Read bassa SHƐZUNGA TUZUNGANGANA AGWANGWAMA 98 Bible Online

SHƐZUNGA TUZUNGANGANA AGWANGWAMA 98 - bassa bible

SHƐZUNGA TUZUNGANGANA AGWANGWAMA 98

¹Azunga Tuzungangana AGWANGWAMA Oo zungangana ma AGWANGWAMA azunga ofwo; iwɛnɛ tu baa nduwa iyi ya arụhwajɛ! Tedure nu ukpahiŋ ubwa keeni ikɛnyi ibwɛ tijilo, ibɛ po baa lasatagwụ atwa i'ime ibwɛ.

²AGWANGWAMA njɛ maa e mepi tụlasụ tu bwa, bee kepishingeni edenji kpataa maa ubwa 'yajɛ ukpahiŋ u tibicingo.

³Bee teyinje kaa tulubo tu bwa ti tikpeke keeni tɛcara tu bwa ni ihwɛ ya atwa Isrɛl. Ahiɛba atwa elele no ofwo elele, hi kwụbwa tụlasụ ta Agwatana tu.

⁴Ahiɛba atwa cɛnjɛ tu unyizo kpaaŋ, zungangana ma AGWANGWAMA azunga unyasa; shɛtana bu ma na shɛzunga keeni n'ungwa mu unyasa tukala taawụụ!

⁵Shɛtangana ma AGWANGWAMA na azunga! 'Nyama ma aduma!

⁶Hwulo ma akakacɛ keeni shihiuaŋ, maa hi keleni AGWANGWAMA na shɛ agwuma tu n'ungwa mu unyasa!

⁷Ge itekwu uganɛ, medenji iyi-uumwa ye elele nɛ zweni na amɛ ibɛ; ta cɛnjɛ tu unyizo medenji iyi elele nɛ zweni na tuba, zunga ma azunga!

⁸Ge erefu pushi i'ɛlɛ ya aba; ge tikpekwu ti jwɛ azunga unyasa zhiaaŋ nu umbe AGWANGWAMA,

⁹iwɛnɛ ti bee ci ba maa duma ụshɛrɛya cɛnjɛ tu unyizo ga. Bi zhɛ ba duma ụshɛrɛya wa atwa unyizo ne tishiriri, keeni una wa atwa, na tɛkana.