Read bassa SHƐZUNGA TUZUNGANGANA AGWANGWAMA 52 Bible Online

SHƐZUNGA TUZUNGANGANA AGWANGWAMA 52 - bassa bible

SHƐZUNGA TUZUNGANGANA AGWANGWAMA 52

¹No Ofwo Iyɛri ya Azụnjɛ: Azunga-ụzhɛla na ge Devid Zụnjɛ na aka na tu go Doɛg Bi'idụm ata zhe bee Mbishe Soul, bɛɛ hiɛŋ, Ge Devid Hwulwo ni ihwɛ Ahimɛlɛk Oo a-bụtụ bu ukpahiŋ, iwembe po aba busa ni iyi iwɛ nɛ abɛ njɛ bụtụ ba Agwatanaa? Tulubo ta Agwatana tu namɛ tutuu.[27]

²Gabụ ba imangana atwa vwɛ bu iyi iwɛ; bụratụ bụ lacɛmɛ gana asuka u'nyanga. Ụzagwụ-tudwa kaa shini na amɛ bụ aka elele.

³Obo lubo kaa iyi iwɛ uhwuri iyi ibiye, keeni ụzagwụ uhwuri iwɛ-tɛkana tụdụma.

⁴Oo gabụ bihelekeci, na bo lubo n-ndumwa mu na ma nda atwa ufwu tụdụma!

⁵Gabata du Agwatana zhɛ ma bu nda ufwu unyizo-nom; bi zhɛ ma bụ ima maa ma bu bacɛnga ni ihwɛ bu; bi zhɛ mo bu unzo maa beni nu unyizo wa atwa na a hwungwa.

⁶Atwa tiririri zhɛ a kwụba iŋ ɛɛ zhɛ a nda inyɛsɛ; nazhɛ ɛɛ zhɛ ma bu hinga ilɛtu, ɛɛ zhɛ ɛ hiɛŋ,

⁷Hioko ma, bụtụ ganana datanɛ shɛ Agwatana maa bino, ama bu patanɛ iyi ibwɛ i'wɛtwɛ ti'yaga rishe, baa dwalakaka ofwo ubwa u tuswaka tedure nu uduciya ubwa.[28]

⁸Ama N shɛ gana ụ'wụ'wụ buta na wa saba na amɛ umwono wa Agwatana; M patanɛ tulubo tu bwa ti tikpeke rishe unyizo-nom uuwa unyizo zhe gwure.

⁹Agwatana, N zhɛ ma bụ 'walụ aka elele iwɛ iyi nɛ abɛ njɛ; N zhɛ ma ananga[29] ne eshe atwa bụ tijilo, maa gabụ bɛ zhɛmɛ.