Read bassa SHƐZUNGA TUZUNGANGANA AGWANGWAMA 13 Bible Online

SHƐZUNGA TUZUNGANGANA AGWANGWAMA 13 - bassa bible

SHƐZUNGA TUZUNGANGANA AGWANGWAMA 13

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA. AGWANGWAMA, ụkwụmbwụ naa isɛbwɛ mi zhɛ mo bu 'wo yo too? Unyizo-nom suu? I ci ụkwụmbwụ naa ɛbi zhɛ bu mama intana maa kede ma bu kwụbaa?

²I ci ụkwụmbwụ naa yaa shɛ i tilɛɛ maa ma ima-isɛbwɛ na amɛ-tụhaŋtụụ? I ci ụkwụmbwụ naa ụngwụ-tuhwuga zhɛ wo shino amɛ mi tu uwaŋna tụ ụjita nazhɛ maa u hwuwowuu? I ci ụkwụmbwụ naa atwa i'ime mi zhɛ ma n lasụụ o togoo?

³Oo AGWANGWAMA, na shɛ Agwatana mi, M mbiyanɛ maa n jishijɛ; N gwuricingeni ukpahiŋ mu, shibwonu N zhɛ mo 'wo.

⁴To lono maa atwa i'ime mi hiɛŋ, Tụ fwụjɛ bu kaa o. To lono maa ma laya maa atwa i'ime mi bweji unyasa o.

⁵M patanɛ tulubo tụ bụ ti tikpeke rishe; N zhɛ ma nda unyasa iwɛnɛ to bu mo m bicingo.

⁶Oo AGWANGWAMA, N zhɛ ma bu zungangana azunga, iwɛnɛ ta abu n zhɛmanɛ.