Read bassa SHƐZUNGA TUZUNGANGANA AGWANGWAMA 88 Bible Online

SHƐZUNGA TUZUNGANGANA AGWANGWAMA 88 - bassa bible

SHƐZUNGA TUZUNGANGANA AGWANGWAMA 88

¹Azunga na Miaụŋ-me-eyi mu Kora mu Zunganganɛ AGWANGWAMA No Ofwo Iyɛri ya Azụnjɛ: Ụzhɛla na ge Heman na shɛ Bu'ezrahi bo shilo. Oo AGWANGWAMA na shɛ Agwatana mi, Ma ugaga uuwa gụ ụrụmɛ iwɛ maa m bicinji, Ama ugaga nu umbe bu nụ ụjita.

²Hwuga adua mi, shɛlaga n'ungwa mi mi.

³Shɛmɛ-shɛ-tụhaŋtụ shu ufwugwo shi mo n vwutongono, ibɛ po Ngoo gwumwongonu tu'wo.

⁴N shɛ bụtụ bu ko na aa rɛcɛ na ashashɛ atwa na zhɛ nu u'uye N zasa ya ikɛnyi o,

⁵gana ta bụtụ bu ko na ashashɛ atwa na ee jinekeni tu'wo, gana ta bụtụ na aa kwụnɛ na weci nu u'uye, gana ta atwa ata na ebi teyinji shi ya iwɛ aba kwukwuŋ, iwɛnɛ to o bocingwo aŋ ni i'ɛlɛ bu.

⁶Gabụ bu n keri taa ne me'ilwo mu u'ibwa ata iri tutu tutu, na amɛ ushapa ata tishi tu bwa keeni me'ilwo mu bwa mu hwuri ofwo vwɛ kpaaŋ.

⁷Isɛbwɛ bu i m patanɛ te zhineni, gabụ kaa bu n kwungwuri na adanga isɛbwɛ ɛtɛ bu.

⁸Gabụ bɛ njɛ maa ga atwa mi tumapa dụlụmɛ ne mi; gabụ kaa bɛ njɛ maa kede e cimi ya iwe mi o. E n kepi odubo, N eri shi ma banangana ya o,

⁹ụngwụ-tuhwuga wa kaana eshe mi tulubicingo. AGWANGWAMA, iyi-heri Ama bu suyana; Ngee bu sugeni kaa i'ɛlɛ mi na azuba.

¹⁰Shɛ gabụ suu ba nda arụhwajɛ iwɛ atwa na 'wi? Ɛ tɛ zhɛ suu ɛ hiɛ maa a bu shɛtana?

¹¹A duma suu iwɛ tulubo ta ata tụ bụ ti tikpeke nu u'uye, kwo kaa tɛcara tụ bụ no ofwo atwa ata njɛ ufwu?

¹²A mapa suu arụhwajɛ bụ ne tishi? Okwo a mapa suu timbiyono tụ bụ ti tibicingo na cɛnjɛ ta ata ti isɛbwɛ tu'wo?

¹³Oo AGWANGWAMA, ama Gamba ma bu kala n'ungwa maa m mbiyeni; adua mi mo bu to nu uvwungwa we elele.

¹⁴Oo AGWANGWAMA, iwembe po ebi n kerii? Iwembe po abu ma intanana ụpɛshɛka bụụ?

¹⁵Te kwuni na tuwaŋnɛ ti mi, Ma nda ụbaụta Ngoo gwumwongonu ya tu'wo; N lwegeji tedure nu ulwapɛ na abu ma m pana.

¹⁶Isɛbwɛ bu i'wɛtwɛ i n kwụkwụtanganɛ; tukapangana tụ bụ tụ 'wụtụ 'wụtụ tɛ n njɛ ufwu.

¹⁷I n rungwutwonu gana tɛzhagajɛ te meni, yo gwumwongonu ne mi geri geri aka oko zhiaaŋ.

¹⁸Gabụ bɛ njɛ maa ga atwa mi tulubo keeni eyejilo mi e n jineci; tishi kiri tɛ shɛ ya uyebi mu.