Read bassa SHƐZUNGA TUZUNGANGANA AGWANGWAMA 29 Bible Online

SHƐZUNGA TUZUNGANGANA AGWANGWAMA 29 - bassa bible

SHƐZUNGA TUZUNGANGANA AGWANGWAMA 29

¹Azunga na ge Devid Zunganganɛ AGWANGWAMA. Ahiɛba atwa azuba,[12] shɛtana ma AGWANGWAMA; shɛtana ma ụjɛrụma keeni ukpahiŋ ubwa.

²Shɛtana ma izeci tɛzhɛgba ta AGWANGWAMA; kwuzongo ma nu umbe Bụtụ ata bi Tijilo hiɛ zhɛbɛ bụ.

³Rụhwụŋ ra AGWANGWAMA ru patanɛ ne meni mu ufwugwo; Agwatana ụjɛrụma ba kala uto, ntokwu ma lashajɛ rụhwụŋ ru bwa.

⁴Rụhwụŋ ra AGWANGWAMA ri 'yajɛ ukpahiŋ duwa, rụhwụŋ ra AGWANGWAMA kaa rɛ shɛ igɛhi i baba.

⁵Rụhwụŋ ra AGWANGWAMA ru dwotwogonu i'wɛ'wɛ yo osobu okwo osobu ata namɛ nu uwapa Lebanon.

⁶Bɛ njɛ nshama mu Lebanon maa mu jwe angapa gana esemberi inɛ, baa njɛ maa gɛ Ishɛmɛ Hemon hiranjɛ gana usemberi binemi.

⁷Rụhwụŋ ra AGWANGWAMA ru ba ra nda maa ubɛrɛ beji tụla berere.

⁸Rụhwụŋ ru bwa ri zhingeci ụshɛka, ubwa zhingeci ụshɛka Kadɛsh.

⁹Rụhwụŋ ra AGWANGWAMA ri zhingeci i'wɛ'wɛ ye ekpekpeshi,[13] ra lụbanjɛ ambɛ i'wɛ'wɛ ɛtɛ na aka na ta bụtụ be elele na namɛ nu umwono wa Agwatana uganɛ, ɛɛ hiɛŋ, Ga Ụjɛrụma shɛ una wa Agwatana!

¹⁰AGWANGWAMA yɛ tugwama te meni mu ufwugwo mu na ma zhagajɛ; bɛ yɛ tugwama gana agwuma unyizo-nom.

¹¹Ga AGWANGWAMA peni atwa ubwa ukpahiŋ, ga AGWANGWAMA peni atwa ubwa uwebiye na amɛ-olom!