Read bassa SHƐZUNGA TUZUNGANGANA AGWANGWAMA 138 Bible Online

SHƐZUNGA TUZUNGANGANA AGWANGWAMA 138 - bassa bible

SHƐZUNGA TUZUNGANGANA AGWANGWAMA 138

¹Azunga na ge Devid Zunganganɛ AGWANGWAMA Oo AGWANGWAMA, Ma bụ 'walụ na amɛ mi oko hwɛɛ; Ma bụ shɛtana na azunga ne eshe tuwa te elele.

²N kwuzhi Ngaa ngbaracɛ geri bu umwono bu tijilo; maa Ma bụ 'walụ; iwɛ tulubo tụ bụ ti tikpeke keeni tɛcara tụ bụ, iwɛnɛ te ebi mbiseni maa izeci bu keeni n-ndumwa mụ bụ mu hwuri iyi elele nu ugombo.[103]

³Nụ ụjita na Ngaa bu suyanɛ, gabụ bi n jishijɛ, ebi n keeni ikɛnyi nɛ banɛ nu kpahiŋ bu.

⁴Oo AGWANGWAMA, shɛgwuma shi unyizo kpaaŋ shi zhɛ shɛ ma bụ shɛtana; iwɛnɛ ta a hwụjɛ n-ndumwa mu unu bu.

⁵Ɛ zhɛ a zunga azunga iwɛ iyi nɛ abu nduwa; keeni iwɛ ụjɛrụma ata bụ ụ'wụtụ.

⁶AGWANGWAMA, okwo te ebi zeci ebu hwuri iyi elele, bi te peni waa abashɛ iwɛ atwa na gwụmwatangwụ; atwa unyangana kaa eri shi a bụ swakana o.

⁷Okwo aka na Ngaa namɛ na ashashɛ ihiɛŋmɛ, gabụ kaa ba untangana uraiŋ mu. Gabụ bi zhɛ ba ndarɛshɛnga u'ala bụ maa sukakanɛ atwa i'ime mi, ukpahiŋ bụ kaa zhɛ mo m bicingo.

⁸AGWANGWAMA, bi zhɛ kaa ba ụrɛcɛnga iyi elele nɛ ebi n shileni-unu ibɛ. Oo AGWANGWAMA, tulubo tụ bụ ti tikpeke tɛ shɛ unyizo-nom. Ụrɛcɛnga ugondu ata ebu kwuni tɛnda.