Read bassa SHƐZUNGA TUZUNGANGANA AGWANGWAMA 3 Bible Online

SHƐZUNGA TUZUNGANGANA AGWANGWAMA 3 - bassa bible

SHƐZUNGA TUZUNGANGANA AGWANGWAMA 3

¹Azunga na ge Devid Zunganganɛ AGWANGWAMA Aka na tu boo Gozhigono Yɛu Ibwɛ ga Absalom. Oo AGWANGWAMA, atwa i'ime mi gembi ufwugwo! Atwa na kaa ma n sukakana gembi ufwugwo du.

²Atwa gembi ufwugwo a duma iwe mi, ɛɛ hiɛŋ, Agwatana kaa zha shɛ o mbiyono bu.

³Ama oo AGWANGWAMA, gabụ kaa bɛ shɛ abula ujasa na n rungwutwonu, gabụ kaa bɛ shɛ ụjɛrụma mu, keeni bụtụ na ma n pana ụjɛrụma.

⁴N keri AGWANGWAMA ụhiɛŋshɛ iwɛ maa mo mbiyono, bɛɛ n jishijɛ ne bikpekwu bu bwa bi tijilo.

⁵N weci Ngee leyi malabụ; Ngɛɛ zhinjɛ sasana, iwɛnɛ ta AGWANGWAMA ma n untangana.

⁶N njɛ shɛ inyɛsɛ ya atwa igbɛɛ-itɛ (10,000) anaa na meme shemeni uuwa n rungwutwonu.

⁷Oo AGWANGWAMA, ishijɛ! Oo Agwatana mi, N leshiji! Gabụ bi pegeni atwa i'ime mi iyi na apada kpaaŋ, gabụ kaa bu dwotwogonu shine sho ogworozwo.

⁸AGWANGWAMA ubwa ba lashɛga atwa ubwa; AGWANGWAMA, pana atwa bu uwebiye!