Read bassa SHƐZUNGA TUZUNGANGANA AGWANGWAMA 95 Bible Online

SHƐZUNGA TUZUNGANGANA AGWANGWAMA 95 - bassa bible

SHƐZUNGA TUZUNGANGANA AGWANGWAMA 95

¹Oo zhajɛ ma, maa tɛ shɛtana ma AGWANGWAMA! Mizha tu zunganganɛ ma Agwatana na mo ti bicingo azunga unyasa!

²Hwure ti zhe ma na agba ubwa na a'walụ; hwure tu ndanɛ bu ma rundu ru unyasa na azunga ashɛtwa!

³AGWANGWAMA ubwa shɛ Agwatana a'wụtụ, keeni Agwuma a'wụtụ na hwuri tuwa te elele.

⁴Ni i'ɛlɛ ibwɛ me'ilwo ma cɛnjɛ tu unyizo mu zweni; ubwa kaa du i 'yagananɛ nshama mu na mi zeteji.

⁵Ubwa 'yajɛ itekwu, iwɛnɛ po ubwa njɛ iŋ; i'ɛlɛ ibwɛ kaa du njɛ cɛnjɛ tu hwoo.

⁶Oo zhajɛ ma, tu to ma bizhiri maa tɛ zhɛbɛ bụ ma, mizha tu kwuzo ma nu umbe AGWANGWAMA na ɛtɛ njɛ!

⁷Iwɛnɛ po ubwa shɛ Agwatana tu, atuba kaa tɛ shɛ atwa ubwa a na baa 'ima u'ala, keeni agwụdụ ubwa a na baa biga. Oo shɛlaga ma hwayɛ ga iyi nɛ baa duma!

⁸Ta ta ma tɛshɛshɛpana gana na eshi hiŋ njɛ la ni Meriba, gana na aa njɛ la jita ata nu ụshɛka Massa,

⁹na aka na eshi hiŋ e m menji o, ee m mekeni du, okwo ta a kwụbɛ ugondu na Ngaa ndanɛ aŋ.

¹⁰Shiywa buhanda Ngaa 'waŋnɛ uwaŋnɛ ata, ibɛ po Ngɛɛ hiɛŋ, Atwa ga a 'inɛ na shɛmɛ sha aba, a 'wa sụ kaa ihwɛŋnɛ mi o.

¹¹Iwɛbɛ po Ngee shiri-unu ni isɛbwɛ mi, Ngɛɛ hiɛŋ, Hi zha shɛ hio tono cɛnjɛ ta ata Ngɛɛ ngɛ zhɛ ma hi pana ụhinjanụ na tuba kwukwuŋ.