Read bassa SHƐZUNGA TUZUNGANGANA AGWANGWAMA 87 Bible Online

SHƐZUNGA TUZUNGANGANA AGWANGWAMA 87 - bassa bible

SHƐZUNGA TUZUNGANGANA AGWANGWAMA 87

¹AGWANGWAMA mo ụshɛpwụ ubwa ni ishɛmɛ tijilo;

²AGWANGWAMA o lubo Jɛrusalɛm uhwuri ofwo elele na vwɛ ni Isrɛl.

³Oo ahiɛba na hiɛ jɛjɛ nụ ụshɛpwụ wa Agwatana, shɛlaga ma iyi i'wɛtwɛ 'wɛtwɛ nɛ baa duma iwɛ hiŋ.

⁴N zhɛ mo togotogwu Ijipti nu Babulon aka na ta Ama imanjɛ edenji na a hwuga-unu mu; Ngɛɛ zhɛ maa rɛta atwa na jɛjɛ nu Jɛrusalɛm na ashashɛ Afilistia, nu Taya keeni Itiopia.

⁵Ɛ zhɛ a duma iwɛ Zayon, ɛ hiɛŋ, Aba 'yajɛ te epe, ta apata; Agwatana na Hwuri Kpaaŋ kaa zhɛ a nda uŋ maa u 'yaga ikɛnyi.

⁶AGWANGWAMA kaa zhɛ a imanjɛ atwamwa, bɛɛ zhɛ bo togotogwu aŋ kpaaŋ maa a shɛ ya miaụŋ mu Jɛrusalɛm.

⁷Azunga aba, na tɛhiɛba ta aba, nu Zayon i shɛ ofwo na ewebiye-tu-tupana kpaaŋ ɛ zhinjɛ.