na Shobai a shɛ atwa dipi-yebi-nu-talacɛ-na-ba-atụndatụ (138).

⁴⁶A'iywa umwono wa Agwatana, a na shɛ miaụŋ mi Ziha, na Hasufa, na Tabeot,

⁴⁷ne Keros, ne Sia, na Padon,

⁴⁸nɛ Lɛbana, na Hagaba, na Shalmai,

⁴⁹na Hanan, ne Gidɛl, na Gaha,

⁵⁰nɛ Reayiya, nɛ Rɛzin, nɛ Nɛkoda,

⁵¹na Gazam, no Uza, na Pasia,

⁵²ne Bezai, nɛ Mɛunim, nɛ Nɛfushɛsim,

⁵³na Bakbuk, na Hakufa, na Hahu,

⁵⁴na Bazlit, nɛ Mɛhida, na Hasha,

⁵⁵na Bakos, ne Sisɛra, ne Tima,

⁵⁶nɛ Nɛzia, na Hatifa.

⁵⁷Miaụŋ mu umwamwa ma anjɛ-ugondu Sụlụmụn, a na shɛ miaụŋ mu Sotai, no Sofɛrɛt, nɛ Pɛrida,

⁵⁸ne Jeala, na Dakon, ne Gidɛl,

⁵⁹nɛ Shɛfatia, na Hatil, no Pokɛrɛt-hazɛbaim keeni Amon.

⁶⁰Miaụŋ-mu-ugondu umwono wa Agwatana keeni miaụŋ-mu-ugondu ma anjɛ-ugondu Sụlụmụn hwɛɛ a shɛ kpakwụ-ni-dipi-tɛtu-na-buhanda-na-ba-eyebi (392).

⁶¹Atwa na 'wa aŋ banɛ ni Tɛl-mila, ni Tɛl-hasha, ni Cɛrub, na Adon keeni Imɛ, ama a zasa iyi elele nɛ maa e mepi maa atwa Isrɛl aa shɛ o.

⁶²Miaụŋ mi Dɛlaya, no Tobia, nɛ Nɛkoda a shɛ atwa akpakwụ-atatụ-na-buhanda-na-ba-eyebi (642).

⁶³Atwa ga banɛ na ashashɛ onongbo a na shɛ miaụŋ mu Hobaya, na Hakoz keeni Bazilai (na zeni biyikwo na miaụŋ-mo-o mu Bazilai una Giliad, ibɛ po baa yɛ ya izeci binua bwa ti ga Bazilai).

⁶⁴E dwelekeci ofwo na maa a kwụbɛ ti'nyeci tu ụlamụ na aa banɛ, ama e te shi ugbe o, iwɛbɛ po ee becinji aŋ nu ugondu tunongbo, iwɛnɛ a shɛ atwa na zasa shɛshɛshɛ.

⁶⁵Ugwomina hiɛŋ aŋ, Hiɛ shɛ shɛ hia ya iyimɛyɛ tijilo me tijilo, semi aka na ahiɛ 'yajɛ hwuŋ bunongbo na 'yebi Urim keeni Tumim[17] tu'waŋ.

⁶⁶Ufwugwo wa atwa na aa rɛcɛ a na banɛ na ti'ima jiye hwɛɛ a shɛ igbɛɛ-woshi-nu-boo-ko-nu-kpakwụ-ni-dipi-tɛtu-ne-eshe-umpwa (42,360).

⁶⁷Medenji ajama aba eyi keeni a na o o a namɛ igbɛɛ-itɛtu-na-akpakwụ-ecihiŋ-ni-dipi-yebi-nu-talacɛ-na-ba-ecenje (7,337). A 'yajɛ du sasana eyikwo keeni etwenyi a na shɛ azụnjɛ kpakwụ-na-buhanda-na-ba-a-ta (245).

⁶⁸Idɛkwɛ ya aba namɛ akpakwụ-atatụ-ni-dipi-yebi-nu-talacɛ-ni-bɛ-cihiŋ (736), nrakwumi ma aba mu namɛ kpakwụ-na-buhanda-na-muba-mu-ta (245).

⁶⁹Nruhondo ma aba mu namɛ akpakwụ-eyebi-nu-talacɛ-na-muba-mu-ta (435), nzhinyacɛ ma aba mu namɛ igbɛɛ-itɛtu-na-akpakwụ-atatụ-ni-dipi-yebi-nu-woshi (6,720).

⁷⁰Shɛgwuma shu nhwaŋ shi ko shi mbiyeni ugondu umwono wa Agwatana tumaanana. Ugwomina peni azhɛnarɛya akpakwụ-a-ta (1,000) nu nkwodo dupu (50) keeni i'wɛŋnɛ tuhwuŋtongono yo onongbo akpakwụ-eyebi-ni-dipi-yebi-nu-talacɛ (530).

⁷¹Shɛgwuma shu nhwaŋ shi ko shi peni azhɛnarɛya igbɛɛ-umpwa (20,000), keeni azụrụfa ugbaa-nu-kpakwụ (2,200) iwɛ maa e mbiyeni ugondu ata.

⁷²Tutogwu ti iyi nɛ atwamwa no onongbo peni, tɛ shɛ azhɛnarɛya igbɛɛ-umpwa (20,000), azụrụfa namɛ ugbaa-uko (2,000), n-nduka mo onongbo mu namɛ dupu-ne-eshe-umpwa-na-muba-mi-cenje (67).

⁷³To onongbo, ta Alivai, ta a'iywa odubo uba, ta azụnjɛ, ta anjɛ-ugondu umwono wa Agwatana, medenji atwa ohondo keeni atwa vwɛ a na shɛ atwa Isrɛl hwɛɛ aba gɛgajɛ ya na ashɛpwụ aba Juda. Ne Bicenje[18] ibɛ atwa Isrɛl hwɛɛ gɛgajɛ na amɛ ashɛpwụ aba.