Read bassa SHƐZUNGA TUZUNGANGANA AGWANGWAMA 63 Bible Online

SHƐZUNGA TUZUNGANGANA AGWANGWAMA 63 - bassa bible

SHƐZUNGA TUZUNGANGANA AGWANGWAMA 63

¹Azunga na ge Devid Zunganganɛ AGWANGWAMA tu baa Namɛ nụ Ụshɛka Juda Oo Agwatana, gabụ bɛ shɛ Agwatana mi, Ma bu jalakaka, i'uyɛ bu gwụmɛ ohwulu mi. Ukekeshi bu to tu'waba ti mi hwɛ hwɛɛ; gana ta cɛnjɛ tu na tu lukwumi tu na tu hweteni, iwɛnɛ taa zasa meni.

²Lono maa ma bu kwụba no ohwolu bu tijilo; lono maa ma kwụba ukpahiŋ bụ keeni ụjɛrụma bụ na abɛ 'yajɛ.

³Iwɛnɛ to tulubo tụ bụ ti tikpeke tɛ zhɛmɛ tee hwuri uraiŋ, ibɛ po kaa Ngɛɛ zhɛ ma bu shɛtana.

⁴N zhɛ mo bu zhemonjino tutu tu'wo ti mi; N zhɛ me bu sugeni i'ɛlɛ mi na azuba tedure na adua tɛnda.

⁵Ohwulu mi zhɛ o shigo gana na ta manɛbɛ keeni tuwebiye to shino ni iyi, N zhɛ ma bu shɛtana na shɛzunga shɛ unyasa tubwada.

⁶Aka na Ngee weci no ogodo mi, me bi teyinje, Ama haŋsa kaa iwɛ bụ uuwa gi iyi yo holo;

⁷iwɛnɛ ti yaa shɛ gabụ bu mo m mbiyono aka elele. Ma zunga azunga unyasa nu uhwuŋnu wa apiambɛ bụ.

⁸Gabụ ohwulu mi swanɛ; u'ala ubiye bu kaa n untanganɛ.

⁹Ama atwa ata na a jalakaka maa a inzhɛnjɛ uraiŋ mu, ɛ zhɛ o zwo o tono tuta te e'uye.

¹⁰Ɛ zhɛ a kwụna aŋ nu utokwobi nu ujasa, ogwusu kaa zhɛ a ya n'wo ma aba.

¹¹Ama agwuma zhɛ a bwada unyasa; iwɛnɛ ta Agwatana peni bu ukpahiŋ maa lasụ. Atwa elele na kaa o shilogo-onu ni izeci ya Agwatana, ɛ zhɛ a shɛtana bụ, ama ɛ zhɛ tuba o utogo onu ejwe-ụzagwụ.