Read bassa SHƐZUNGA TUZUNGANGANA AGWANGWAMA 136 Bible Online

SHƐZUNGA TUZUNGANGANA AGWANGWAMA 136 - bassa bible

SHƐZUNGA TUZUNGANGANA AGWANGWAMA 136

¹Oo 'walụ ma AGWANGWAMA, iwɛnɛ po ubwa zhɛmɛ, tulubo tu bwa ti tikpeke tɛ shɛ unyizo-nom.

²Oo 'walụ ma Agwatana shɛgwatana, tulubo tu bwa ti tikpeke tɛ shɛ unyizo-nom.

³Oo 'walụ ma AGWANGWAMA shɛgwangwama, tulubo tu bwa ti tikpeke tɛ shɛ unyizo-nom.

⁴Bwooko kiri ba nda arụhwajɛ a'wụtụ 'wụtụ; tulubo tu bwa ti tikpeke tɛ shɛ unyizo-nom.

⁵Na ti'inta tu bwa baa njɛ azuba, tulubo tu bwa ti tikpeke tɛ shɛ unyizo-nom.

⁶Ubwa berishiji cɛnjɛ tu unyizo na azuba meni; tulubo tu bwa ti tikpeke tɛ shɛ unyizo-nom.

⁷Ubwa njɛ uwaŋna keeni upiana, tulubo tu bwa ti tikpeke tɛ shɛ unyizo-nom.

⁸Uwaŋna ubwa 'yajɛ ụhwada iyi-tuholo, tulubo tu bwa ti tikpeke tɛ shɛ unyizo-nom.

⁹Upiana nu mkpasu aba 'yajɛ ụhwada ụjita; tulubo tu bwa ti tikpeke tɛ shɛ unyizo-nom.

¹⁰Ubwa kwụnɛ miaụŋ-me-eyi mu umbe mi Ijipti; tulubo tu bwa ti tikpeke tɛ shɛ unyizo-nom.

¹¹Ubwa bɛcinjɛ atwa Isrɛl ni Ijipti; tulubo tu bwa ti tikpeke tɛ shɛ unyizo-nom.

¹²Bɛ njɛ iŋ ni i'ɛlɛ ibwɛ keeni aragbamụ ubwa ukpahiŋ; tulubo tu bwa ti tikpeke tɛ shɛ unyizo-nom.

¹³Ubwa beji Itekwu Ishenje; tulubo tu bwa ti tikpeke tɛ shɛ unyizo-nom.

¹⁴Bee keshicinji atwa ubwa na ashashɛ ibɛ; tulubo tu bwa ti tikpeke tɛ shɛ unyizo-nom.

¹⁵Ama bu kwụnɛ agwuma Ijipti keeni ejeshi ubwa ni Itekwu ɛtɛ Ishenje; tulubo tu bwa ti tikpeke tɛ shɛ unyizo-nom.

¹⁶Ubwa zeriji atwa ubwa ee pushi ụshɛka; tulubo tu bwa ti tikpeke tɛ shɛ unyizo-nom.

¹⁷Ubwa kwụnɛ shɛgwuma sha ata shu ukpahiŋ ụ'wụtụ; tulubo tu bwa ti tikpeke tɛ shɛ unyizo-nom.

¹⁸Ubwa kwụnɛ shɛgwuma sha ata shi urishi; tulubo tu bwa ti tikpeke tɛ shɛ unyizo-nom.

¹⁹Bu na bu ko shɛ ge Sihon, agwuma A'amo; tulubo tu bwa ti tikpeke tɛ shɛ unyizo-nom.

²⁰Bu na bi yebi shɛ go Og, agwuma Bashan; tulubo tu bwa ti tikpeke tɛ shɛ unyizo-nom.

²¹Bee peni atwa ubwa cɛnjɛ ta aba; tulubo tu bwa ti tikpeke tɛ shɛ unyizo-nom.

²²Bee peni tu Isrɛl na shɛ yɛu ibwɛ ugondu; tulubo tu bwa ti tikpeke tɛ shɛ unyizo-nom.

²³Ubwa me ti teyinje na aka na oto zwo; tulubo tu bwa ti tikpeke tɛ shɛ unyizo-nom.

²⁴Ubwa utu jwɛ na atwa i'ime tu; tulubo tu bwa ti tikpeke tɛ shɛ unyizo-nom.

²⁵Ubwa ba pana iyi-uumwa ye elele iyimɛyɛ; tulubo tu bwa ti tikpeke tɛ shɛ unyizo-nom.

²⁶Oo 'walụ ma Agwatana azuba; tulubo tu bwa ti tikpeke tɛ shɛ unyizo-nom.