Read bassa SHƐZUNGA TUZUNGANGANA AGWANGWAMA 61 Bible Online

SHƐZUNGA TUZUNGANGANA AGWANGWAMA 61 - bassa bible

SHƐZUNGA TUZUNGANGANA AGWANGWAMA 61

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA ni iyi Ti'nyama nɛ 'Yajɛ Ihwehwe Oo Agwatana, hwuga n'ungwa mi mi; shɛlaga adua mi!

²N namɛ taa dụlụ ni ihwɛ mi, Ngaa bu suyanɛ aka na tu ugiriri n keri. N zeriji no ofwo uparatayɛ ata na Ngɛɛ zhɛ mo bino.

³Iwɛnɛ po gabụ bɛ shɛ ijilɛni mi, keeni ashɛkpa mi na ma n lashaga na atwa i'ime mi.

⁴Lono maa ma nama no ohwolu bu tijilo unyizo-nom; lono maa mo bino nu uhwuŋnu wa apiambɛ bụ.

⁵Oo Agwatana, bu hwugwa kaa onu na Ngee shileji, gabụ kaa bu m peni iyi-yo-ogwu ya atwa na ma bu muna ụjɛrụma.

⁶Kaana uraiŋ wa agwuma unjɛswa; ga shiywa shu bwa shɛ nama tutu awaŋnɛ elele.

⁷Oo Agwatana, lono maa ga gɛga ni idwɛtwɛ ụhwada bụ unyizo-nom; na ngbaraka bu tedure no tulubo tụ bụ ti tikpeke keeni tɛcara tụ bụ.

⁸Iwɛ maa mu na bu zungangana azunga ashɛtwa aka elele, gana na ma bụ pana onu na Ngee shileji iyi-heri elele.