Read bassa SHƐZUNGA TUZUNGANGANA AGWANGWAMA 82 Bible Online

SHƐZUNGA TUZUNGANGANA AGWANGWAMA 82 - bassa bible

SHƐZUNGA TUZUNGANGANA AGWANGWAMA 82

¹Azunga na ga Asaf Zunganganɛ AGWANGWAMA Agwatana ubwa untanganɛ ushaura wa azuba; baa kwunanga ụshɛrɛya u tuwa; bɛɛ hiɛŋ,

²Hiɛ shɛ shɛ hia duma ụshɛrɛya wo orugwusu kwukwuŋ; hiɛ shɛ shɛ kaa hia 'yaga atwa tuzanga no ogworozwo kwukwuŋ!

³Duma ma ụshɛrɛya wo okofwo keeni una miaụŋ me 'weteji ne tishiriri; nda ma atwa ata zasa iyi keeni atwa ata mama zasa tebiye.

⁴Lashɛga ma atwa ata ikɛnyi ci shi keeni atwa ata zasa iyi ni i'ɛlɛ yo ogworozwo.

⁵A zasa iyi-tumapa keeni ti'eshicigo, o rungo na amɛ tishi; cɛnjɛ tu unyizo ti teni ụdamụ kpaaŋ.

⁶Ahiɛba miaụŋ ma Agwatana na Hwuri Kpaaŋ, N hiɛŋ, Hiɛ shɛ tuwa hwɛɛ hiŋ.

⁷Ama kaa hi zhɛ hio 'wo gana atwa, araiŋ hiŋ zhɛ a kwunanga gana a na miaụŋ mu tugwama.

⁸Oo Agwatana, zhajɛ maa jɛmɛ ụshɛrɛya unyizo; edenji kpaaŋ a shɛ a naa bụ.