Read bassa SHƐZUNGA TUZUNGANGANA AGWANGWAMA 12 Bible Online

SHƐZUNGA TUZUNGANGANA AGWANGWAMA 12 - bassa bible

SHƐZUNGA TUZUNGANGANA AGWANGWAMA 12

¹AGWANGWAMA, iti mbiyeni! Iwɛnɛ po bụtụ bi biye okwo bu ko vwɛ shɛ ya o; e eri shi o gwushigo ya atwa tɛcara na ashashɛ atwa o.

²Kpaaŋ aba momo dwotwogonu-ụzagwụ; oo momo holokokonu nu unu-ụlatụ.

³Oo AGWANGWAMA, nda maa ga atwa na a duma unu-ụlatụ a 'imɛ ilɛmɛ! Utogo onu atwa na a duma ishɛkɛ,

⁴aba shɛ atwa na ɛ hiɛŋ, n-ndumwa mu tu mi zhɛ mu ma tu pana iyi nɛ ata jala. Ti zhɛ ta duma iyi nɛ i tu kwụlanɛ, i zasa kaa bụtụ na eri mo tu ngwuricingo.

⁵Ama AGWANGWAMA jɛmɛ, bɛɛ hiɛŋ, N zhɛ ma zhajɛ, iwɛnɛ ta a nda atwa na zasa iyi umungwuta, aa shɛka kaa atwa na o 'nyongo nụ ụngwụ-tuhwuga. N zhɛ ma pana aŋ ya ofwo ulapiya a na ga dwa aŋ eshe.

⁶N-ndumwa ma AGWANGWAMA mɛ shɛ n-ndumwa mu tụrụmbɛɛ; gana azụrụfa na aa nyashɛnjɛ kpalụ cenje nu ulwa ụ'wụtụ.

⁷Ogworozwo barɛ no ofwo elele, bụtụ bụtụ aba kaa ba shɛtangana iyi nɛ shɛ iyi iwɛ.

⁸Oo AGWANGWAMA, na tu ngbaraka lapiya aka elele, na ti intana iwɛ atwa gana ata oo.