Read bassa SHƐZUNGA TUZUNGANGANA AGWANGWAMA 75 Bible Online

SHƐZUNGA TUZUNGANGANA AGWANGWAMA 75 - bassa bible

SHƐZUNGA TUZUNGANGANA AGWANGWAMA 75

¹No Ofwo Iyɛri ya Azụnjɛ: Azunga na ga Asaf Zunganganɛ AGWANGWAMA, na Rụhwụŋ ru na ri hiɛŋ, Te Iricingo iyi Elele Kpaaŋ o Oo Agwatana, ta bu shɛtana, ta bu shɛtana! Ta ananga tugombo tụ bụ, ata duma iwɛ ugondu wa arụhwajɛ na abɛ njɛ.

²Agwatana hiɛŋ, N shilwo aka na maa ma duma ụshɛrɛya, N zhɛ kaa ma duma uŋ ta zhɛmɛ.

³Okwo iyi-uumwa ye elele ya zhɛgɛda, cɛnjɛ tu unyizo kaa to zhingotu, N zhɛ kaa mo shikicingo okoshilo ubwa dimi.

⁴M mbiswo atwa ishɛkɛ, Ngɛɛ hiɛŋ, Ta duma ma ya ishɛkɛ o, Ngɛɛ hiɛŋ ogworozwo, Ta mama sata ma ya o.

⁵Ta mama sata ma no ofwo Bụtụ ata ba azuba o; keeni n-ndumwa tụdụmanga ni i'ilu tumbata o.

⁶Tugombicingo ta bụtụ ti beni shi geri bu uwaŋna-banụ kwo kaa geri bu uwaŋna-twonuo, kwo kaa nụ ụshɛka o;

⁷semi Agwatana na ba duma ụshɛrɛya ubwa ne tishiriri, ubwa bo zucingo bụtụ bu ko maa gombicingo tuba binya bụtụ.

⁸AGWANGWAMA 'waŋnɛ ukwopi nu u'ala ubwa, meni mu tụ'walụ ta afwafwa mu na mi sembi kaa mi shini nu bwa, isɛbwɛ ibwɛ ibɛ shɛ tufwuno ta muba. Baa 'wɛŋ mụ, nazhɛ ogworozwo elele swe mu, e swe mu hwɛɛ ti icicɛ.

⁹Ama N zhɛ ma bwada unyasa[63] unyizo-nom, N zhɛ ma zungangana Agwatana Jekob azunga ashɛtwa.

¹⁰Ubwa zhɛ ba bwarataga[64] ukpahiŋ wo ogworozwo, ama tuba ukpahiŋ wa atwa tiririri zhɛ na kaana ugombo.