Read bassa SHƐZUNGA TUZUNGANGANA AGWANGWAMA 66 Bible Online

SHƐZUNGA TUZUNGANGANA AGWANGWAMA 66 - bassa bible

SHƐZUNGA TUZUNGANGANA AGWANGWAMA 66

¹No Ofwo Iyɛri ya Azụnjɛ: Azunga Tuzungangana AGWANGWAMA Ahiɛba atwa unyizo kpaaŋ, shɛtana ma Agwatana nu n'ungwa mu unyasa tubwada.

²Zungangana ma ụjɛrụma izeci ibwɛ azunga; pana bụ ma ashɛtwa ụjɛrụma!

³Hiɛŋ ma Agwatana, Iyi nɛ abu ndanjɛ gembi tebiye! Ukpahiŋ bụ kaa gembi duwa harɛ atwa i'ime bu kwuzenji nu umbe bu ni inyɛsɛ.

⁴Atwa unyizo kpaaŋ a bu zhɛba; aa bu shɛtana na azunga, aa shɛtangana izeci bu na azunga.

⁵Zhajɛ ma hiɛ kwụbɛ iyi nɛ Agwatana njɛ, bɛ njɛ iyi i'wɛtwɛ 'wɛtwɛ na ashashɛ atwa.

⁶Ubwa hwuŋcɛnjɛ la itekwu, upo yaa shɛ cɛnjɛ tu hwoo; ibɛ po eshi tu keshi itekwu ɛtɛ ni ivwunɛ. Apata etu bweji unyasa iwɛ iyi nɛ baa njɛ.

⁷Ubwa 'yajɛ ụhwada unyizo-nom tedure nu ukpahiŋ ubwa; ne eshe ubwa kaa baa ngbaraka edenji. Kede atwa tigezhe ne munje bu o.

⁸Oo ahiɛba atwa kpaaŋ, shɛtana ma Agwatana tu; ga a hwụjɛ rụhwụŋ ra ashɛtwa hiŋ.

⁹Ubwa utu untanganɛ atu ta ya uraiŋ, bi leni shi kaa maa ta sharumana o.

¹⁰Oo Agwatana, gabụ bi ti menji gana na a nyashɛnga azụrụfa nu ulwa, gabata du ebi ti menji.

¹¹Gabụ bi ti tecinji na tijama, ebi ti peteni kaa i'wɛŋnɛ nɛ zhineni no ohiuhiu tu.

¹²Gabụ bi leni maa ga atwa i'ime tu na tu suka; tu duri ulwa keeni tizhagajɛ te meni, ama okwo ti yaa shɛ gana ata, gabụ bu tu suje no ofwo tukpotoo.[45]

¹³N zhɛ ma bu 'waŋnanɛ arụpɛ tuhwoŋzhingo nu umwono bu; N zhɛ ma bu tụpa unu na Ngee shiri.

¹⁴N zhɛ ma bu pana iyi nɛ Ngaa dumwa la maa N zhɛ ma bu pana na aka na tu Ngaa namɛ na amɛ-tụhaŋtụ.

¹⁵N zhɛ ma bu pana agwụdụ nụ ụrụpɛ tuhwoŋzhingo nu utukwu-ụrụpɛ; N zhɛ ma ta ụrụpɛ ata ne esemberi inɛ keeni iyweywe, maa nshikwo ma aba mu munji na agba bụ.

¹⁶Ahiɛba na hia sụma Agwatana inyɛsɛ kpaaŋ, zhajɛ ma hi shɛlaga, maa mo hi mbiso iyi nɛ baa n ndanɛ.

¹⁷N keri bu n'ungwa taawụụ iwɛ maa mo m mbiyono; Ngaa shɛtana bụ na shɛzunga.

¹⁸Yaa shɛ Ngaa ngbaracɛ iwɛwɛ na amɛ mi, AGWANGWAMA ga zha shɛ a hwuga iwɛ mi o.

¹⁹Ama iwɛ-tɛkana, Agwatana kaa hwụjɛ iwɛ mi; baa shɛlajɛ kaa rụhwụŋ ra adua mi.

²⁰Mo zhemonjino Agwatana, iwɛnɛ ti bee jineci shi adua mi, bi leshiji shi kaa tulubo tu bwa ti tikpeke no olugwo mi o.