Read bassa SHƐZUNGA TUZUNGANGANA AGWANGWAMA 47 Bible Online

SHƐZUNGA TUZUNGANGANA AGWANGWAMA 47 - bassa bible

SHƐZUNGA TUZUNGANGANA AGWANGWAMA 47

¹No Ofwo Iyɛri ya Azụnjɛ: Azunga na Miaụŋ-me-eyi mu Kora mu Zunganganɛ AGWANGWAMA Ahiɛba atwa kpaaŋ, puso ma i'ɛlɛ hiŋ nu unyasa tubwada! Shɛtana ma Agwatana nu n'ungwa ma azunga!

²Iwɛnɛ po AGWANGWAMA na Hwuri Kpaaŋ, ubwa shɛ aa sụma inyɛsɛ; ubwa shɛ agwuma a'wụtụ na yɛ tugwama tu unyizo kpaaŋ.

³Ubwa ma tu lasagwụ atwamwa; baa njɛ kaa maa ta untangana edenji.

⁴Ubwa ti teleji cɛnjɛ tu na atu namɛ na tuba, tuba tɛ shɛ iyi unyangana nɛ atwa ubwa a na boo lubo 'yajɛ.

⁵Agwatana munji ni idwɛtwɛ ibwɛ. Ibɛ po aa kala n'ungwa mu unyasa na rụhwụŋ ra akakacɛ taawụụ, gana na ta AGWANGWAMA munji ni idwɛtwɛ ɛtɛ ibwɛ.

⁶Zungangana ma Agwatana azunga ashɛtwa! Shɛtangana bu ma na azunga! Shɛtangana ma agwuma tu na azunga, shɛtangana bu ma na azunga!

⁷Agwatana ubwa kaa shɛ agwuma unyizo kpaaŋ; shɛtangana bu ma na shɛzunga!

⁸Agwatana jɛjɛ ni idwɛtwɛ ibwɛ tijilo; baa yɛ tugwama te edenji.

⁹Ehiu edenji sotulonu medenji atwa Agwatana Abraham. Ubwa 'yajɛ ukpahiŋ ụ'wụtụ na uhwuri una we ejeshi elele kpaaŋ; ubwa kaa untanganɛ ụhwada na gembi tebiye.