Read bassa SHƐZUNGA TUZUNGANGANA AGWANGWAMA 8 Bible Online

SHƐZUNGA TUZUNGANGANA AGWANGWAMA 8 - bassa bible

SHƐZUNGA TUZUNGANGANA AGWANGWAMA 8

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA. Oo AGWANGWAMA, na shɛ Agwangwama tu, unyizo kpaaŋ kwụbwa igɛhi bu! Gabụ kaa bi shikicingwo ụjɛrụma bụ te keshici azuba.

²Miaụŋ mi tidice dice, na Miaụŋ mi shenje mu ma bu shɛtangana. Bu hwungwa, iwɛnɛ atwa i'ime bu, eri shi ma bụ lasụ. Gabụ kaa bo ngwuricingo atwa elele na ma bu sukakana.

³Aka na Ngaa mbiyanɛ tụla tu na abɛ njɛ, tu upiana keeni mkpasu mu na ebi petengeni no ohwolu muba;

⁴Imbe bụtụ ta shɛ ebi te teyinje buu? Okwo kaa abu ta 'wa iwɛ bụtụ bo ohondoo?

⁵Ama gabụ kaa bɛ njɛ bụ ta 'nyanɛ maa kede nangwụ na bụ o. Gabụ kaa bi peteni bu udara ụjɛrụma nu una tumuna.

⁶Gabụ bi teri bu maa sha uhiu iyi elele nɛ abu karɛ; abɛ njɛ bụ maa ga 'yaga ụhwada iyi elele:

⁷ta agwụdụ, ti inɛ keeni isundɛ ehilo du;

⁸ta shanụnụ shɛ na sha hila, ti ijɛnɛ keeni iyi-uumwa nɛ zweni ni itekwu.

⁹Oo AGWANGWAMA na shɛ Agwangwama tu, igɛhi bu kaa botogwu cɛnjɛ tu unyizo kpaaŋ!