Read bassa SHƐZUNGA TUZUNGANGANA AGWANGWAMA 67 Bible Online

SHƐZUNGA TUZUNGANGANA AGWANGWAMA 67 - bassa bible

SHƐZUNGA TUZUNGANGANA AGWANGWAMA 67

¹No Ofwo Iyɛri ya Azụnjɛ: Azunga na aa Zunganganɛ AGWANGWAMA ni iyi Ti'nyama nɛ 'Yajɛ Ihwehwe Agwatana, hioko inyɛmɛnyɛmɛ tu maa iti peni uwebiye; utu mbiyanɛ ni iwɛ bu tumapa,

²iwɛ maa unyizo kpaaŋ mepi uhwaŋna bụ; iwɛ maa edenji elele mepi ubino bu.

³Oo Agwatana, ga atwamwa a bu shɛtana; ga atwamwa a bu shɛtana kpaaŋ!

⁴Ge edenji a njɛ unyasa maa a zụnjɛ azunga unyasa, iwɛnɛ ta aba duma ụshɛrɛya wa atwamwa ne tishiriri, gabụ kaa ba 'yagaga edenji elele na namɛ na cɛnjɛ tu unyizo.

⁵Oo Agwatana, ga atwamwa a bu shɛtana; ga atwamwa a bu shɛtana kpaaŋ!

⁶Cɛnjɛ ti meci iyimɛyɛ i tuba; Agwatana na shɛ Agwatana tu, bu tu pwonuo kaa uwebiye.

⁷Agwatana utu pwonuo uwebiye; ga atwa kpaaŋ no ofwo elele a sụmɛ bụ inyɛsɛ!