Read bassa SHƐZUNGA TUZUNGANGANA AGWANGWAMA 143 Bible Online

SHƐZUNGA TUZUNGANGANA AGWANGWAMA 143 - bassa bible

SHƐZUNGA TUZUNGANGANA AGWANGWAMA 143

¹Azunga na ge Devid Zunganganɛ AGWANGWAMA Oo AGWANGWAMA, hwuga adua mi! Shɛlaga tutabwa ti mi ne tiririri tụ bụ; n jishijɛ na tɛcara tụ bụ!

²To mo tocingo Gamba yɛu gɛ bu ugondu nụ ụshɛrɛya o; iwɛnɛ ti yaa zasa bụtụ na ba hwungwa na namɛ ririri ne eshe bu.

³Iwɛnɛ po bụtụ mi bi i'ime n shishingeni Ngee leyi na cɛnjɛ; baa ma kwụkwụtangana ya, baa n gɛgɛcɛnjɛ ne tishi gana atwa ata na uwo la cala cala.

⁴Ibɛ po Ngaa shɛ gana bụtụ na 'wi izhilwe na amɛ na amɛ mi; ohwulu mi shikeni shi ya kwukwuŋ.

⁵N teyinje ijitɛ ingwụshɛ, Ama ta aza iyi elele nɛ abu nduwa, Ama haŋsa iyi elele nɛ i'ɛlɛ bu nduwa kpaaŋ.

⁶M bu sugeni i'ɛlɛ mi na azuba; i'uyɛ bu i n gwụmɛ gana ta cɛnjɛ tu hwoo.

⁷Oo AGWANGWAMA, nda kakayɛ maa n jishijɛ! Ahaŋsa mi ngbaracɛ shɛ ya uhwaŋna we elele o. Ta ma intanana ụpɛshɛka bụ o, iwɛ aka na Ngɛɛ zhɛ ma sha gana atwa na ee ni nu u'uye.

⁸Lono maa Mu na hwuga iwɛ, ne me teyingeni tulubo ta ata tụ bụ ti tikpeke uvwungwa uvwungwa; iwɛnɛ tu Ngaa bu patanɛ-rishe. Gabụ kaa Eme mungicingeni ohwulu mi; m mbiseni uhwaŋna na maa mu no dulo.

⁹Oo AGWANGWAMA, n le no olugwo atwa i'ime mi! N gezhije maa ma swaka pụ bụ!

¹⁰M mbisegeni maa Ma nda ukwulana bụ, iwɛnɛ po gabụ bɛ shɛ Agwatana mi! Ga Mpiala mụ bụ mi biye mi n zeriji nụ ụlamụ na nangwụ ndalụụ!

¹¹Oo AGWANGWAMA, untangana uraiŋ mu iwɛ izeci bu! M bɛcinjɛ na amɛ-tụhaŋtụ ne tiririri tụ bụ!

¹²Nda atwa i'ime mi maa a 'imɛ ilɛmɛ, no tulubo ta ata tụ bụ ti tikpeke; maa iricinji atwa elele na ma n sukakana, iwɛnɛ po yɛu bu ugondu Ngaa shɛ.