Read bassa SHƐZUNGA TUZUNGANGANA AGWANGWAMA 71 Bible Online

SHƐZUNGA TUZUNGANGANA AGWANGWAMA 71 - bassa bible

SHƐZUNGA TUZUNGANGANA AGWANGWAMA 71

¹Oo AGWANGWAMA, N zhajɛ pụ bụ maa shɛ bikepi mi; to lono maa ezuye n shɛ kwukwuŋ!

²N leshiji iwɛnɛ ta abu namɛ ririri, maa m mbiyeni. Shilo acɛbɛ bu no ofwo mi maa m bicinji!

³Sha ukpahiŋ ubino mu keeni ikepi mi[56] nɛ 'yajɛ ikɛnyi maa n jilanɛ; gabụ bɛ shɛ bikepi mi.

⁴Oo Agwatana mi, n leshiji no ogworozwo, keeni atwa shɛmiaụŋ a na shɛ atwa awɛ.

⁵Oo AGWANGWAMA, gabụ Ngaa shɛlanɛ, oo AGWANGWAMA, gabụ Ngaa patanɛ-rishe, te kwune ne tisemberi ti mi.

⁶Gabụ Ngee leyiteni taa te e m meci; gabụ kaa bu ma n jilanɛ te kwune nụ ụjita na bino mi m meci. Gabụ Ngɛɛ zhɛ ma shɛtana tutuu.

⁷N shanɛ atwa ufwugwo iyi tụdụma, iwɛnɛ ta abɛ shɛ bikepi mi na 'yajɛ ikɛnyi.

⁸Ma bu shɛtana duwa, Ama ananga ụjɛrụma bụ uuwa gụ ụrụmɛ.

⁹Ta ma kala na aka ti'inga ti mi o, to mo jinoko kaa na aka na tu ukpahiŋ mu salananụ o.

¹⁰Iwɛnɛ po atwa i'ime mi a dumanga iwe mi, atwa na kaa a jalakaka uhiuhiu mu a twatwagwụ iwe mi.

¹¹Ɛɛ hiɛŋ, Agwatana jineci bu; ge e urigeni bu maa a 'imɛ bụ, iwɛnɛ po i zasa bụtụ zhɛ ba la bụ o.

¹²Oo Agwatana, ta dụlụma ne mi o; Oo Agwatana mi, nda kakayɛ maa m mbiyeni!

¹³Ga atwa na ma n kapangana leyegeji maa e ileni. Ge ezuye keeni ụpụrụsa 'imɛ atwa na a jala maa a n gwụcɛnjɛ.

¹⁴Ama gabụ kaa Ngaa shɛlanɛ aka elele, N zhɛ kaa mu na bụ kaana tɛshɛtana ɛgbɛɛ.

¹⁵N zhɛ mu na duma iwɛ ugondu bu tiririri keeni ubino bu, uuwa gụ ụrụmɛ, okwo ti Ngee eri shi me eshicigo ufwugwo ibɛ kpaaŋ.

¹⁶Oo AGWANGWAMA Mokondo, N zhɛ ma bụ shɛtana iwɛ ugondu ukpahiŋ na abɛ njɛ; Gobuko kiri Ngɛɛ zhɛ ma ananga tiririri tụ bụ.

¹⁷Oo Agwatana, gabụ bu m mbisegeni iyi taa na tiyɛu ti mi, N ta ananga kaa ugondu bu ụrụhwajɛ ufwugwo.

¹⁸Oo Agwatana, okwo Ngaa injɛ, Ngaa unshɛ tuhwaŋla, to mo n jinoko, uuwa i ci aka na Ngee enengeni awaŋnɛ na te e ci ukpahiŋ bụ ụ'wụtụ.

¹⁹Oo Agwatana, tiririri tụ bụ, ti ce tụla. Oo Agwatana, gabụ kaa bu ndwangwanua iyi i'wɛtwɛ; gaaba shɛ gana bụụ?

²⁰Gabụ bu n tumwananɛ shɛmɛ-shi-tụhaŋtụ keeni ụbaụta, ama gabụ kaa bi zhɛ be gwuricinje ikɛnyi mi; gabụ kaa bi zhɛ bu ma untangana maa kede mo tono ne e'uye o.

²¹Gabụ bi zhɛ bu mo gombicingo duwa; gabụ kaa bi zhɛ bu ma ingatanga sasana.

²²Oo Agwatana mi, N zhɛ ma bu shɛtana na aduma gom; N zhɛ ma shɛtana tɛcara tụ bụ. Nu ugweje mu Ngɛɛ zhɛ ma bu zungangana azunga, gabụ Bụtụ bi Tijilo bi Isrɛl.

²³N zhɛ ma kala n'ungwa mu unyasa, na aka na Ama bu zungangana azunga ashɛtwa no ohwulu mi kpaaŋ, iwɛnɛ te ebi n leshiji.

²⁴N zhɛ ma duma iwɛ tiririri tụ bụ tutuu ụrụmɛ, iwɛnɛ ta atwa na ga jala maa a n gwụcɛnjɛ leyegeji, ụpụrụsa kaa 'imɛ aŋ.