Read bassa SHƐZUNGA TUZUNGANGANA AGWANGWAMA 146 Bible Online

SHƐZUNGA TUZUNGANGANA AGWANGWAMA 146 - bassa bible

SHƐZUNGA TUZUNGANGANA AGWANGWAMA 146

¹Shɛtana ma AGWANGWAMA! Oo ohwulu mi, shɛtana AGWANGWAMA!

²N zhɛ ma shɛtana AGWANGWAMA tutu i ci aka na Ngee 'wi. N zhɛ ma zungangana Agwatana mi azunga ashɛtwa tu uraiŋ mu ta namɛ bana.

³Ta patana ma miaụŋ mu tugwama rishe o, keeni yɛu bụtụ nɛ eri shi mo bu bicingo.

⁴Aka na ihwungwɛ ibwɛ dwa, bi zhɛ bo gwulo na cɛnjɛ tu bwa; nụ ụjita ta gbaa ibɛ tuhaŋsa tu bwa te elele tu kwunanjɛ.

⁵Bụtụ na 'yajɛ Agwatana Jekob maa mbiyono bu gwoje; na kaa ba shɛlana AGWANGWAMA na shɛ Agwatana ubwa.

⁶Ubwa karɛ azuba, na cɛnjɛ tu unyizo, keeni itekwu; keeni iyi elele nɛ zweni ni ibɛ. Ubwa kaa ba untangana tɛcara tu bwa aka elele;

⁷baa duma kaa ụshɛrɛya wa atwa na aa nda umungwuta ni iwɛ tumapa; ubwa kaa ba pana atwa na imunɛ gwụmɛ iyimɛyɛ. AGWANGWAMA ubwa bɛ bɛcinjɛ ajama nu umwono-tishi;

⁸bee ushije eshe olubo. Ubwa bɛ ishicinjɛ atwa na waŋtatangwụ; bo lubo atwa tiririri.

⁹AGWANGWAMA ubwa ba ngbaraka agaiŋ na namɛ na cɛnjɛ tu tu; ubwa kaa ba ngbaraka olulo keeni miaụŋ-me-e'weteji; ama bo hwuŋzo tuhaŋsa to ogworozwo.

¹⁰AGWANGWAMA zhɛ a ya tugwama unyizo-nom, Oo gabụ ge Zayon, Agwatana bụ, zhɛ a ya tugwama ta awaŋnɛ elele. Shɛtana ma AGWANGWAMA!