Read bassa SHƐZUNGA TUZUNGANGANA AGWANGWAMA 142 Bible Online

SHƐZUNGA TUZUNGANGANA AGWANGWAMA 142 - bassa bible

SHƐZUNGA TUZUNGANGANA AGWANGWAMA 142

¹Ge Devid bo shilo-Ụzhɛla na Adua, na Amɛ Ụpangwụ na bee Shiyeni N keri AGWANGWAMA ụhiɛŋshɛn na rụhwụŋ ri mi, na rụhwụŋ ri mi kaa Ngaa tabwa AGWANGWAMA maa mo m mbiyono.

²N tileni uswejinu mu nu umbe ubwa, Ngee mbishi bu kaa amɛ-tụhaŋtụ mi kpaaŋ.

³Aka na ti yaa vwɛ cwɛŋ maa i shɛ N 'wi, gabụ kaa bu mepi uhwaŋna mu! Atwa i'ime mi, e n neni ugwuru nụ ụlamụ na Omo dulo.

⁴Aka na tu Ngaa mbiyanɛ geri bu u'ala ubiye, Ngaa ngbaracɛ; ama i zasa bụtụ na mepi iwe mi o; N zasa ya kaa ofwo tudata o, i zasa kaa bụtụ na iwe mi to.

⁵Oo AGWANGWAMA, gabụ Ngee keri ụhiɛŋshɛ, Ngɛɛ hiɛŋ, Gabụ bɛ shɛ ijilɛni mi, gabụ kiri Ama jala nu uraiŋ na Ama ya.

⁶Shɛlaga n'ungwa mi mi maa m mbiyeni, iwɛnɛ ti Ngee iri, Ngee eri shi kaa me mwe ya! N leshiji na atwa na ma n shɛka, iwɛnɛ te e n hwuri ikɛnyi!

⁷M bɛcinjɛ ne tiriri ti mi, iwɛ maa Ma shɛtana izeci bu! Iwɛ uwebiye nɛ abu n ndanɛ.