Read bassa SHƐZUNGA TUZUNGANGANA AGWANGWAMA 11 Bible Online

SHƐZUNGA TUZUNGANGANA AGWANGWAMA 11 - bassa bible

SHƐZUNGA TUZUNGANGANA AGWANGWAMA 11

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA. AGWANGWAMA ubwa shɛ ofwo mi tuswaka; gana naa ebi te eri bu mɛ n hiɛŋ, Hila gana ụnụnụ maa zhe nu nshamaa?

²Iwɛnɛ to ogworozwo tutwanua itɛ ya aba, oo botwonuo kaa a'inla aba ni itɛ ne tishi maa o to atwa tiririri.

³Yaa shɛ okoshilo iyi elele hwuŋzwotongwu, asha imbe bụtụ bi tiririri te eri ba nda yaa?

⁴AGWANGWAMA namɛ nu umwono ubwa tijilo, idwɛtwɛ ya AGWANGWAMA kaa namɛ na azuba; baa ngbaraka kaa atwa no ofwo elele; bee mepi kaa iyi nɛ aa nda.

⁵AGWANGWAMA ubwa ba manganga atwa tiririri keeni ogworozwo, boo imo kaa atwa na o lubo abwagara.

⁶Ubwa zhɛ bɛ 'wɛnjɛ ogworozwo akanga ulwa keeni tuwiŋ-tu-uwaŋna; bɛɛ zhɛ kaa ba pana aŋ ulwapɛ na mpiala mu na mo hwoŋzhingo bụtụ.

⁷AGWANGWAMA shɛ tiririri, boo lubo kaa atwa na a nda ugondu tiririri; atwa na kaa shikeni ririri aba zhɛ a nama na agba ubwa.