Read bassa SHƐZUNGA TUZUNGANGANA AGWANGWAMA 137 Bible Online

SHƐZUNGA TUZUNGANGANA AGWANGWAMA 137 - bassa bible

SHƐZUNGA TUZUNGANGANA AGWANGWAMA 137

¹Nụ ụpalanụ we erefu Babulon,[102] apata atɛ jɛjɛ; atɛ cwɛ-u'wo aka na eti teyinje iwɛ Zayon.

²Tu sweteji egweje tu ni i'wɛ'wɛ nɛ ɛɛ hiɛŋ izeci ibɛ willo.

³Iwɛnɛ po apata atwa na tɛ 'imɛ iti eni shɛzunga; ibɛ po atwa na ma tu pana ụngwụ-tuhwuga iti eni shɛzunga, ɛɛ hiɛŋ, Utu zunganganɛ ma azunga Zayon oko!

⁴Gana naa eti eri ta zunga azunga AGWANGWAMA na cɛnjɛ ta agaiiŋ?

⁵Oo Jɛrusalɛm, yaa shɛ isɛbwɛ bu i n 'wi; asha kede u'ala mu ubiye eri ya aduma ti'nyama kwukwuŋ!

⁶Yaa shɛ Ngee bi teyinji shi gabụ Jɛrusalɛm, Ngee bi shikicinji shi kaa maa shɛ unyasa mu uhwuri iyi elele kpaaŋ; asha kede bụratụ mi cimi ya azunga tuzunga nu unu mu kwukwuŋ!

⁷Oo AGWANGWAMA, teyinje iyi nɛ atwa Idụm njɛ la nụ ụjita ata ee leshiji Jɛrusalɛm. Teyinje gana na ta a uranjɛ tụdụma, ɛɛ hiɛŋ, Hwuŋzotongo uŋ ma tutu okoshilo ubwa!

⁸Oo Babulon, ɛ zhɛ mo bi iricingo. Bụtụ be elele na ubu tụpanɛ iyi nɛ abɛ tɛ njɛ zhɛ be gwoje!

⁹Ga bụtụ na suji miaụŋ mụ bụ mi shenje, na kaa bwedeji mu nu uparatayɛ njɛ ugwoje!