Read bassa JOB 14 Bible Online

JOB 14 - bassa bible

JOB 14

¹Ijitɛ bụtụ na biyikwo meci twa sụ ufwugwo, 2 ụbaụta kaa hwuleji bu.

²Ba banɛ gana modwodwo, fwala ba lụmba, ba kashɛka gana uhwunu, bi zha shɛ kaa ba nama ya o.

³Agwatana, bi zhɛ ree du bu ma mbiyanɛ, maa jɛmɛ ụshɛrɛya mu?

⁴I zasa iyi tụrụmbɛɛ ye elele eri ya banɛ no olugwo iyi nɛ zasa rụmbɛɛ o.

⁵A imwangwa ijitɛ uraiŋ ubwa cebe, ti ipiɛnɛ nɛ baa shɛ ba nama hwɛɛ, boo shilwo aka ibɛ cebe, bi eri shi kaa ba kashɛka iŋ o.

⁶Iwɛbɛ po, ta mbiyana bu o, ganga bụ, iwɛ maa ba ya uraiŋ ubwa[17] ụbaụta ti bee eri.

⁷Ụ'wụ'wụ na ee ri, u ta 'yajɛ ashɛlatụ, u zhɛ wa sabananɛ wa nama.

⁸Okwo te tini tu bwa tɛ injɛ na cɛnjɛ, okwo tu ukwudungwuru ubwa 'wi,

⁹meni kaa mu namanɛ uŋ, u zhɛ wa sabɛ gana ụ'wụ'wụ na aa ta shɛrɛ tufwo tufwo.

¹⁰Ama yaa shɛ bụtụ 'wi, asha ukwunanga uraiŋ ubwa ta; yaa shɛ ihwungwɛ ibwɛ dwawa, asha cee bɛɛ tɛ zhɛ ba nama yaa?

¹¹Gana tu Urefu na fwụnjɛ shɛ ya, keeni gana ukwokwo na meni mu bwa mu hwɛŋ,

¹²gobwonu du atwa na o 'wo zha shɛ ɛ hiɛ ya. A zha shɛ kwukwuŋ ɛ zhinjɛ ya taa ta tụla tu ga tu ta namɛ, a zha shɛ ɛ zhinjɛ malabụ ma aba o.

¹³I n kwụlanɛ maa n sweci ne e'uye; maa Ma swaka apata uuwa i ci aka na isɛbwɛ bu hwuwowu, nazhɛ maa i 'yaga aka oko hwuŋ maa teyinje iwɛ mi.

¹⁴Yaa shɛ bụtụ 'wi, bi tɛ zhɛ be gwure maa yaanana uraiŋ hŋ? Ama N zhɛ ma 'yaka uuwa i ci aka na tụ ụbaụta ga hwuwowu.[18]

¹⁵Nazhɛ ɛbi zhɛ bu ma n suyana, maa Mo bu lono; nazhɛ amɛ bụ zhɛ o lomo ne mi Gamba na abu karɛ.

¹⁶Nazhɛ ɛbi zhɛ bu na ngbaraka ya ahaŋpalụ elele na Ama shaparaga, ama tuba ta na ndangana iwɛwɛ nɛ Ama nda eseyida o.

¹⁷Gabụ bɛ shɛ bu ma gangana iŋ, maa nyashɛnjɛ iŋ; Gabụ bi zhɛ ba wafwaga undwa mu we elele tubwada.

¹⁸Aka zhɛ o to tu nshama mi zhɛ mo hwuŋzwotongwu; nazhɛ atayɛ a'wụtụ zhɛ o mushongwu.

¹⁹Meni mi zhɛ ma hwaga aparatayɛ, eshilo a'wụtụ zhɛ o sugo cɛnjɛ; gobwonu du ɛbi zhɛ ba nda ashɛlatụ bụtụ na ba nda ufwu.

²⁰Gabụ ba lasụ bụtụ, ibɛ po aba bacɛnga bu unyizo-nom; tu'wo tuba ta nda ya ụpɛshɛka ubwa kwanya kwanya.

²¹Okwo yaa shɛ miaụŋ mu bwa mɛ 'yajɛ ya ụjɛrụma, asha bi mepi shi ya aka go, a zha shɛ du kaa e mbishe bu ụpụrụsa na vwuteni aŋ o.

²²Ụngwụ tu'waba tu bwa kiri baa hwuga ya, keeni amɛ-tụhaŋtụ ubwa kiri bee mepi.