Read bassa SHƐZUNGA TUZUNGANGANA AGWANGWAMA 30 Bible Online

SHƐZUNGA TUZUNGANGANA AGWANGWAMA 30 - bassa bible

SHƐZUNGA TUZUNGANGANA AGWANGWAMA 30

¹Azunga maa e Shileni Agwatana Umwono Ubwa. Azunga na ge Devid Zunganganɛ AGWANGWAMA. Oo AGWANGWAMA, Ma bụ shɛtana, iwɛnɛ te ebi m bicinji, bi leneni shi kaa atwa i'ime mi maa a n hiɛnjɛ ilɛtu ya asada o.

²Oo AGWANGWAMA na shɛ Agwatana mi, M bi keri ụhiɛŋshɛ iwɛ maa m mbiyeni; ibɛ abu n nɛnjɛ.

³Oo AGWANGWAMA, gabụ bu n vwɛ nu u'uye. N ngo hwulwo Ngoo zuwo taa tuta, ama gabụ bu gwuricinje uraiŋ mu.

⁴Ahiɛba atwa tɛcara kpaaŋ, zungangana ma AGWANGWAMA azunga ashɛtwa! Teyinje ma iyi nɛ Bụtụ ata bi Tijilo nduwa, maa hiɛ 'walụ izeci ibwɛ tijilo.

⁵Isɛbwɛ ibwɛ ilegeji shi okwo cwɛŋ o, inyɛmɛnyɛmɛ ibwɛ tuba ya nama tutuu. Nekeshi malaba mi zhɛ ma fwunga nụ ụrụmɛ, ama unyasa tuba zhɛ wa zhajɛ nu uvwungwa.

⁶Yaa shɛ inee mi, gana na ti yaa n zhɛmanɛ, ibɛ Ngɛɛ hiɛŋ, A zha shɛ mo n zhingoto kwukwuŋ.

⁷Oo AGWANGWAMA, gabụ bu n zhɛmanɛ; gabụ kaa bu n jilanɛ gana uba na shɛ ishɛmɛ. Ama kaa bu n intananɛ ya ụpɛshɛka bụ, ibɛ po Ama nda inyɛsɛ.

⁸Oo AGWANGWAMA, gabụ Ngee keri ụhiɛŋshɛ; ma bụ tabwa maa hieci inyɛmɛnyɛmɛ mi:

⁹Imbe shɛ titeni to tu'wo ti mi pụ bụụ? Imbe zhɛ ya sha ule ti Ngee teni nu u'uyee? Utwotwo u'uye mu te eri ma bụ shɛtana suu? U te eri wa ananga tɛcara tụ bụ suu?

¹⁰Oo AGWANGWAMA, hwuga kaa, maa hieci inyɛmɛnyɛmɛ mi! AGWANGWAMA, M mbiyeni!

¹¹Gabụ kaa bi sheyinji ụkwụla mu tuta maa ụ shɛ ya tɛhiɛba tu unyasa tubwada; gabụ bu suji ụngwụ mu tuhwuga, ebi n shidinji ya nu unyasa ụ'wụtụ.

¹²Amɛ mi zha shɛ a nama shiru o, ama maa ma bụ zungangana azunga ashɛtwa. AGWANGWAMA, gabụ bɛ shɛ Agwatana mi, N zhɛ ma bụ pana a'walụ tutu unyizo-nom.